João 2:2 - O Novo Testamento na língua Kaingáng

² Kỹ ag tóg Jesus mỹ tó mũ gé, ti tỹ fénhta venh kãtĩg jé, ti mré mũ tĩ ag mré.

João 2:2 Iomraidhean Croise

Mateus 12:19

Vĩ jũ han ke tũ ti nĩ, jũ kỹ vĩ tar han ke tũ ti nĩ gé. Re tá ag tóg ti vĩ mẽnh ke tũ nĩ gé. Komẽr hã tóg vĩnh ke mũ, he tóg, Topẽ ti.

Mateus 25:40

Kỹ sóg ag mỹ: ũn jagtar ag jagãgtãn ja ãjag tóg nĩgtĩ, inh mré ke ag, fag mré hã, kỹ tóg tỹ ãjag tỹ inh jagãgtãn ri ke nĩ, henh ke mũ, isỹ tỹ pã'i mág nĩ kurã ẽn kã,” he tóg.

Mateus 25:45

Kỹ sóg ag mỹ: ũn jagtar ag jagãgtãn ja tũ ãjag tóg nĩgtĩ, fag ke gé, hã kỹ tóg tỹ, ãjag tỹ inh jagãgtãn tũ ri ke nĩ, mỹr, ha mẽ, henh ke mũ.

João 2:12

Kar kỹ tóg ẽmã tỹ Cafarnaum ra tĩ mũ, ti mỹnh fi mré, ti jãvy ag mré hã, ti mré mũ tĩ ag mré ke gé. Tá ag tóg nỹtĩg mág sĩ han.

João 2:17

Ti mré mũ tĩ ag tỹ tag ve kỹ ag tóg ti to rán kỹ nĩ ẽn mĩ ẽkrég mũ, ha mẽ: “ã ĩn tóg inh mỹ sĩnvĩ jẽ. Ag tỹn kavénh kỹ ag tóg inh krĩ rỹ han mũ. Kỹ tóg kejẽn isén ke mũ sir, ha vem nĩ,” he tóg.

João 2:22

Ti tỹ kejẽn ti ter kar kỹ rĩr mãn kỹ ti mré mũ tĩ ag tóg ti vĩ tag ki ẽkrén kỹ ki kanhrãn mũ. Kỹ ag tóg Topẽ vĩ ki rán kỹ nĩ ẽn to jykrén há han mũ vãhã, ti vĩ to ke gé. Kỹ ag tóg ti ki ge há han mũ vãhã.

João 2:3

Ag tỹ tá nỹtĩ ra vãhã vinho tóg tũ' he mũ. Kỹ ti mỹnh fi tóg ti mỹ: “vinho vỹ hur tũg,” he mũ.

João 3:22

Ẽn kã kejẽn Jesus tóg ti mré mũ tĩ ag mré ga tỹ Judéia ra tĩ mũ. Kỹ ag tóg tá nỹtĩ. Vẽnh kar kygpég ag tóg mũ.

João 4:2

Hã ra Jesus vỹ ag kygpe ja tũ nĩ. Ti mré mũ tĩ ag hã vỹ ag kygpe ja nĩgtĩ.

João 4:33

Kỹ ag tóg jagnẽ mỹ: “ũ nỹ ti mỹ vẽjẽn nĩm hỹn?“ he mũ.

João 4:8

Ti mré mũ tĩ ag vỹ ẽmã ra kagáv ja nĩ, vẽjẽn kũpra he jé. Hã kỹ tóg ti pir mỹ tá nĩ nĩ.

João 6:12

Ag funfór nỹtĩn kỹ tóg ti mré mũ tĩ ag mỹ: “ag tỹ ko ja tũ ẽn génh mũjẽg, ti vãgfor tũ nĩ jé,” he mũ.

João 6:16

Kutyg rã ra ti mré mũ tĩ ag tóg goj nig mág ra mũ mũ.

João 6:60

Kỹ ti vĩ tóg ti mré mũ tĩ ũ ag mỹ e tĩ. Kỹ ag tóg: “mẽ jagy ti tĩ. Ẽg tỹ mẽ jãvãnh tóg tĩ,” he mũ.

João 6:66

Ti vĩ tag tugrĩn ti mré mũ tĩ ũ ag tóg ti tovãnh mũ sir. Ti mré ag mũ mãn tũ nĩ.

João 6:67

Kỹ tóg ũ tỹ 12 (ke) ag mỹ: “ãjag hỹn isovãnh sór mũ gé,” he mũ.

João 6:70

Kỹ tóg ũ tỹ 12 (ke) ag mỹ: “ãjag kuprẽg inh, hã kỹ ãjag tóg tỹ ũ tỹ 12 (ke) nỹtĩ. Hã ra ãjag kã mĩ ũn pir vỹ tỹ Japo tũ nĩ jãvo,” he mũ.

João 6:71

Ti tỹ Judas ẽn tó vẽ, Simão Iscariotes kósin ẽn. Ẽn vỹ kejẽn ti tovãnh kỹ pã'i ag mỹ ti fẽg mũ, ag tỹ ti se jé. Hã ra Jesus tóg ti tỹ nén han ke mũ ẽn ki kanhró ja nĩ.

João 6:8

Kỹ ag mré tĩ tỹ André he mũ ẽn, Simão jãvy ẽn tóg Jesus mỹ:

João 7:3

Kỹ Jesus jãvy ag tóg ti mỹ: “Ẽmã mág ra tĩg nĩ, Jerusalém ra,” he mũ. “Ã tỹ tag hã ki milagre hynhan kỹ tá ã mré ke ag tóg vég tũ nĩgtĩ.

Han Kãme 11:26

Ti tỹ ti ve kỹ tóg ti pére tĩ mũ, Antioquia ra. Tá ag tóg prỹg pir han. Jesus ki ge kỹ nỹtĩ ag tỹ vẽnh mãn kỹ ag tóg ag kanhrãn tĩ, Barnabé ti, Saulo ti ke gé. Kỹ ũn e vỹ ag vĩ jẽmẽg tĩ. Antioquia tá ag tóg Jesus mré mũ ag to: “Cristo mré ke ag,” he vén ja nĩ. Kỹ ẽg jiji vẽ sir, hã vỹ: Cristo mré ke ag, he mũ.

Han Kãme 11:29

Prỹg tĩnh ken kỹ Jesus mré ke ag tóg Judéia tá ke ag to jykrén mũ sir. Kỹ ag tóg: “ẽg hỹn ag mỹ nén ũ jẽnẽnh mũ, ag tỹ kon jé,” he mũ. Kỹ ag tóg ag tũ kuju vin han mũ, ag tỹ Judéia tá Jesus mré ke ag mỹ jẽnẽ jé.

1 Corinto 10:31

Hã kỹ Topẽ hã mỹ nén kar han nĩ. Ã jẽn kỹ ti jykre ki jẽn nĩ. Ã kron kỹ ti jykre ki kron nĩ. Ã tỹ nén ũ han kỹ ti jykre hã ki han nĩ gé, vẽnh kar tỹ ti jykre há nĩ ve jé.

1 Corinto 7:39

Ũn tỹtá fag vỹ tỹ fag mén tũ nỹtĩ, ag rĩnrĩr nỹtĩn kỹ. Ũ fi mén ter kar kỹ fi tóg hã ra ũ tỹ mén mũ sir, jatun mỹ. Fi mén mãn vẽ sir, Há ti nĩ. Hã ran jé tỹ ẽg Senhor mré ke nĩ, fi mén mãn ke ti.

Colossos 3:17

Ãjag tỹ nén ũ han ken kỹ ẽg Senhor mré vẽmén kar kỹ han nĩ. Kỹ ãjag tỹ nén ũ tó sór kỹ ti hã mỹ tó vén nĩ gé. Ẽg Senhor tỹ Jesus jykre hã han jé ẽg tóg ke mũ. Kỹ ẽg tóg ti hã tugrĩn ẽg jóg tỹ Topẽ mỹ vẽnh vĩ há tónh ke mũ gé sir.

Hebreu 13:4

Ũ prũ fi to én tũg nĩ, ũ mén to én tũg nĩ gé. Ãjag prũ nỹtĩn kỹ fi hã mré nỹ sórm nĩ, ãjag mén nỹtĩn kỹ ti hã mré nỹ sórm nĩ gé. Topẽ vỹ, ũ tỹ vẽjykre kórég han mũ ẽn ag to jũnh ke mũ, fag to ke gé.

Nén Venh Ke 3:20

Mẽ há han nĩ, sỹ ãjag mỹ nén tó mũ tag. Re tá inh jẽ nĩ, jãnkã tá, kỹ sóg tỹ tórón' tórón' ke mũ. Ũ tỹ inh vĩ mẽg mũ mỹ tóg há tĩ. Kỹ tóg inh mỹ nón ke mũ, jãnkã ti. Kỹ sóg ti ĩn kã ra rãnh ke mũ. Kỹ sóg ti mré jẽn ke mũ. Kỹ tóg inh mré jẽn ke mũ gé, ha mẽ.