João 2:10 - O Novo Testamento na língua Kaingáng

¹⁰ “vẽjykre vẽnh mỹ han ã,” he mũ. “Ag tỹ kronkron vén kỹ ã tóg ag mỹ vinho há tãvĩ nĩm ke mũ vẽ. Kar kỹ vinho pãgsĩ vỹ há nĩ vẽ. Hã ra ã tóg ag mỹ vinho pãgsĩ ẽn nĩm vén. Kỹ ã tóg vinho há tãvĩ tag nĩm sór mũ ha vãhã,” he tóg.

João 2:10 Iomraidhean Croise

Mateus 24:49

Kỹ tóg ti mré camarada ag vóg kónãn mũ sir, ag mrãnmrãn kỹ. Kỹ tóg ũ ag mré kron mũ gé, jẽn mág tóg mũ gé sir.

Lucas 12:45

Ti camarada ẽn jykre kórég nĩn kỹ tóg vẽnh mỹ nĩ jãvo, ha mẽ. To jykrén kỹ tóg: ẽg patrão vỹ kãtĩg vãnh han mũ, he mũ. Kỹ tóg ti mré ke ag vóg kónãn mũ. Ag mrãnmrãn tóg mũ sir, fag ke gé. Kỹ tóg jatun mỹ jẽn mág han mũ. Ũn kronkron tĩ ag mré tóg kron kỹ pépév tĩ nĩ sir.

Lucas 16:25

Kỹ Abraão tóg ti mỹ: “inh kósin,” he mũ. “Ã tỹ ga kri tĩ ja ẽn ki ẽkré. Tá ã tóg há tĩ ja nĩgtĩ, jãvo Lázaro tóg jagtar ja nĩgtĩ. Kỹ tóg tag ki há tĩ nĩ, jo ã tóg vẽsỹrénh jẽ nĩ, ã tỹ ti jagãgtãn ja tũ nĩn kỹ.

Han Kãme 2:15

“Ãjag ne tóg: kronkron kỹ ag kãgter nỹtĩ, he mũ. Hã tũ vẽ hã ra,“ he tóg.

1 Corinto 11:21

Tỹ fénhta han kỹ ãjag kar nẽji vẽnh fãn hã jé ko tĩ. Tá jun kỹ ãjag nẽji kãnhmar ko tĩ. Kỹ ũ ag nẽji vẽnh fãn tĩ. Vinho kron kỹ ag nẽji tỹ pépév tĩ. Jo ũ ag tóg kókĩnkĩr tĩ sir, ũ tỹ kãnhmar tá junjun mũ ag tỹ ag tũ kagran kỹ.

Éfeso 5:18

Vinho tỹ vẽsén tũg nĩ, tỹ vẽnh pépév han tũg nĩ, goj fa tỹ ke gé. Vẽjykre kórég vẽ. Topẽ kuprĩg tỹ ẽg fãn tag hã ne há nĩ'.

1 Tessalônica 5:7

Ũn nũgnũr mũ ag vỹ kuty kỹ nũgnũr tĩ. Kỹ ag tóg ti kãtĩg ke kã jatu nỹtĩ. Kỹ ũn kronkron mũ ag vỹ kuty kỹ pépév mũgtĩ, ag kãgter nỹtĩn kỹ. Kỹ ag tóg vẽso jykrén tũ nỹtĩ. Kuty tá vẽjykre hã vẽ.

Nén Venh Ke 17:2

Pã'i kar vỹ fi mré nỹ ja nĩgtĩ, ũn mén (ka)mẽ ẽn fi mré. Ẽprã ke kar ag mỹ tóg sér tĩ, fi jykre ti. Kỹ tóg ag tỹ kronkron kỹ kãgter ri ke nĩ, ag tỹ ũn mén (ka)mẽ ẽn fi mré nỹ ti,” he tóg inh mỹ.

Nén Venh Ke 17:6

Hã ra fi tóg, ũ tỹ Topẽ ki ge kỹ nỹtĩ ag kyvénh kron kỹ ter nĩ. Ũ tỹ hẽn ri ke ag kãgtén ja ag tóg nĩgtĩ, Jesus tugrĩn, ag tỹ Jesus tovãnh sór tũ tugrĩn. Hã ra fi tóg ag kyvénh kron kãn ja nĩ. Inh mỹ tóg e tĩ, sỹ fi ve kỹ.