João 2:1 - O Novo Testamento na língua Kaingáng

¹ Kurã tãgtũ tũg kỹ ũ tóg vẽnh prũg han mũ, ẽmã tỹ Caná tá, ga tỹ Galiléia tá. Jesus mỹnh fi vỹ venh tĩg ja nĩ.

João 2:1 Iomraidhean Croise

Mateus 12:46

Ti tỹ ver tỹ vẽmén jẽ ra ti mỹnh fi tóg, tá jun mũ sir, ti jãvy ag mré. Ti mỹ fag tóg vẽnh vĩ jẽnẽg mũ, fag tỹ ti mré vẽmén jé.

João 1:29

Tỹ vaj kỹ tóg Jesus vég mũ sir. Kỹ tóg ti to: “ti hã vẽ,” he mũ. “Ẽg tỹ Topẽ mỹ cordeiro tãnh ẽn ri ke ti nĩ. Ti hã vỹ ẽg kar tỹ Topẽ vĩ mranh ẽn jagfy ter ke mũ.

João 1:35

Tỹ vaj kỹ João tóg ti mré mũ tĩ régre ag mré vẽmén jẽ nĩ.

João 1:43

Tỹ vaj kỹ tóg ga tỹ Galiléia ra tĩg sór mũ. Kỹ tóg Filipe mỹ: “inh mré kãtĩg,” he mũ.

João 2:11

Jesus tỹ ẽmã tỹ Caná tá nén han mũn hã vẽ, Galiléia tá. Ẽg tỹ nén han ki kagtĩg hynhan tóg tĩ, kỹ tóg tag han vén. Hã kỹ ti mré mũ tĩ ag tóg ti ki ge pẽ han mũ sir, ag tỹ ti jykre tar ẽn ven kỹ.

João 21:2

Simão Pedro vỹ tá nĩ, Tomé ti ke gé, ag tỹ ũ to: “ũn vẽgni,” he mũ ẽn ti, kar kỹ Natanael ti ke gé, ẽmã tỹ Caná tá ke ẽn, ga tỹ Galiléia tá ke ẽn, kar kỹ Zebedeu krẽ ag vỹ tá nỹtĩ gé, Jesus mré mũ tĩ régre ũ ag ke gé.

João 4:46

Kỹ tóg ẽmã tỹ Caná ra tĩg mãn mũ. Tá tóg goj tỹ vinho han ja nĩgtĩ. Cafarnaum tá pã'i mág tóg nĩgtĩ. Ti kósin vỹ kaga nỹ nĩ.

Hebreu 13:4

Ũ prũ fi to én tũg nĩ, ũ mén to én tũg nĩ gé. Ãjag prũ nỹtĩn kỹ fi hã mré nỹ sórm nĩ, ãjag mén nỹtĩn kỹ ti hã mré nỹ sórm nĩ gé. Topẽ vỹ, ũ tỹ vẽjykre kórég han mũ ẽn ag to jũnh ke mũ, fag to ke gé.