João 19:4 - O Novo Testamento na língua Kaingáng

⁴ Kỹ Pilatos tóg re ra kutẽ mãn mũ gé sir. Kỹ tóg vẽnh kar mỹ: “ha vé ha, ti jykre kórég mẽ ja tũ sóg nĩ vẽ. Kỹ sóg ãjag mỹ ti ven mũ. Nén ũ vẽnh mỹ han tũ ti nĩ vẽ,” he mũ.

João 19:4 Iomraidhean Croise

Mateus 27:19

Ti tỹ vẽnh jyvẽn jafã tá nĩ ra ti prũ fi tóg, ti mỹ vẽnh vĩ jẽnẽg mũ, kỹ fi tóg ti mỹ: “vẽjykre kuryj han ti tĩ,” he mũ, Jesus to. “Hã kỹ ti vóg sór tũg nĩ. Kuty tag kã sóg ti to vẽnh péti kónãn. Ẽg tỹ ti tugrĩn jagtar ke ve inh, inh vẽnh péti ki,” he fi tóg.

Mateus 27:24

Ag tỹ tóg hẽ ri ke tũ nĩ. Vẽnh génh kutẽ ri ke tóg nĩ, hã kỹ tóg goj jé prẽr mũ. Kỹ tóg nĩpég mũ sir, vẽnh kar rĩnve, kỹ tóg ag mỹ: “inh jykre pijé',” he mũ. “Inh nĩgé kavénh ke tũ sóg nĩ, ti kyvénh tỹ. Ũn jykre kuryj vẽ, kỹ sóg ti tén sór tũ nĩ. Ãjag jykre vẽ,” he tóg.

Mateus 27:4

Kỹ tóg ag mỹ: “ti kórég han inh,” he mũ. “Ti pijé, nén ũ kórég han ja nĩgtĩ', hã kỹ tóg vẽnh mỹ nĩ, ti tỹ inh vĩ to ter kỹ,” he tóg.

Mateus 27:54

Hã ra capitão tóg, porisa ag mré Jesus ki rĩr jẽ nĩ. Ga tỹ ragra ke ẽn vég ag tóg mũ, nén kar ti, Jesus ter ẽn kã. Kỹ tóg ag mỹ e tĩ. Kỹ ag tóg: “Topẽ kósin ja vẽ mỹr,” he mũ.

Lucas 23:4

Kỹ Pilatos tóg ag kar mỹ: “ti tỹ nén ũ kórég han ja vég tũ sóg nĩ,” he mũ.

Lucas 23:41

Ẽg tỹ ẽg tỹ nén han ja kajãm vẽ jãvo. Ẽg jykre pãno to ẽg vẽsỹrénh nỹtĩ nĩ. Ẽg jãvo tóg jykre kuryj nĩ. Ti pijé nén ũ kórég han ja nĩ',” he tóg.

Lucas 23:47

Hã ra fóg tỹ capitão tóg ti ter vég mũ. Kỹ tóg Topẽ mỹ vĩ há han mũ. “Vẽnh vĩ ja vẽ, ũn há ja vẽ,” he tóg mũ.

João 18:33

Kỹ Pilatos tóg ti ĩn kã ra rã mãn mũ, Jesus mré vẽmén jé. Kỹ tóg ti mỹ: “ã mỹ tỹ Judeu ag pã'i mág nĩ?“ he mũ.

João 18:38

Kỹ Pilatos tóg: “ne nỹ tỹ ki hã tó nĩ'? Sỹ ki kagtĩg tóg tĩ,” he mũ. Kỹ tóg re ra tĩg mãn mũ, pã'i ag mré vẽmén jé, kỹ tóg ag mỹ: “ti pijé vẽjykre kórég han tĩ',” he mũ.

João 19:6

Pã'i ag tỹ ti ve kỹ, porisa ag tỹ ti ve kỹ ag tóg prẽnprẽr mũ gé sir. “!..Ka to ti sã..! !..Ka to ti sã..!“ he ag tóg mũ sir, prẽnprẽr kỹ. Kỹ Pilatos tóg ag mỹ: “kỹ ãjag hỹn inhhã ka to ti sa sór mũ'. Ti pijé nén ũ kórég han mũ',” he mũ.

2 Corinto 5:21

Jesus pijé Topẽ vĩ mranh ja nĩgtĩ'. Hã ra tóg ẽg tỹ ti vĩ mranh ja ẽn kajãm kãn. Kỹ tóg ẽg mỹ Topẽ jykre kuryj ẽn nĩm mũ sir, ẽg jagfy kajãm kar kỹ.

Hebreu 7:26

Ẽg to ti há nĩ, ti tỹ ẽg jagfy Topẽ tũ ki rĩr nĩn kỹ. Topẽ kósin vỹ tỹ ti nĩ. Kygnẽ ja tũ pẽ ti nĩ. Nén ũ kórég venh ke tũ ẽg nĩ, ti ki. Topẽ vĩ mranh tĩ ag mré ke tũ vẽ. Kỹ tóg tỹ, kanhkã tãn kar ag kri ke nĩ gé sir, ũri.

1 Pedro 1:19

Hã ra tóg ti kyvénh hã to ẽg kygjãm. Kỹ tóg tũ' he jãvãnh nĩ. Nén ũ kaja kãfór kar ti nĩ, ti kyvénh ti. Ũn há tãvĩ vỹ tỹ ti nĩ, ũ tỹ ti kyvénh tỹ ẽg kygjãm mũ ẽn ti, hã vỹ: Cristo, he mũ. Kygnẽ ja tũ pe ti nĩ.

1 Pedro 2:22

Nén ũ kórég han ja tũ ti nĩ. Ũ pijé ti ón venh ke mũ', ti ón vãnh nĩn kỹ.

1 Pedro 3:18

Cristo hã to jykrén nĩ, ha mẽ. Ter ja tóg nĩ, ẽprã ke ag tỹ Topẽ mỹ név nỹtĩ tugrĩn. Ti ter pir ki tóg kajãm kãn. Jykre kuryj tóg nĩ, Jesus ti, hã ra tóg ũn jykre pãno ag jagfy ter ja nĩ. Ti tỹ Topẽ mỹ ẽg tatĩn tĩg sór vẽ. Ti tén ja ag tóg nĩ, hã ra Topẽ kuprĩg vỹ ti rĩn mãn.

1 João 3:5

Hã ra Cristo vỹ kãtĩg ja nĩ, ti tỹ ẽg tỹ ti vĩ mranh ja tỹ tũ' he jé. Tag ki kanhró ẽg tóg nỹtĩ. Ti pijé mranh ja nĩgtĩ' inhhã.