João 16:3 - O Novo Testamento na língua Kaingáng

³ Ag tỹ ẽg jóg mág ki kagtĩg nỹtĩn kỹ ag tóg tag han ke mũ. Inh ki kagtĩg ag tóg nỹtĩ gé.

João 16:3 Iomraidhean Croise

Lucas 10:22

Kỹ tóg ti mré mũ tĩ ag mỹ: “inh jóg tóg inh mỹ tovãnh kãn, ti tỹ nén han ja kar ti,” he mũ. “Kỹ ũ pijé ti kósin ki kanhró nĩ'. Inh jóg hã ne inh ki kanhró nĩ'. Kỹ ũ pijé ijóg ki kanhró nĩ gé'. Inh hã ne ti ki kanhró nĩ'. Hã kỹ sóg ãjag mỹ ti kãmén jé kãtĩ mũ. Isỹ ũn kuprẽg mũ ag hã mỹ sóg ti kãmén tĩ,” he tóg.

João 15:21

Hã ra ag tóg ãjag vóg kónãn ke mũ gé, ãjag tỹ tỹ inh mré ke nỹtĩn kỹ. Ag pijé ũ tỹ inh jẽnẽg mũ ẽn ki kanhró nỹtĩ'.

João 15:23

Ũ tỹ iso jũ nỹtĩ ẽn ag vỹ inh panh to jũ nỹtĩ gé.

João 17:25

Panh', jykre kuryj ã tóg nĩ. Ũ tỹ inh ki ge tũ ag vỹ ã ki kagtĩg nỹtĩ, fag jãvo sóg ã ki kanhró nĩ. Kỹ tag ki inh mré nỹtĩ ag vỹ ki kanhró nỹtĩ gé, ã tỹ nén to inh jẽnẽg mũ ti.

João 17:3

Ũ tỹ ã tỹ tỹ Topẽ nĩ ki kanhrãn mũ ẽn vỹ rĩr krỹg ja tũ venh ke mũ, ũ tỹ ã to: “Topẽ ũ vỹ tũ nĩ,” he mũ kar ag, fag kar ke gé. Kỹ ag tóg, isỹ tỹ Jesus Cristo nĩ ki kanhró nỹtĩ gé, ã hã tỹ inh jẽnẽ ẽn ki.

João 8:19

Kỹ ag tóg: “hỹn, ã panh ti?“ he mũ. Kỹ tóg: “ãjag pijé inh ki kanhró nỹtĩ',” he mũ. “Hã kỹ ãjag tóg inh panh ki kagtĩg nỹtĩ gé. Ãjag tỹ inh ki kanhró nỹtĩ ra ãjag tóg inh panh ki kanhró nỹtĩnh ke mũ gé vẽ vẽ,” he tóg.

João 8:55

Hã ra ãjag tóg ti ki kagtĩg nỹtĩ, ãjag jãvo sóg ti ki kanhró nĩ. Isỹ ãjag mỹ: ti ki kagtĩg inh nĩ, hen kỹ sóg ãjag ón tag ri ke han mũ vẽ. Hã ra sóg ti ki kanhró nĩ, kỹ sóg ti vĩ ki króm tĩ gé.

Han Kãme 3:17

“Inh kanhkã', ãjag tỹ ki kagtĩg nỹtĩn hã kỹ ãjag tóg Jesus tén ja nĩgtĩ, pã'i ag mré.

1 Corinto 2:8

Ũri ũn mág ag pijé ki kanhró nỹtĩ', Topẽ jykre tag ki'. Ag tỹ ki kanhró nỹtĩ ra ag pijé Jesus tỹ ka to ti sanh mũ vẽ', ẽg Senhor tỹ, ũ tỹ vẽnh kar kãfór nĩ tag tỹ. Hã ra ag tóg ti ki kagtĩg nỹtĩn kỹ krunh to ti sa ja nĩgtĩ.

2 Tessalônica 1:8

Tỹ tóg pĩ gru ve kãtĩg ke mũ. Kỹ tóg ũ tỹ Topẽ ki kanhrãn jãvãnh ag vóg kónãn ke mũ sir, vẽnh kaja jé, ũ tỹ ẽg Senhor tỹ Jesus vĩ mranh mũ ẽn ag.

1 Timóteo 1:13

Sỹ tá krỹg ke tũ vẽ vẽ. Vãsỹ sóg ti mỹ vĩ kónãn ja nĩgtĩ. Ti vóg kónãn ja sóg nĩgtĩ. Hã ra sóg ti ki kagtĩg nĩ ja nĩgtĩ. Hã kỹ tóg inh jagãgtãn, sỹ ti ki rã jé.

1 João 2:23

Ũ tỹ Jesus to: “ti pijé tỹ Topẽ kósin nĩ',” hen kỹ tóg ẽg jóg mág ki kagtĩg nĩ gé. Kỹ ũ tỹ ti to: “Topẽ kósin vỹ tỹ ti nĩ,” hen kỹ tóg ẽg jóg mág ti ki kanhró nĩ gé.

1 João 3:1

Ha vé, ẽg jóg mág tóg ẽg to há tãvĩ nĩ, hã kỹ tóg ẽg to: “inh krẽ,” he mũ sir. Ti krẽ vỹ tỹ ẽg nỹtĩ, Jesus jãvy ag, ti ve fag. Hã kỹ ẽprã ke ũ ag vỹ ẽg jykre ki kagtĩg nỹtĩ. Ag pijé Topẽ ki kanhró nỹtĩ'. Hã kỹ ag tóg ẽg jykre ki kagtĩg nỹtĩ gé, ẽg tỹ tỹ ti krẽ nỹtĩn kỹ.

1 João 4:8

Ẽg tỹ jagnẽ to há tũ nỹtĩn kỹ ẽg tóg Topẽ ki kagtĩg nỹtĩ. Kỹ ẽg ti ki rã ja tũ nĩ. Topẽ jykre vẽ, hã vỹ: ẽg to há, he mũ, ti tỹ ẽg to há nĩ sór nĩn kỹ. Hã kỹ ẽg tóg jagnẽ to há nỹtĩnh ke mũ gé.

1 João 5:20

Topẽ kósin vỹ kãtĩg ja nĩgtĩ, ẽg tỹ ti ki kanhrãn jé. Tag ki kanhró ẽg tóg nỹtĩ. Jesus Cristo ki ge kỹ ẽg nỹtĩ. Kỹ ti hã vỹ tỹ ẽg jykre nĩ. Ti panh hã vỹ tỹ Topẽ pẽ nĩ. Ti hã vỹ ẽg tỹ ẽg rĩr krỹg ja tũ venh ke han tĩ.