João 16:2 - O Novo Testamento na língua Kaingáng

² Ãjag pan jé ag tóg ke mũ, pã'i ag, ãjag tỹ vẽnh kanhrãn jafã ra mũ mãn tũ nĩ jé. Kỹ ag tóg ãjag kãgtén ke mũ gé. Ãjag kãgtén kỹ ag tóg ón kỹ: “Topẽ vỹ ẽg mỹ tó, hã kỹ ẽg tóg ag kãgtén mũ,” henh ke mũ.

João 16:2 Iomraidhean Croise

Mateus 10:28

Mũmẽg tũg nĩ, ag kamẽg tũg nĩ, pã'i ag. Ẽg tén há ag nỹtĩ, hã ra ag tóg nũgme ki ẽg fón ki kagtĩg nỹtĩ. Ũn pir hã kamẽg nĩ, hã vỹ: Topẽ, he mũ. Ti hã ne ẽg tén kar kỹ nũgme ki ẽg fón ki kanhró nĩ'. Kỹ ti hã kamẽg nĩ.

Mateus 24:9

“Kar kỹ ãjag jagtar ke mũ, ãjag tỹ inh ki ge kỹ nỹtĩ tugrĩn. Ãjag vóg kónãn jé ag tóg ke mũ, ãjag kãgtén jé ag tóg ke mũ gé. Nação kar vỹ, ãjag to vĩ kónãn ke mũ, ãjag tỹ inh jiji tó tugrĩn.

Lucas 6:22

“Topẽ vỹ ãjag ve há han mũ, ag tỹ isugrĩn ãjag to kórég nỹtĩn kỹ, ãjag mỹ: “ha mũ jẽg, hen kỹ. Ag tỹ isugrĩn ãjag mỹ vĩ kónãn kỹ tóg há tĩ, ag tỹ ón kỹ ãjag jykre kórég tó kỹ. Tỹ sóg ẽprã ke fi kósin nĩ mỹr,” he tóg.

João 12:42

Hã ra ũ ag tóg ti ki ge kỹ nỹtĩ gé, pã'i ũ ag mré hã. Hã ra ag tóg tó sór tũ nĩgtĩ. Pã'i tỹ Jesus to kórég ag kamẽg ag tóg tĩ, hã kỹ ag tóg tó sór tũ nĩ. “Ẽg vẽnh kanhrãn jafã tá ag ẽg pan ke mũ, ẽg tỹ ẽg mré ke ag mré tá vẽnh mãn kỹ nỹtĩ tũ nĩn jé,” he ag tóg mũ.

João 16:25

“Sỹ ãjag mỹ inh panh kãmén kỹ sóg ver: tag ri ke ti nĩ, he tĩ. Kãnhmar sóg jamã há ra ãjag mỹ ti kãmén ke mũ, kỹ sóg ãjag mỹ: tag ri ke ti nĩ, he mãn ke tũ nĩ sir.

João 16:32

“Hã ra ãjag tóg kãnhmar inh ré kỹ mũ kãn ke mũ ha, ãjag ĩn ra. Vẽnh kã pugpóv kãn jé ãjag tóg ke mũ, ũri. Hã ra sóg pir pẽ tũ nĩ, ãjag tỹ inh ré kỹ mũ kãn mũ (hã) ra. Inh panh vỹ ẽgno kã inh mré jẽnh mũ.

João 4:21

Hã ra tóg: “ha mẽ, kãnhmar ãjag tóg pãnónh tag kri ẽg jóg tỹ Topẽ mré vẽmén mãn ke tũ nĩ ha. Kỹ ẽg Jerusalém tá ti mré vẽmén mãn ke tũ nĩ gé.

João 4:23

Kãnhmar vẽnh kar vỹ Topẽ mré vẽmén há nỹtĩnh ke mũ. Kakó ti tĩ ha, kurã tag. Kỹ ũ tỹ ti mré vẽmén mũ ag vỹ Topẽ kuprĩg tỹ jagrẽ nỹtĩ. Hã kỹ ag tóg ti mré vẽmén há han ke mũ. Ũ tỹ ge hã ve sór ti mũ, ẽg jóg mág ti,” he tóg.

João 9:22

Hã ra fag tóg pã'i ag kamẽg mũ, hã kỹ fag tóg: “ti ki jẽmẽm nĩ,” he mũ. Pã'i ag tóg Jesus to: “ãjag kã mĩ ũ tỹ ti to: Cristo vỹ tỹ ti nĩ, hen kỹ ẽg ti kutẽm ke mũ, ti tỹ tỹ ẽg mré ke tũ nĩ jé, ti tỹ ẽg mré vẽnhmãn tũ nĩ jé, ẽg vẽnh kanhrãn jafã krẽm,” he ja nĩgtĩ.

João 9:34

Kỹ ag tóg ti to jũ mũ. “Topẽ vĩ mranh kỹ ã tóg mur, hã ra ã tóg ẽg kanhrãn sór mũ',” he ag tóg. Kỹ ag tóg ti kutẽm mũ, vẽnh kanhrãn jafã krẽm.

Han Kãme 5:33

Kỹ pã'i ag fe tóg gỹm ke mũ, kỹ ag tóg ag kãgtén ke to jykrén mũ, Jesus tỹ ũn vin mũ ẽn ag to.

Han Kãme 7:56

Kỹ tóg: “ha vé,” he mũ. “Kanhkã tá sóg vég mũ, kỹ ẽprã ke fi kósin tóg Topẽ pẽgja tá jẽ nĩ,” he tóg.

1 Corinto 4:13

Ag tỹ iso féfé he mũ ra sóg komẽr hã ag mỹ vĩ tĩ, ag jũ tỹ tũ' he jé. Vãfár ri ke inh nĩ, vẽnh kar mỹ, ag tỹ nén fón tĩ kar ri ke inh nĩ.

Filipos 3:6

Sỹ ẽg jykre to tar pẽ nĩn hã kỹ sóg Jesus ki ge kỹ nỹtĩ ag vóg kónãn. Topẽ tỹ Moisés mỹ vẽjykre nĩm ja ẽn ki króm kãn ja sóg nĩgtĩ mỹr. Vẽjykre ẽn mranh ja tũ sóg nĩgtĩ. Ẽn kã sóg tỹ ũn kuryj ja nĩgtĩ.

Nén Venh Ke 6:9

Kỹ cordeiro vỹ ti tógfĩ ũ kavãg mũ gé. Ti tógfĩ tỹ 5 (ke) tá krỹg vẽ sir. Kỹ sóg nĩgja sĩnvĩ ẽn krẽm ẽvãnh kỹ, ag tỹ Topẽ vĩ tugrĩn ũn kãgtén mũ ag kar kuprĩg vigvég mũ. Topẽ vĩ tó to krónh ke ja tũ ag tóg nĩ. Hã kỹ ag tóg ag kãgtén ja nĩgtĩ, ũ tỹ ag vĩ jẽmẽ sór ja tũ ẽn ag.