João 15:2 - O Novo Testamento na língua Kaingáng

² Kỹ ãjag uva tóg pẽ ri ke nỹtĩ. Ũ tỹ inh vĩ han sór tũ ẽn ag hã vỹ tỹ uva pẽ kanẽn vãnh ẽn ri ke nỹtĩ. Ẽn kym kỹ tóg fón tĩ, inh panh ti. Kỹ tóg ũn kanẽn há han mũ ẽn ki rĩr há han tĩ, ẽn féj rógrãm tóg tĩ, ti tỹ kanẽ e han jé.

João 15:2 Iomraidhean Croise

Mateus 13:12

Hã kỹ tóg ge nĩ. Ũ tỹ nén ũ to jykrén há han kỹ tóg ũ to jykrén mãn', ũ to jykrén mãn' he tĩ. Komẽr hã tóg to jykrén kãn ke mũ. Ũ tỹ nén ũ to jykrén tũ nĩn kỹ tóg ti mỹ tũ tĩ, ti tỹ to jykrén sĩ han mũ ra.

Mateus 13:33

Kỹ tóg fag mỹ: “Topẽ tỹ tỹ ẽg pã'i nĩ vỹ ũn tỹtá fag tỹ ẽmĩ han ri ke nĩ,” he mũ gé. “Ẽmĩ han jé fag tóg, ẽmĩ jãgja jafã tỹ fermento ẽn tỹ farĩnh mré jãgjãg tĩ. Kỹ tóg tỹ són ke kãn tĩ,” he tóg.

Mateus 15:13

Kỹ tóg ag mỹ: “ẽg jóg mág tỹ nén krãn ja tũ ẽn vãm kãn kỹ nĩnh ke vẽ, ẽg jóg tỹ kanhkã tá nĩ tỹ nén krãn ja tũ ẽn ti,” he mũ. “Ag pijé tỹ Topẽ krẽ nỹtĩ', pã'i ẽn ag, hã kỹ tóg ag vãm ke mũ,” he tóg.

Mateus 21:19

Kỹ tóg ka tỹ figueira vég mũ sir, kỹ tóg ra tĩ mũ, ti kanẽ ko jé. Hã ra tóg kanẽ tũ jẽ. Féj tãvĩ tóg jẽ, kỹ tóg ti mỹ vĩ mũ. “Kanẽn mãn ke tũ ã nĩ ha,” he tóg mũ. Kỹ tóg tóg mũ sir vẽsỹmér, ka ti.

Mateus 25:29

“Ũn tũ mág vỹ ũ mãn mãn ke mũ, kỹ tóg ti mỹ tũ' henh ke tũ pẽ nĩ. Jo ũn tũ sĩ ẽn tóg ti tũ kren kãn ke mũ,” he tóg.

Mateus 3:10

Ẽg tỹ ka tóg gỹn kỹ tỹ pĩ han ri ke tóg nĩ. Ãjag tỹ vẽjykre há han sór tũ nỹtĩn kỹ Topẽ tóg, pĩ ki ãjag vãm ke mũ,” he tóg.

Mateus 3:12

“Ti kãtĩg vỹ ẽg tỹ rãgró rẽn ri ke nĩ. Ti rẽn kar kỹ ẽg tóg ti fár pũn tĩ. Ti kanẽ hã vin han ẽg tóg tĩ. Cristo kãtĩg kỹ tóg ge nĩnh mũ. Ti to há nỹtĩ ag mỹ tóg: “ha kãmũ jẽg,” henh ke mũ. Kỹ tóg ti to há tũ ag vãm ke mũ, pĩ ki, hã ra tóg nhyn kenh ke tũ pẽ nĩ,” he tóg, João ti.

Mateus 7:19

Kỹ ẽg tóg ka kórég ẽn gỹn tĩ, tỹ ẽg pĩnh tĩ, ka tỹ kanẽn há han vãnh ẽn tỹ.

Marcos 4:20

Kỹ ti tỹ ga há ki krãn mũ ẽn vỹ tỹ Topẽ vĩ mẽg mũ ag nỹtĩ gé. Hej, he ag tóg mũ sir, kanẽn há han ag tóg mũ, ũ tóg kanẽ tỹ 30 (ke) han mũ, ũ tóg kanẽ tỹ 60 (ke) han mũ, ũ tóg kanẽ tỹ 100 (ke) han mũ,” he tóg.

Lucas 8:13

Kar ũ ag tóg tỹ pãró kri krãn kỹ nỹtĩ ẽn ri ke nỹtĩ gé. Mẽg ag tóg tĩ vẽ. Kỹ ag tóg: he, he tĩ. Ag mỹ tóg sér tĩ sir. Hã ra ag tóg tỹ, ẽkré jãre tũ ri ke nỹtĩ mỹr, ha mẽ. Mũ sĩ han ag tóg mũ, Topẽ mré. Nén ũ jagy kutẽ kỹ ag tóg, vãhã tovãnh mũ sir.

João 15:1

Ag mũn kỹ Jesus tóg ag mỹ: “uva fa ri ke inh nĩ,” he mũ. “Inh panh vỹ ũ tỹ uva ki rĩr tĩ ẽn ri ke nĩ.

João 15:16

Ãjag pijé inh kuprẽg'. Inh hã ne ãjag kuprẽg'. Kỹ sóg ãjag mỹ: kanẽ e han nĩ, he mũ ha, hã vỹ: vẽjykre há, he mũ. Vẽjykre há hã vỹ tũ' henh ke tũ nĩ. Ãjag tỹ ẽn han kỹ jatun mỹ Topẽ mỹ nén kar to vĩm nĩ, inh jiji tó kỹ. Kỹ tóg ãjag tỹ ti mỹ nén to vĩ mũ ẽn han ke mũ.

João 15:3

Ãjag tỹ há' he tóg huri, ãjag tỹ inh vĩ kri fi tugrĩn.

João 15:6

Ũ tỹ isovãnh mũ ẽn fón jé tóg ke mũ, inh panh ti. Ẽg tỹ uva pẽ kórég kym kỹ fón ẽn ri ke tóg nĩ. Ẽg tỹ ti pẽ kym kỹ fón kỹ tóg tóg mũ, kỹ ẽg tóg pũn tĩ sir. Ẽn ri ke han jé tóg ke mũ, inh panh ti, ũ tỹ isovãnh mũ ẽn tỹ.

João 15:8

Ãjag tỹ vẽjykre há han kỹ tóg uva pẽ tỹ kanẽ e han ri ke nĩ. Kỹ vẽnh kar tóg ãjag jykre ve kỹ Topẽ to: “ũn há vỹ tỹ ti nĩ,” henh ke mũ. Hã ki ag tóg ki kanhró nỹtĩnh mũ, ãjag tỹ tỹ inh mré ke nỹtĩ ti.

João 17:12

Isỹ ag mré nĩn kỹ sóg ag jy nĩgãn tĩ, ã jykre ki, ã tỹ inh mỹ ũn vin mũ ẽn ag kar jy, fag jy ke gé. Ag ki rĩr há han inh, kỹ ag kã ũ tóg vãfor ja tũ nĩ. Ũn pir tóg hã ra vãfor kỹ nĩ inhhã, hã ra tóg ti to rán kỹ nĩ, hã kỹ tóg ke mũ.

Roma 11:17

Povo tỹ Israel vỹ ka tỹ Oliveira há ri ke nỹtĩ. Ti jãre vỹ há nĩ. Hã ra ti pẽ ũ tóg kórég nỹtĩ. Hã kỹ Topẽ tóg kykym kỹ vãvãm mũ. Ti tỹ Judeu kórég ag tugvãnh to ken hã vẽ. Ka pẽ kórég tag nỹtĩg ja ki tóg ka ũ pẽ vin. Ãjag hã vẽ sir, ãjag tỹ tỹ fóg nỹtĩn kỹ, kanhgág ke gé.

Roma 11:22

Hã ki Topẽ tỹ tỹ ũn há nĩ tóg ve há tĩ, hã ra tóg ũ ag vóg kónãn jagy han tĩ gé. ũ tỹ ti vĩ mranh mũ ag. Hã ra tóg sir ãjag to há nĩ, ãjag tỹ ti tovãnh tũ nĩn kỹ. Ãjag tỹ ti tovãnh kỹ tóg ãjag vãm ke mũ gé, ha vem nĩ.

Roma 8:28

Ha vé, Topẽ to ẽg há nỹtĩ. Hã kỹ ẽg tỹ nén vég mũ kar vỹ ẽg tar han ke mũ, ẽg tỹ ti jagy vég mũ mré hã. Topẽ hã vỹ ẽg ki rĩr mũ, ti tỹ ẽg kuprẽg ja nĩn kỹ.

1 Corinto 13:1

Hẽn ri ke mũn ẽg tóg ẽprã ke ag vĩ tỹ hẽn ri ke tó há nỹtĩgtĩ, Topẽ tỹ jẽnẽ jafã ag vĩ mré hã. Ẽg tỹ jérĩn mỹ vẽnh kar to há tũ nỹtĩn kỹ ẽg tóg ón kỹ ke nĩ hã ra, ẽg vĩ tag ti. Kỹ ẽg tóg ón kỹ vĩ há han tĩ, sino tỹ véké kyr ẽn ri ke.

Tito 2:14

Ẽg jagfy tóg ter ja nĩ, ti tỹ ẽg jykre kórég ẽn tỹ tũ' he jé. Kỹ tóg ẽg kykũg mũ, ẽg jãnhkri nỹtĩ jé. Kỹ ẽg tóg tỹ ti tũ nỹtĩ sir, vyr mỹ. Ẽg pijé tỹ ũ tũ nỹtĩ ha'.

Hebreu 12:15

Vẽnh ki rĩr há han nĩ, ãjag kã mĩ ũ tỹ Topẽ tỹ ẽg jagãgtãn mũ tag to é he tũ nĩ jé. Ãjag kã mĩ ũn pir tỹ vẽjykre kórég to tar nĩn kỹ tóg ẽg mỹ, ti tỹ ũn e ag krĩn kónãn ha mẽ tĩ, ag tỹ ti jykre kórég ẽn ri ke nỹtĩ jé. Kỹ tóg ẽg jakré kã mĩ vãnh jagy ri ke nĩ. Ẽg jakré kókég ti tĩ, vẽjykre kórég tỹ ẽg kókén ri ke.

1 João 2:19

Ẽg mré ke ag vẽ vẽ, hã ra ag tóg ón kỹ tỹ ẽg mré ke ja nỹtĩgtĩ. Ag tỹ tỹ ẽg mré ke pẽ nỹtĩ ra ag tóg ver ẽg mré mũnh ke mũ vẽ. Hã ra ag tóg ti tovãnh kỹ ti kato tẽ mũ ha. Hã ki tóg ve há tĩ, ag tỹ tỹ ẽg mré ke tũ nỹtĩ ti.

Nén Venh Ke 3:19

Isỹ ũ to há nĩ ẽn mỹ sóg vĩ tar han tĩ, ti kanhrãn jé. Vẽso jykrén kỹ ãjag jykre kórég tovãnh nĩ.