João 15:1 - O Novo Testamento na língua Kaingáng

¹ Ag mũn kỹ Jesus tóg ag mỹ: “uva fa ri ke inh nĩ,” he mũ. “Inh panh vỹ ũ tỹ uva ki rĩr tĩ ẽn ri ke nĩ.

João 15:1 Iomraidhean Croise

1 Corinto 3:9

Topẽ hã mré ẽg tóg rãnhrãj mũgtĩ. Topẽ japỹ ri ke ãjag nỹtĩ. Kỹ ãjag tóg ti tỹ ĩn han mũ ri ke nỹtĩ gé.

João 6:55

Inh nĩ vỹ tỹ vẽjẽn pẽ nĩ, inh kyvénh vỹ tỹ ẽg tỹ kron jafã pẽ nĩ gé.

1 João 2:8

Hã ra tóg tãg nĩ gé, sỹ ãjag mỹ rán mũ tag ti. Cristo vỹ ẽg mỹ tó mãn ja nĩ, ẽg tỹ jagnẽ to há nỹtĩ jé. Kỹ tóg ki króm ja nĩ. Kỹ ẽg tóg ti nón ki króm sór mũ gé. Ki hã tó ja ti nĩ. Kỹ tóg nén ũ tãg ri ke nĩ, Cristo tỹ Topẽ nón tó mãn kỹ. Ha vé, komẽr hã tóg kurãg tĩ. Kurã kãtĩg kỹ tóg ti kuty tỹ tũ' he tĩ, komẽr hã. Jesus tỹ ẽg mỹ: “jagnẽ to há nỹtĩm nĩ,” he to ken hã vẽ, hã vỹ: kurã, he mũ.

Marcos 12:1

Kỹ tóg ag kanhrãn kỹ ag mỹ: “kejẽn ũ tóg uva krãn mũ. Pénĩn tóg rón mũ, kã ki tóg kũm mũ, uva jẽgmĩ jafã han jé. Ki tóg pãjó han mũ gé,” he mũ. “Kỹ tóg ũ tỹ ki rĩr tĩ ag mré to jykrén kar kỹ tĩ mũ, ga ũ ra, ag tỹ ti jo ki rĩr jé.

Mateus 21:33

“Sỹ ãjag mỹ ãjag tỹ Topẽ tovãnh kãmén mãn ke vẽ, ha mẽ,” he tóg mũ. “Kejẽn ũ tóg nĩgtĩ. Uva kré tóg nĩgtĩ, tỹ vinho han jafã ẽn. Ti jakré to tóg rón mũ. Kỹ tóg kũm kỹ uva jẽgmĩ jafã han mũ. Kỹ tóg ki pãjó han mũ gé. Kỹ tóg ũ tỹ ki rĩr tĩ ag mỹ tovãnh mũ, ag tỹ ti mré ti kanẽ vẽnh kãpãm jé. Kỹ tóg tĩ mũ, ga ũ ra.

João 6:32

Kỹ tóg: “Moisés pijé ãjag mỹ kanhkã tá ẽmĩ pẽ nĩm ja nĩ',” he mũ. “Ki hã sóg tó mũ, ha mẽ. Ũ tỹ ãjag mỹ kanhkã tá ẽmĩ pẽ nĩm mũ ẽn vỹ tỹ inh panh nĩ.

Lucas 13:6

Kỹ tóg ag mỹ: “ũ tỹ Topẽ jykre han sór tũ ag vỹ, ge nỹtĩnh mũ, ha mẽ,” he mũ. “Kejẽn ũ tóg nĩgtĩ. Ka há krãn ja tóg nĩgtĩ, ka tỹ figueira. Ka kanẽ ko há vẽ. Uva kré kã mĩ tóg krãn ja nĩ. Kỹ tóg kejẽn ti kanẽ ko sór mũ, kỹ tóg venh tĩ mũ. Hã ra tóg kanẽn ja tũ nĩ.

Mateus 20:1

Kỹ Jesus tóg ag mỹ: “Topẽ tỹ tỹ ẽg pã'i nĩ vỹ patrão tỹ ti camarada jãvãnh ri ke nĩ,” he mũ. “Kusã ki 6 horas ki tóg, ag jãvãnh tĩ mũ, ag tỹ ti jakré tỹ uva ki rĩr jé.

João 1:9

Jẽngrẽ pẽ ẽn hã vẽ. Ẽprã tóg jun, ti tỹ ẽg kanhrãn jé, ẽprã ke kar.

João 1:17

Moisés vỹ ẽg mỹ Topẽ tỹ ẽg jyvẽn mũ ẽn tó ja nĩgtĩ, ẽg tỹ ti vĩ ki króm jé. Hã ra Jesus tóg ẽg mỹ: “Topẽ vỹ ãjag mỹ vẽnh pãte fón sór mũ, ti tỹ ãjag to há nĩn kỹ,” he mũ. Ti hã ne ẽg mỹ vẽnh vĩ sér ẽn tó mũ'.

Mateus 15:13

Kỹ tóg ag mỹ: “ẽg jóg mág tỹ nén krãn ja tũ ẽn vãm kãn kỹ nĩnh ke vẽ, ẽg jóg tỹ kanhkã tá nĩ tỹ nén krãn ja tũ ẽn ti,” he mũ. “Ag pijé tỹ Topẽ krẽ nỹtĩ', pã'i ẽn ag, hã kỹ tóg ag vãm ke mũ,” he tóg.

João 15:2

Kỹ ãjag uva tóg pẽ ri ke nỹtĩ. Ũ tỹ inh vĩ han sór tũ ẽn ag hã vỹ tỹ uva pẽ kanẽn vãnh ẽn ri ke nỹtĩ. Ẽn kym kỹ tóg fón tĩ, inh panh ti. Kỹ tóg ũn kanẽn há han mũ ẽn ki rĩr há han tĩ, ẽn féj rógrãm tóg tĩ, ti tỹ kanẽ e han jé.

Roma 11:17

Povo tỹ Israel vỹ ka tỹ Oliveira há ri ke nỹtĩ. Ti jãre vỹ há nĩ. Hã ra ti pẽ ũ tóg kórég nỹtĩ. Hã kỹ Topẽ tóg kykym kỹ vãvãm mũ. Ti tỹ Judeu kórég ag tugvãnh to ken hã vẽ. Ka pẽ kórég tag nỹtĩg ja ki tóg ka ũ pẽ vin. Ãjag hã vẽ sir, ãjag tỹ tỹ fóg nỹtĩn kỹ, kanhgág ke gé.