João 14:3 - O Novo Testamento na língua Kaingáng

³ Isỹ kãnkãn kar kỹ sóg tá kãtĩg mãn ke mũ gé, sỹ ãjag tatĩn tĩg jé, kỹ ãjag tóg inh mré tá nỹtĩnh mũ.

João 14:3 Iomraidhean Croise

João 12:26

Ãjag tỹ inh rãnhrãj han sór kỹ inh ri ke han nĩ, kỹ ãjag tóg tỹ inh mré ke nỹtĩnh mũ. Kỹ ãjag tóg inh mré kanhkã tá nỹtĩnh ke mũ gé. Kỹ inh panh vỹ ãjag tỹ ũn mág han ke mũ gé,” he tóg, Jesus ti.

João 14:28

Inh vĩ tag mẽ ãjag tóg huri, isỹ ãjag mỹ: tĩg jé sóg ke mũ, kar kỹ sóg ãjag to vỹn kenh ke mũ gé, he mũ ti. Ãjag tỹ iso há nỹtĩ ra tóg ãjag mỹ sér tĩnh mũ vẽ, isỹ inh panh venh tĩg ke ti. Inh panh vỹ inh kãfór nĩ.

João 14:4

Ti to ẽpry ki kanhró ãjag nỹtĩ, sỹ hẽ ra tĩg ke to ẽmĩn ti,” he tóg.

João 17:24

Panh', vãsỹ ã tóg iso há nĩgtĩ vẽ, ẽg tỹ ga tag han tũg ki. Hã kỹ ã tóg isỹ ũn mág pẽ han. Kỹ tóg inh mỹ há tĩnh mũ, ag tỹ inh mré nỹtĩn kỹ, ã tỹ inh mỹ ũn vin mũ ẽn fag. Ag tỹ inh mré nỹtĩn kỹ ag tóg venh ke mũ, ã tỹ isỹ ũn mág han ja ti.

Han Kãme 1:11

Kỹ ag tóg ag mỹ: “ha vé,” he mũ. “Ãjag ne tóg kanhkã tá ẽvãnh nỹtĩ nĩ'. Jesus vỹ vỹn kenh ke mũ. Ti tĩg ja ẽn ri ke han jé tóg ke mũ. Ti tỹ kanhkã ra tãpry vẽ, hã ra tóg tá kãtére mãn ke mũ gé,” he ag tóg.

Roma 8:17

Ẽg tỹ tỹ Topẽ krẽ nỹtĩn kỹ tóg ẽg mỹ ti tũ nĩm kãn ke mũ. Jesus Cristo hã mỹ tóg nĩm kãn ke mũ, kỹ tóg ẽg mỹ nĩm kãn ke mũ gé sir. Hã jé ẽg tóg ti mré jagtar ke mũ gé, ti tỹ vẽjykre há to jagtar ja ẽn ri ke. Kỹ ẽg tóg ti mré tỹ ũn mág nỹtĩnh ke mũ gé.

Filipos 1:23

Inh kren ke mỹ inh mỹ hán tĩ vỹ, iser ke vó? he sóg tĩ. Iser kỹ sóg Cristo mré nĩnh mũ. Kỹ tóg inh mỹ hapẽ nĩ, isỹ ti venh há tĩn kỹ.

2 Tessalônica 1:12

Ti tỹ ẽg kri tỹ ũn mág nĩn kỹ tóg ẽg tỹ ũn mág han ke mũ gé. Topẽ tỹ ẽg mỹ ti tỹ nén ũ há nĩm ke ẽn hã vẽ, ẽg Senhor tỹ Jesus Cristo ti ke gé.

2 Timóteo 2:12

Ẽg tỹ ti tugrĩn nén ũ jagy kar to tar nỹtĩn kỹ ẽg tóg ti mré tỹ ũn mág nỹtĩnh ke mũ gé. Ẽg tỹ ti tovãnh kỹ tóg ẽg tovãnh ke mũ gé.

Hebreu 9:28

Tag ri ke ti nĩ, Cristo tỹ vẽnh fẽg mũ ti. Vẽnh fẽg pir han tóg, ti tỹ ũn e tỹ Topẽ vĩ mranh tỹ tũ' he jé. Kejẽn tóg kãtĩg mãn ke mũ. Hã ra tóg, ẽg tỹ Topẽ vĩ mranh ja tugrĩn ter mãn ke tũ nĩ, ti kãtĩg mãn kỹ. Ẽg jé prẽr jé tóg kãtĩg ke mũ, ũ tỹ ti kãtĩg jãvãnh mũ ag jé.

Nén Venh Ke 3:21

Ũ tỹ isovãnh tũ ẽn mỹ sóg: “inh mré nĩ,” he sór mũ. Kỹ tóg inh ri ke tỹ ũn mág nĩnh ke mũ. Inh panh mré sóg tỹ ũn mág nĩ ha, isỹ ti tovãnh ja tũ nĩn kỹ. Kỹ tóg tá inh mré nĩnh ke mũ gé,” he tóg, hem nĩ, vẽnh rán ki,” he tóg, ũ tỹ tỹ ẽprã ke nĩ ve ẽn ti.