João 13:9 - O Novo Testamento na língua Kaingáng

⁹ Kỹ Simão tóg ti mỹ: “inh kupe kãn nĩ, ge kỹ, inh pẽn, inh krĩ, inh nĩgé ke gé,” he mũ.

João 13:9 Iomraidhean Croise

Mateus 27:24

Ag tỹ tóg hẽ ri ke tũ nĩ. Vẽnh génh kutẽ ri ke tóg nĩ, hã kỹ tóg goj jé prẽr mũ. Kỹ tóg nĩpég mũ sir, vẽnh kar rĩnve, kỹ tóg ag mỹ: “inh jykre pijé',” he mũ. “Inh nĩgé kavénh ke tũ sóg nĩ, ti kyvénh tỹ. Ũn jykre kuryj vẽ, kỹ sóg ti tén sór tũ nĩ. Ãjag jykre vẽ,” he tóg.

João 13:10

Hã ra tóg ti mỹ: “ẽg mro kar kỹ ẽg jãnhkri nỹtĩ, kỹ ẽg tóg ẽg pẽn hã kugpég tĩ,” he mũ. “Jãnhkri ãjag nỹtĩ, hã ra ãjag kã mĩ ũn pir vỹ jãnhkri tũ nĩ,” he tóg.

João 13:8

Hã ra Simão tóg ti mỹ: “vó, inh pẽn kugpenh ke tũ ã tóg nĩ,” he mãn mũ. Kỹ Jesus tóg ti mỹ: “isỹ ã pẽn kupég tũ nĩn kỹ ã pijé tỹ isũ nĩnh mũ',” he mũ.

Hebreu 10:22

Kỹ jatun mỹ Topẽ mré vẽmén nĩ. Ti ki rã há han nĩ. Ãjag fe tỹ ti ki gem nĩ, ãjag tỹ ti nĩgja tá junjun jé. Ón kỹ ti ki ge sór tũg nĩ. Ẽg jykre pãno kar tỹ tóg tũ' hé, ẽg tỹ to jykrén mãn tũ nĩ jé. Ẽg jãnhkri han tóg, ẽg tỹ goj jãpri tỹ vẽnh kype ẽn ri ke. Kỹ ẽg há nỹtĩ.

1 Pedro 3:21

Goj tỹ ãjag tóg kygpe kỹ nỹtĩ, ãjag krenkren jé. Barco tỹ goj kri tĩg ri ken hã vẽ, hã vỹ: batismo, he mũ. Ãjag mro pijé'. Topẽ tỹ ẽg fe kavéj tỹ jãnhkri' he to ken hã vẽ. Ẽg tỹ Topẽ mỹ vẽnh fẽg to ken hã vẽ. Topẽ vỹ Jesus Cristo rĩn mãn ja nĩ, hã kỹ tóg ẽg krenkren han ke mũ gé.