João 13:3 - O Novo Testamento na língua Kaingáng

³ Hã ra Jesus tóg ki kanhró nĩ, ti tỹ Topẽ tá kãtĩg ja ẽn ki, kỹ tóg ki kanhró nĩ gé, ti tỹ ra tĩg mãn ken ki. Kỹ Topẽ tóg ti tar han mũ gé, ti tỹ nén ũ kar ki ag mỹ tỹ ũn mág jẽ jé. Ẽn ki kanhró tóg nĩ gé.

João 13:3 Iomraidhean Croise

Mateus 11:27

Kỹ tóg ag mỹ: “inh jóg tóg, inh mỹ tovãnh kãn, ti tỹ nén han mũ kar ẽn ti,” he mũ. “Kỹ ũ pijé ti kósin ki kanhró nĩ'. Inh jóg hã ne inh ki kanhró nĩ'. Kỹ ũ pijé inh jóg ki kanhró nĩ gé'. Inh hã ne ti ki kanhró nĩ', isỹ tỹ ti kósin nĩn kỹ. Hã ra sóg ãjag mỹ ti kãmén jé kãtĩ mũ, sỹ ũn kuprẽg mũ ag mỹ, fag mỹ ke gé“ he tóg.

Mateus 28:18

Kỹ Jesus tóg, ag rã hã jẽ kỹ, ag mỹ: “nén kar vỹ tỹ, inh krẽm ke nĩ ha, kanhkã tá ke kar, ga tá ke kar ke gé,” he mũ.

Lucas 10:22

Kỹ tóg ti mré mũ tĩ ag mỹ: “inh jóg tóg inh mỹ tovãnh kãn, ti tỹ nén han ja kar ti,” he mũ. “Kỹ ũ pijé ti kósin ki kanhró nĩ'. Inh jóg hã ne inh ki kanhró nĩ'. Kỹ ũ pijé ijóg ki kanhró nĩ gé'. Inh hã ne ti ki kanhró nĩ'. Hã kỹ sóg ãjag mỹ ti kãmén jé kãtĩ mũ. Isỹ ũn kuprẽg mũ ag hã mỹ sóg ti kãmén tĩ,” he tóg.

João 1:18

Ẽg pijé Topẽ vég tĩ'. Kỹ ẽg kã mĩ ke ũ vỹ ti ve ja tũ nĩ gé. Ti kósin pir hã vỹ ẽg mỹ ti kãmén tĩ. Ti hã vỹ ti jóg mré nĩ nĩ, Topẽ mré.

João 13:1

Hã ra fénhta tỹ Páscoa vỹ kakó tãvĩ tĩ sir, hã ra tóg tá krỹg tũ nĩ ver. Kỹ Jesus vỹ ki kanhró nĩ, ti tỹ ũri ter ke ẽn ti. Ti kurã vỹ jun ja nĩ, ti tỹ ti panh ra tĩg jé. Ti mré mũ tĩ ag to tóg há tãvĩ ja nĩgtĩ, ag tỹ tỹ ti tũ nỹtĩn kỹ. Kỹ tóg ti ter ke kurã ẽn kã ag to há tãvĩ nĩ gé, tag ki, ẽprã.

João 17:2

Ẽprã ke kar kri ã tóg inh fẽg, isỹ ã tỹ inh mỹ ũn vin mũ ag mỹ rĩr krỹg ja tũ ven jé, fag mỹ ke gé.

João 3:13

“Ha vé, ãjag kã mĩ ũ vỹ kanhkã ra tãpry tũ nĩ, tá vẽjykre ẽn ve jé. Ãjag jãvo isóg tá kãkutẽ ja nĩ, hã kỹ sóg tó tĩ. Ijamãn hã vẽ. Tỹ sóg ẽprã ke fi kósin nĩ,” he tóg.

João 3:35

Topẽ vỹ ti kósin to há tãvĩ nĩ, kỹ tóg ti mỹ nén (ũ) kar tovãnh, ti hã tỹ ki rĩr jé.

João 7:29

Inh hã vỹ Topẽ ki kanhró nĩ. Ti hã tá sóg kãtére, ti tỹ inh mỹ: “ha ag venh tĩg,” hen kỹ,” he tóg.

João 7:33

Hã ra Jesus tóg: “ãjag mré sóg nĩ sĩ han ke mũ ver,” he mũ. “Tag pãte sóg tĩg ke mũ, isỹ ũ tỹ inh jẽnẽg mũ ẽn ve jé.

João 8:14

Hã ra tóg ag mỹ: “hỹ, vẽnh kãmén inh tĩ, hã ra sóg ki hã tó tĩ,” he mũ. “Isỹ hẽ tá kãtĩ mũ ẽn ki kanhró inh nĩ, isỹ hẽn ra tĩg ke mũ ti ke gé. Hã ra ãjag tóg inh ki kagtĩg nỹtĩ. Ẽprã ke vỹ tỹ ãjag nỹtĩ.

João 8:42

Hã ra Jesus tóg ag mỹ: “Topẽ tỹ tỹ ãjag panh nĩ ra ãjag tóg iso há nỹtĩnh mũ vẽ,” he mũ. “Inh panh tá sóg kãtére, hã kỹ sóg ãjag mré nĩ nĩ. Inh pijé vẽsóg ki to jykrén kỹ kãtére mũ'. Ti hã vỹ inh jẽnẽ.

Han Kãme 2:36

“Jesus tag, ãjag tỹ ka to ũn sãg mũ tag hã vỹ tỹ ẽg Senhor nĩ. Topẽ vỹ ti to: tỹ tóg Cristo nĩ, tỹ tóg vẽnh kar Senhor nĩ, he mũ. Ẽg povo tỹ Israel tỹ vẽnh vĩ tag kri finh ke vẽ,” he tóg, Pedro ti, ũ tỹ vẽnh mãn kỹ nỹtĩ ag mỹ.

1 Corinto 15:27

Hỹ, vẽnh kar vỹ tỹ ti krẽm ke nỹtĩ, ti tỹ ag jykre sãn kỹ, ti tỹ ũn mág ag vĩ tỹ tũ' hen kỹ. Vẽnh kar vỹ tỹ Cristo krẽm ke nỹtĩ. Hã ra ũn pir vỹ tỹ ti krẽm ke tũ nĩ, hã vỹ: Topẽ, he mũ.

Hebreu 1:2

Ũri kurã tỹ ẽgno tóg kakó tĩ ha, kỹ tóg ũri ti kósin jẽnẽ, ti tỹ ẽg mỹ Topẽ vĩ tó jé. Ti mré tóg nén ũ kar hynhan ja nĩgtĩ. Kỹ tóg ti mỹ nén ũ kar tag vin ke mũ gé, Topẽ ti, ti tũ kar ẽn ti.