João 13:12 - O Novo Testamento na língua Kaingáng

¹² Kỹ tóg ag pẽn kugpe kãn mũ sir. Kar kỹ tóg ti kur rĩnh mãn mũ, kỹ tóg nĩ mãn mũ. Kỹ tóg ag mỹ: “ãjag mỹ sỹ nén han mũ ki kanhró nỹtĩ?“ he mũ.

João 13:12 Iomraidhean Croise

Mateus 13:51

Kỹ tóg ti mré mũ tĩ ag mỹ: “ãjag mỹ tag to jykrén kãn mũ ha?“ he mũ. Kỹ ag tóg ti mỹ: “hỹ,” he mũ sir.

Marcos 4:13

Kỹ tóg ag mỹ: “ãjag tỹ to jykrén tũ tóg tĩ', sỹ ãjag mỹ nén fy kãmén kỹ,” he mũ. “Kỹ ãjag mỹ ũ to jykrén há nỹtĩnh mũ', sỹ kar kỹ ãjag mỹ nén ũ kãmén mãn kỹ?“ he tóg.

Lucas 22:27

Kejẽn ẽg tóg mesa to nỹtĩ, kỹ ũ tóg mesa ki rĩr tĩgtĩ. Ũ tỹ hẽ nỹ hỹn mesa ki rĩr tĩ'? Ag patrão mỹ', ti camarada mỹ vó'? Ti camarada vỹ ki rĩr tĩgtĩ. Jo sóg ãjag ki rĩr tĩgtĩ, ãjag camarada ri ke.

João 13:4

Tag kar to jykrén kỹ tóg vãhã jẽgnẽ mũ sir, jẽn kar kỹ. Jẽgnẽ kỹ tóg ti capa kunũnh kỹ vẽnh pẽfĩn jafã tỹ vẽnh pẽfĩg mũ.

João 13:7

Hã ra tóg ti mỹ: “ã pijé ki kanhró nĩ', sỹ ã mỹ nén han mũ ti',” he mũ. “Kar kỹ ã tóg kejẽn to jykrén ke mũ, ha vem nĩ,” he tóg.