Biblia Todo Logo
Bìoball air-loidhne

- Sanasan -




João 13:1 - O Novo Testamento na língua Kaingáng

1 Hã ra fénhta tỹ Páscoa vỹ kakó tãvĩ tĩ sir, hã ra tóg tá krỹg tũ nĩ ver. Kỹ Jesus vỹ ki kanhró nĩ, ti tỹ ũri ter ke ẽn ti. Ti kurã vỹ jun ja nĩ, ti tỹ ti panh ra tĩg jé. Ti mré mũ tĩ ag to tóg há tãvĩ ja nĩgtĩ, ag tỹ tỹ ti tũ nỹtĩn kỹ. Kỹ tóg ti ter ke kurã ẽn kã ag to há tãvĩ nĩ gé, tag ki, ẽprã.

Faic an caibideil Dèan lethbhreac




João 13:1
44 Iomraidhean Croise  

Kỹ tóg ag venh tĩg mãn kỹ ag mỹ: “ãjag ne tóg ver nũgnũr nỹtĩ',” he mũ. “Vẽnhkán ja ãjag tóg nĩ'. Pétẽm ti huri, óra ti. Ti tỹ Topẽ vĩ mranh tĩ ag mỹ inh fẽg ke nẽ ha, isỹ tỹ ẽprã ke fi kósin nĩn kỹ,” he tóg.


Kỹ isỹ ãjag mỹ nén tó mũ kãmén kãn nĩ gé, ag tỹ ki króm jé. Ha mẽ, ãjag mré sóg jẽ nĩ, kurã kar ki, ãjag tovãnh ke tũ sóg nĩ ha, ga tũg ke kurã ki ke gé,” he tóg, Jesus ti, ti tỹ ti mré mũ tĩ ag jẽgnẽn kỹ.


“Kurã kar ki sóg Topẽ ĩn krẽm ãjag mré nĩ ja nĩgtĩ, hã ra ãjag tóg tá ise sór ja tũ nĩ, ãjag tỹ ag kamẽg kỹ. Hã ra tóg ũri jun, ãjag kurã ti, Japo tỹ ti tỹ nén han sór mũ ẽn han jé, ãjag tỹ. Jykre ki kuty ti nĩ,” he tóg.


Kejẽn ti tỹ kanhkã ra tĩg ke kurã tóg kakó tĩ sir. Kỹ tóg to jykrén kỹ Jerusalém ra tĩg sór mũ, ag tỹ tá ti tén jé. Kỹ tóg vẽnh jo ũ ag jẽgnẽg mũ, ag tỹ ẽmã kãsir tá ti jun ke tó jé.


Hã ra Judeu ag tỹ fénhta tỹ Páscoa han ke ũ vỹ kakó tĩ ha. Kỹ ũ tỹ hẽn ri ke ag tóg fenhta to hã Jerusalém ra mũ mũ, ag jykre ki vẽnh jãnhkrigkrig jé.


Hã ra Jesus tóg ag mỹ: “inh kurã vỹ hur jun. Topẽ vỹ isỹ ũn mág han ke mũ ha. Tỹ sóg ẽprã ke fi kósin nĩ,” he mũ.


Judas vỹ ag jãnkamy ki rĩr tĩ. Hã kỹ ag kã mĩ ũ tóg: “ti hỹn ti mỹ: “ẽg mỹ fénhta to kũpra ũ han tĩg, he mũ, ke tũ nĩ kỹ ti tỹ ũn jagtar ag mỹ nén ũ nĩm ke hỹn,” he ag tóg mũ.


Hã ra Jesus tóg ki kanhró nĩ, ti tỹ Topẽ tá kãtĩg ja ẽn ki, kỹ tóg ki kanhró nĩ gé, ti tỹ ra tĩg mãn ken ki. Kỹ Topẽ tóg ti tar han mũ gé, ti tỹ nén ũ kar ki ag mỹ tỹ ũn mág jẽ jé. Ẽn ki kanhró tóg nĩ gé.


Kỹ sóg ãjag mỹ vẽjykre tãg nĩm sór mũ, hã vỹ: jagnẽ to há, he mũ. Ãjag to há tãvĩ sóg nĩ gé. Tag ri ke han nĩ, jagnẽ mỹ. Vẽjykre tãg hã vẽ.


Inh vĩ tag mẽ ãjag tóg huri, isỹ ãjag mỹ: tĩg jé sóg ke mũ, kar kỹ sóg ãjag to vỹn kenh ke mũ gé, he mũ ti. Ãjag tỹ iso há nỹtĩ ra tóg ãjag mỹ sér tĩnh mũ vẽ, isỹ inh panh venh tĩg ke ti. Inh panh vỹ inh kãfór nĩ.


Hã ra sóg ẽprã ke kar ag mỹ inh jykre ven sór mũ, isỹ inh panh to há tãvĩ nĩ ti. Hã kỹ sóg inh panh tỹ inh mỹ nén tó mũ ẽn han kãn tĩ. Mũ jé ha, re ra,” he tóg.


Ti tỹ inh jẽnẽn hã kỹ sóg ga tag ki jun mũ. Hã ra sóg ũri inh mur ja ré kỹ tĩg ke mũ ha, inh panh kukãm,” he tóg.


Jesus tỹ ti mré mũ tĩ ag mỹ tag kãmén kãn kar kỹ tóg kanhkã ki ẽvãnh mũ, kỹ tóg: “panh', inh óra tán krỹg huri,” he mũ. “Ag mỹ isỹ tỹ ũn mág nĩ ven nĩ, isỹ tỹ ã kósin nĩn kỹ. Kỹ sóg ag mỹ ã tỹ tỹ ũn mág nĩ ven ke mũ gé.


Ag pijé tỹ inh ki ge tũ ag mré ke nỹtĩ'. Tỹ sóg ag mré ke tũ nĩ gé, ũ tỹ inh ki ge jãvãnh ẽn fag mré.


Ag mỹ sóg ã kãmén huri, kỹ sóg fag mỹ ã kãmén mãn ke mũ gé, ag tỹ jagnẽ to há nỹtĩ jé, fag tỹ ã tỹ iso há tag ri ke nỹtĩ jé. Kỹ sóg ag mré ẽmãn ke mũ gé,” he tóg, Jesus ti, ti panh mré vẽmén kỹ.


Vãsỹ, ẽg tỹ ga tag han tũg ki sóg ã mré nĩ ja nĩgtĩ, ẽn kã sóg tỹ ũn mág pẽ nĩ ja nĩgtĩ, ã mré. Ẽn han mãn nĩ, inh mỹ. Isỹ tỹ ũn mág pẽ nĩ han mãn nĩ, panh'.


Hã ra Jesus tóg ki kanhró nĩ, ti jagtar ken ki, kỹ tóg ag kato tĩg kỹ ag mỹ: “ãjag tỹ ũ tỹ hẽ ve sór nẽ?“ he mũ.


Kỹ Jesus tóg sir ti tỹ nén hynhan ke mũ ẽn hynhan kãn ja nĩ. Hã to jykrén kỹ tóg ti to nén rán kỹ nĩ ẽn hynhan kãn sór mũ, hã kỹ tóg: “inh og há tóg tĩ,” he mũ sir.


Ẽn kã Judeu ag fénhta tỹ Páscoa vỹ kakó tĩ sir. Kỹ Jesus vỹ ẽmã tỹ Jerusalém ra tĩ mũ, ti mré mũ tĩ ag mré.


Fénhta tỹ Páscoa ẽn vỹ kakó tĩ ha.


Kỹ ag tóg ag tỹ ti se sór mũ ra ti vóg tũ nĩ ver. Ti ter ke kurã vỹ jun ja tũ nĩ ver.


Hã ra Jesus tóg ag mỹ: “inh kurã vỹ jun ja tũ nĩ ver, hã kỹ sóg tĩg sór tũ nĩ ver,” he mũ. “Ãjag hỹn kurã tũ nỹtĩ, jãvo sóg kurã nĩ.


Ti tỹ ag mỹ vẽnh kãmén hã vẽ. Topẽ ĩn krẽm nĩ kỹ tóg ag mỹ vẽnh kãmén mũ, jãnkamy vin jafã rã hã nĩ kỹ. Kỹ pã'i ag tóg ti se sór mũ, hã ra ag tóg ti kãgmĩg tũ nĩ, ag tỹ ti kamẽg kỹ. Ti ter ke kurã vỹ jun ja tũ nĩ ver, hã kỹ ag tóg ti tỹ hẽ ri ke tũ nĩ ver.


Hã ra tóg tỹ nén ũ tũ nĩ, ẽg mỹ. Ti hã ne ẽg tar han tĩ', ũ tỹ ẽg to há tãvĩ nĩ ẽn tĩ. Hã kỹ tóg ẽg mỹ sér tĩ, ẽg tỹ nén jagy vég mũ ra, ti tugrĩn.


Ti hã vỹ ãjag tar han mũ', ãjag tỹ ti tovãnh tũ nĩ jé, ãjag tỹ kygnẽg tũ nĩ jé. Kỹ ẽg Senhor tỹ Jesus Cristo tóg ti kãtĩg mãn kỹ ãjag tỹ kygnẽ ja tũ ẽn venh ke mũ sir.


Ha mẽ, Cristo tũ vỹ tỹ ẽg nỹtĩ, ẽg tỹ ti tovãnh sór tũ nỹtĩn kỹ. Ẽg tỹ ti ki rã vén mũ kã ẽg tóg ti to tar nỹtĩ ja nĩgtĩ. Ẽg tỹ ẽn ri ke ti to tar nỹtĩn kỹ ẽg tóg tỹ ti tũ nỹtĩ.


Cristo vỹ tỹ Topẽ kósin nĩ. Kỹ tóg Topẽ tũ ag ki rĩr há han tĩ. Hã ra ag tóg tỹ ti tũ nỹtĩ, ti ĩn krẽm ke kar ẽn ag, fag ke gé. Ẽg hã vẽ. Ti tũ vỹ tỹ ẽg nỹtĩ, ẽg tỹ ti to tar nỹtĩn kỹ, ẽg tỹ ti kãmén há han kỹ, ti tỹ ẽg mỹ sér nĩn kỹ, ẽg tỹ tá nén venh ke ti.


Hã ra sóg ãjag mỹ tag tó, ãjag tỹ ti to tar tãvĩ nỹtĩ jé, ãjag tỹ ti to krónh ke tũ nĩ jé. Kỹ ãjag tóg venh ke mũ, ãjag tỹ nén ve sór mũ ti.


Hã kỹ Topẽ tỹ ẽg mỹ nén tó mũ hã han sórm nĩ. Vẽnh ki ẽmẽm nĩ. Ti tỹ ẽg mỹ nén nĩm ke mũ ẽn hã mĩ ẽkrén nĩ. Jesus tỹ vẽnh ven ke kurã ẽn kã ẽg tóg venh ke mũ sir, ti tỹ ẽg mỹ nén nĩm ke mũ ẽn ti.


Ti hã vỹ ẽg to há nĩ vén inhhã. Hã kỹ ẽg tóg ũri ti to há nỹtĩ ha.


Jesus vỹ Topẽ vĩ tó há han ja nĩgtĩ. To tóg krónh ke ja tũ nĩgtĩ. Kỹ tóg ti ter kar kỹ rĩr mãn ja nĩ. Kỹ tóg ẽprã pã'i ag kri tỹ ũn mág jẽ gé. Ẽg to há tãvĩ ti nĩ, Cristo ti. Ti kyvénh tóg ẽg jagfy ti ki kãkutẽ. Tỹ tóg ẽg krenkren han, ẽg tỹ Topẽ vĩ mranh ja to.


Lean sinn:

Sanasan


Sanasan