João 12:2 - O Novo Testamento na língua Kaingáng

² Tá fag tóg Jesus mỹ fénhta han mũ. Kỹ Marta fi tóg vẽjẽn ki rĩr mũ. Lázaro vỹ Jesus mré nĩ nĩ, mesa to.

João 12:2 Iomraidhean Croise

Mateus 26:6

Ẽn kã Jesus tóg kejẽn ẽmã tỹ Betânia tá nĩ nĩ, Simão ĩn krẽm, vẽnh kaga kren vãnh han ja ẽn ti.

Marcos 14:3

Ẽn kã tóg kejẽn ẽmã tỹ Betânia tá nĩ nĩ, Simão ĩn krẽm, vẽnh kaga tỹ lepra han ja ẽn ĩn krẽm. Ti jẽg nĩ ra ũ fi tóg tá jun mũ, garrafa vyn kỹ. Pó tỹ alabastro tỹ tóg há jẽ, garrafa ti. Ti ki jẽ vỹ tỹ nén ger há nĩ, hã vỹ: nardo, he mũ. Ũn kaja e pẽ vẽ. Garrafa ẽn nunh mranh kỹ fi tóg ti ki jẽ ẽn tỹ Jesus gãnh tãg mũ sir.

Lucas 12:37

Hã ra tóg kejẽn jun mũ sir. Kỹ tóg sér tĩ, ti camarada ag tỹ ti jãvãnh nỹtĩn kỹ. Kỹ tóg ag mỹ vĩ há han ke mũ sir. Kỹ tóg vẽsóg fĩn kỹ ag mỹ: “nĩgnĩ ra ver, mesa to,” henh ke mũ sir. Kỹ tóg ti camarada ag mỹ vẽjẽn ven ke mũ, ag patrão ti. Ki hã sóg tó mũ,” he tóg.

Lucas 14:12

Kỹ tóg ũ tỹ ti kógfyn mũ ẽn mỹ kãmén mũ gé. Ti mỹ tóg: “ã tỹ fénhta han sór kỹ ũn riko ag mỹ tó sór tũg nĩ, ã mré ke fag mỹ, ã kãke ag mỹ, ã jãvy ag mỹ. Ã rã nỹtĩ ag mỹ tó tũg nĩ gé,” he mũ. “Ã tỹ ũn riko ag mỹ tó kỹ ag tóg vẽnh kaja jé ã mỹ fénhta han sór mũ gé. Kỹ ã tóg ã fénhta kaja ti vég mũ sir, ẽprã.

Lucas 22:27

Kejẽn ẽg tóg mesa to nỹtĩ, kỹ ũ tóg mesa ki rĩr tĩgtĩ. Ũ tỹ hẽ nỹ hỹn mesa ki rĩr tĩ'? Ag patrão mỹ', ti camarada mỹ vó'? Ti camarada vỹ ki rĩr tĩgtĩ. Jo sóg ãjag ki rĩr tĩgtĩ, ãjag camarada ri ke.

Lucas 5:29

Kỹ Levi tóg ti mỹ fénhta mág han mũ. Kỹ ũ tỹ governo mỹ jãnkamỹ mãg tĩ ũ ag vỹ tá nỹtĩ gé, ag mré ke ũ ag ke gé.

Nén Venh Ke 3:20

Mẽ há han nĩ, sỹ ãjag mỹ nén tó mũ tag. Re tá inh jẽ nĩ, jãnkã tá, kỹ sóg tỹ tórón' tórón' ke mũ. Ũ tỹ inh vĩ mẽg mũ mỹ tóg há tĩ. Kỹ tóg inh mỹ nón ke mũ, jãnkã ti. Kỹ sóg ti ĩn kã ra rãnh ke mũ. Kỹ sóg ti mré jẽn ke mũ. Kỹ tóg inh mré jẽn ke mũ gé, ha mẽ.