João 11:5 - O Novo Testamento na língua Kaingáng

⁵ Jesus vỹ Marta fi to há tãvĩ nĩ, fi jãvy fi to ke gé, Lázaro to ke gé.

João 11:5 Iomraidhean Croise

Lucas 10:38

Kejẽn tóg ti mré mũ tĩ ag mré ẽmã sĩ ũ tá jun mũ. Tá Marta fi tóg nĩ nĩ. Kỹ fi tóg Jesus mỹ: “inh mré kãmũjẽg, inh ĩn mĩ,” he mũ.

Lucas 10:40

Hã ra Marta fi tóg ag mỹ vẽjẽn han to vẽnh kutãn mũ. Kỹ Marta fi tóg ti mỹ: “Senhor',” he mũ. “Rãnhrãj mág han tĩ sóg nĩ, hã ra fi tóg nĩ nĩ. Fi mỹ ké, fi tỹ inh mré vẽjẽn ki rĩr jé,” he fi tóg mũ.

Lucas 10:41

Hã ra tóg fi mỹ: “krĩ kufy ã tóg nĩ, nén ũ tũ to, hã ra fi tóg inh vĩ jẽmẽg nĩ nĩ,” he mũ. “Vẽjẽn to vẽnh kutãn tũg nĩ.

João 11:1

Kejẽn ũ tỹ Jesus to há ũ tóg kaga nỹ nĩ, ẽmã tỹ Betânia tá. Ti jijin hã vỹ: Lázaro, he mũ. Ti ve fi vỹ tỹ Maria fi nĩ, Marta fi ke gé. Betânia tá fag ẽmã nỹtĩ gé.

João 11:3

Kỹ ti ve fag vỹ Jesus mỹ vẽnh vĩ jẽnẽg mũ. “Ã tỹ ũ to há nĩ ẽn vỹ kaga nỹ nĩ,” he fag tóg.

João 11:36

Kỹ ag tóg: “ha vé, ti to há tãvĩ tóg nĩ, hã kỹ tóg fỹ mũ,” he mũ.

João 11:6

Hã ra Jesus tóg, ti tỹ Lázaro kaga mẽg mũ ra ver ti venh tĩ tũ nĩ. Ti tỹ hẽ tá nĩ ẽn tá tóg ver kurã régre han.

João 11:8

Kỹ ag tóg ti mỹ: “Senhor, ẽg tỹ tá nỹtĩn kỹ pã'i ag tóg ã tén sór ja nĩ, pó tỹ ã pin kỹ. Ra tĩg sór tũg nĩ,” he mũ.

João 16:27

Inh panh vỹ ãjag to há tãvĩ nĩgtĩ, ãjag tỹ iso há nỹtĩn kỹ, ãjag tỹ iso: “Topẽ vỹ ti jẽnẽ,” hen kỹ.

João 17:26

Ag mỹ sóg ã kãmén huri, kỹ sóg fag mỹ ã kãmén mãn ke mũ gé, ag tỹ jagnẽ to há nỹtĩ jé, fag tỹ ã tỹ iso há tag ri ke nỹtĩ jé. Kỹ sóg ag mré ẽmãn ke mũ gé,” he tóg, Jesus ti, ti panh mré vẽmén kỹ.