João 11:2 - O Novo Testamento na língua Kaingáng

² Maria ẽn fi vỹ kar kỹ kejẽn Jesus pẽn kri nén ger há kujẽg mũ, kỹ fi tóg fi gãnh tỹ ti pẽn kykũg mũ gé. Ẽn fi mré pafa mũ vỹ kaga nỹ nĩ.

João 11:2 Iomraidhean Croise

Marcos 14:3

Ẽn kã tóg kejẽn ẽmã tỹ Betânia tá nĩ nĩ, Simão ĩn krẽm, vẽnh kaga tỹ lepra han ja ẽn ĩn krẽm. Ti jẽg nĩ ra ũ fi tóg tá jun mũ, garrafa vyn kỹ. Pó tỹ alabastro tỹ tóg há jẽ, garrafa ti. Ti ki jẽ vỹ tỹ nén ger há nĩ, hã vỹ: nardo, he mũ. Ũn kaja e pẽ vẽ. Garrafa ẽn nunh mranh kỹ fi tóg ti ki jẽ ẽn tỹ Jesus gãnh tãg mũ sir.

Lucas 7:13

Kỹ Jesus tóg fi vég mũ, kỹ fi tóg ti mỹ jagtar nĩ. Kỹ tóg fi mỹ: “fỹ tũg nĩ,” he mũ.

Lucas 7:19

Kỹ tóg ti mỹ e tĩ. Kỹ tóg ti to: “Topẽ tỹ ũn jẽnẽg mũn hã mỹ vỹ?” he mũ. Hã kỹ tóg ti mré mũ tĩ régre ag jẽgnẽg mũ, ag tỹ Jesus mỹ: “ã hã mỹ'?” he jé.“ Ẽg mỹ ũ jãvãnh mãn ke tũ nĩ ha', ã pãte?” he sór ag tóg mũ.

João 11:21

Kỹ Marta fi tóg ti kato tẽ kỹ ti mỹ: “Senhor,” he mũ. “Ã tỹ kãnĩ ra ti ter ke tũ nĩ vẽ,” he fi tóg.

João 11:3

Kỹ ti ve fag vỹ Jesus mỹ vẽnh vĩ jẽnẽg mũ. “Ã tỹ ũ to há nĩ ẽn vỹ kaga nỹ nĩ,” he fag tóg.

João 11:32

Kỹ Maria fi tóg Jesus tá jun mũ. Fi tỹ ti ve kỹ fi tóg ti pẽn krẽm mũg ke mũ. Ti mỹ fi tóg: “Senhor, ã tỹ kã nĩ ra ti ter ke tũ nĩ vẽ,” he mũ gé.

João 12:3

Kỹ Maria fi tóg nén ger há ma kãtĩ mũ, garafa fór, ũn kaja e. Ẽn tỹ fi tóg Jesus pẽn kri kujẽg mũ, kỹ fi tóg fi gãnh tỹ kykũg mũ, ti pẽn ti. Kỹ ger há ẽn tóg ĩn kar ẽn kri rũm ke mũ.

João 13:13

“Iso ãjag tóg: Senhor, he tĩ. Tó há han ãjag tĩ. Tỹ sóg ãjag Senhor nĩ.

João 13:14

Kỹ sóg tỹ ãjag kanhrãn tĩ nĩ gé. Hã ra sóg ãjag pẽn kugpé. Hã kỹ tóg há tĩ, ãjag tỹ jagnẽ mỹ jagnẽ pẽn kugpe kỹ, inh ri ke han kỹ.