João 10:6 - O Novo Testamento na língua Kaingáng

⁶ Jesus tỹ ag mỹ vẽnh mẽg kãmén hã vẽ. Ti mỹ ẽg tóg vẽnh mẽg tỹ carneiro ri ke nỹtĩ, ẽg tỹ ti nón mũn kỹ. Hã ra tóg pã'i ag tỹ ti vĩ to jykrén tũ tĩ.

João 10:6 Iomraidhean Croise

Mateus 13:34

Nén tỹ hẽn ri ke kãmén tóg tĩ, Jesus ti, vẽnh kar mỹ. “Topẽ tỹ tỹ ẽg pã'i nĩnh ke vỹ tag ri ke nĩ,” he tãvĩ han tóg tĩ ag mỹ.

Mateus 13:51

Kỹ tóg ti mré mũ tĩ ag mỹ: “ãjag mỹ tag to jykrén kãn mũ ha?“ he mũ. Kỹ ag tóg ti mỹ: “hỹ,” he mũ sir.

Marcos 4:34

“Tag vỹ ge nĩnh mũ,” he tóg tĩ, ũn e ag mỹ. Hã ra tóg ti mré mũ tĩ ag hã mỹ kãmén há han mũ, ag pin kỹ.

João 16:25

“Sỹ ãjag mỹ inh panh kãmén kỹ sóg ver: tag ri ke ti nĩ, he tĩ. Kãnhmar sóg jamã há ra ãjag mỹ ti kãmén ke mũ, kỹ sóg ãjag mỹ: tag ri ke ti nĩ, he mãn ke tũ nĩ sir.

João 16:29

Kỹ ti mré mũ tĩ ag tóg ti mỹ: “vãhã ã tóg ẽg mỹ kãmén há han mũ ha. Vãhã ã tóg ẽg mỹ: ge ti nĩ, he mãn tũ nĩ ha.

João 6:52

Kỹ ag tóg jagnẽ mỹ: “ti mỹ ẽg mỹ ti nĩ nĩm ke mũ, ẽg tỹ ko jé?“ he mũ. “Vẽnh mỹ ti nĩ, tag,” he ag tóg.

João 6:60

Kỹ ti vĩ tóg ti mré mũ tĩ ũ ag mỹ e tĩ. Kỹ ag tóg: “mẽ jagy ti tĩ. Ẽg tỹ mẽ jãvãnh tóg tĩ,” he mũ.

João 7:36

Ne to ke nẽ, hỹn, hã vỹ: “ãjag tỹ inh venh há ra ãjag tóg inh venh ke tũ nĩ, he mũ?” he ag tóg mũ. Jesus vĩ vỹ ag mỹ e tĩ, hã kỹ ag tóg ti tỹ nén tó mũ ki kagtĩg nỹtĩ.

João 8:27

Hã ra tóg ag tỹ to jykrén tũ tĩgtĩ, ti tỹ ag mỹ ti panh tó mũ ra.

João 8:43

Hã ra ãjag tóg inh vĩ ki kagtĩg nỹtĩ. Mẽ sór tũ ãjag nỹtĩ, hã kỹ ãjag tóg ki kagtĩg nỹtĩ.

1 Corinto 2:14

Ẽprã ke ag pijé Topẽ kuprĩg to há nỹtĩ', ti jykre to'. Ag mỹ tóg tỹ Topẽ krĩ tũ nĩ ve nĩ. To jykrén há han ki kagtĩg ag nỹtĩ, ag tỹ Topẽ kuprĩg tỹ jagrẽ tũ nỹtĩn kỹ.

2 Pedro 2:22

Ag to ẽg tóg tag tó tĩ, ha mẽ: “cachorro vỹ ti tũgtũv ẽn ko mãn tĩ,” he ẽg tóg tĩ. “Porco tóg ti vẽnh kype há han kỹ jẽ ra óré mĩ vẽsĩn mãn tĩ. Kỹ tóg vẽnh kavénh mãn tĩ,” he ẽg tóg tĩ gé. Ũ tỹ vẽjykre kórég tovãnh kar kỹ han mãn tĩ ag to ken hã vẽ.

1 João 5:20

Topẽ kósin vỹ kãtĩg ja nĩgtĩ, ẽg tỹ ti ki kanhrãn jé. Tag ki kanhró ẽg tóg nỹtĩ. Jesus Cristo ki ge kỹ ẽg nỹtĩ. Kỹ ti hã vỹ tỹ ẽg jykre nĩ. Ti panh hã vỹ tỹ Topẽ pẽ nĩ. Ti hã vỹ ẽg tỹ ẽg rĩr krỹg ja tũ venh ke han tĩ.