João 10:5 - O Novo Testamento na língua Kaingáng

⁵ Fag pijé ũ nón mũnh ke mũ', fag tỹ ũn ki kagtĩg nón. Ũ jo fag vẽnh pigjunh ke mũ, fag tỹ ũn ki kagtĩg ẽn jo. Fag pijé ti vĩ ki kanhró nỹtĩ',” he tóg.

João 10:5 Iomraidhean Croise

Marcos 4:24

“Hã kỹ jẽmẽ há han, inh vĩ ti. Ãjag mré ke ag jykre tugnỹm ãjag tóg tĩ, kỹ ãjag tóg ag mỹ vĩ tar han tĩ. Hã ra Topẽ vỹ ãjag mỹ vĩ tar han ke mũ gé, ha vem nĩ,” he tóg.

Lucas 8:18

“Hã kỹ jẽmẽ há han nĩ. Ũ tỹ to jykrén há han kỹ tóg, ũ to jykrén mãn', ũ to jykrén mãn', henh ke mũ. Ũ tỹ inh vĩ to jykrén há han tũ nĩn kỹ tóg ti mỹ tũ' he kãn ke mũ, ti tỹ nén ũ to jykrén mũ kar ẽn mré hã,” he tóg.

João 10:16

Inh mẽg ũ vỹ nỹtĩgtĩ gé ver, inh mẽg tỹ hẽ tá ke fag. Ãjag povo kã mĩ ke pijé'. Ẽn jé prẽr jé sóg ke mũ gé, kỹ fag tóg inh mré kãmũnh ke mũ gé. Inh vĩ mẽ jé fag ke mũ gé. Kỹ fag tóg tỹ tag ki inh mẽg fag mré ke nỹtĩnh mũ. Kỹ sóg fag kar jy ró pir han ke mũ, inh pir mỹ sóg fag ki rĩr ke mũ,” he tóg.

João 10:4

Kỹ tóg fag jo tĩ mũ, re ra. Kỹ tóg ti mẽg fag jé prẽr kãn mũ sir, kỹ fag tóg ti nón mũ mũ, fag tỹ ti ki kanhró nỹtĩn kỹ.

2 Timóteo 4:3

Kurã tỹ ẽgno to hã ag tóg jẽmẽ sór ke tũ pẽ nĩ, vẽnh vĩ há ti, ha vem nĩ. Kỹ ag tóg vẽnh vĩ kórég nón mũ sór mũ, ag tỹ nén to én mũ ẽn ti. Ũ tỹ ón kỹ ag mỹ tónh ke mũ ẽn vỹ vẽme sér tónh ke mũ. Kỹ tóg ag mỹ sér tĩnh mũ.

1 João 2:19

Ẽg mré ke ag vẽ vẽ, hã ra ag tóg ón kỹ tỹ ẽg mré ke ja nỹtĩgtĩ. Ag tỹ tỹ ẽg mré ke pẽ nỹtĩ ra ag tóg ver ẽg mré mũnh ke mũ vẽ. Hã ra ag tóg ti tovãnh kỹ ti kato tẽ mũ ha. Hã ki tóg ve há tĩ, ag tỹ tỹ ẽg mré ke tũ nỹtĩ ti.

1 João 2:21

Hã kỹ sóg ãjag mỹ rán mũ, ãjag tỹ ki kanhró nỹtĩn kỹ. Ãjag pijé ki kagtĩg nỹtĩ'. Ũ tỹ vẽnh vĩ há tó mũ ẽn pijé ón tĩ'.

Nén Venh Ke 2:2

“Ãjag tỹ nén han mũ ki kanhró sóg nĩ, he ti,” hem nĩ iso. Vãsãn ãjag tóg tĩ. Iso krónh ke tũ ãjag tóg nĩ. Ũn jykre pãno ag tóg ãjag mỹ kórég nỹtĩ. Ãjag kã mĩ ũ tóg ón kỹ: “apóstolo vỹ tỹ ẽg nỹtĩ,” he ja nĩ. Ag jykre tugnỹm kỹ ãjag tóg ag ón mũ tag to ag pan.