João 10:4 - O Novo Testamento na língua Kaingáng

⁴ Kỹ tóg fag jo tĩ mũ, re ra. Kỹ tóg ti mẽg fag jé prẽr kãn mũ sir, kỹ fag tóg ti nón mũ mũ, fag tỹ ti ki kanhró nỹtĩn kỹ.

João 10:4 Iomraidhean Croise

Mateus 16:24

Kỹ tóg ti mré mũ tĩ ag mỹ: “ãjag tỹ inh mré kãmũ kỹ tóg há tĩnh mũ,” he mãn mũ. “Kỹ ãjag jykre tovãnh nĩ, ãjag tỹ isũ hã han jé. Ha vé, ag tỹ inh krunh tỹ inh kri fi kỹ sóg tĩg ke mũ, ag tỹ to isa kỹ isén jé, ha vem nĩ. Vẽnh nenh ke tũ sóg nĩ. Isỹ tag han ri ke han nĩ, ãjag tỹ inh mré mũ sór kỹ,” he tóg.

João 10:16

Inh mẽg ũ vỹ nỹtĩgtĩ gé ver, inh mẽg tỹ hẽ tá ke fag. Ãjag povo kã mĩ ke pijé'. Ẽn jé prẽr jé sóg ke mũ gé, kỹ fag tóg inh mré kãmũnh ke mũ gé. Inh vĩ mẽ jé fag ke mũ gé. Kỹ fag tóg tỹ tag ki inh mẽg fag mré ke nỹtĩnh mũ. Kỹ sóg fag kar jy ró pir han ke mũ, inh pir mỹ sóg fag ki rĩr ke mũ,” he tóg.

João 10:27

Inh mẽg fag vỹ inh vĩ mẽg tĩ, fag ki kanhró sóg nĩ, hã kỹ fag tóg inh mré mũgtĩ.

João 10:3

Jãnkã ki rĩr tĩ ẽn vỹ ti mỹ ró nón tĩ, jãnkã ti. Kỹ tóg carneiro jygji tó kãn mũ sir. Ti vĩ ki kanhró fag nỹtĩ.

João 10:5

Fag pijé ũ nón mũnh ke mũ', fag tỹ ũn ki kagtĩg nón. Ũ jo fag vẽnh pigjunh ke mũ, fag tỹ ũn ki kagtĩg ẽn jo. Fag pijé ti vĩ ki kanhró nỹtĩ',” he tóg.

João 10:8

“Ũ tỹ inh jo kãmũ mũ ag vỹ tỹ carneiro pigju(g) tĩ ag nỹtĩ ja nĩgtĩ, tỹ ag ũn jũ (ka)mẽ ag nỹtĩ ja nĩgtĩ. Hã ra carneiro fag vỹ ag vĩ mẽ ja tũ nĩgtĩ.

João 12:26

Ãjag tỹ inh rãnhrãj han sór kỹ inh ri ke han nĩ, kỹ ãjag tóg tỹ inh mré ke nỹtĩnh mũ. Kỹ ãjag tóg inh mré kanhkã tá nỹtĩnh ke mũ gé. Kỹ inh panh vỹ ãjag tỹ ũn mág han ke mũ gé,” he tóg, Jesus ti.

João 13:15

Sỹ ãjag kanhrãn sór vẽ, hã kỹ sóg ãjag mỹ ãjag pẽn kugpé. Inh ri ke han nĩ.

João 18:37

Kỹ Pilatos tóg: “kỹ ã mỹ hã ra tỹ pã'i mág nĩ'?“ he mũ. Kỹ tóg: “ki hã ã tóg tó mũ,” he mũ. “Isỹ ki hã tó hã jé sóg ga kri mur kỹ, ga kri tĩ nĩ. Kỹ ũ tỹ ki hã tó to há nỹtĩ ẽn ag kar vỹ inh vĩ jẽmẽg mũ,” he tóg.

João 3:29

“Vẽnh prũg to jykrén nĩ. Ũn prũg mũ hã vỹ ti prũnh ke fi mré nĩ nĩ. Kỹ ti régre tóg ũn prũg mũ ẽn rã hã jẽ, kỹ tóg ti vĩ mẽg mũ, hã ra tóg ti mỹ mẽ sér pẽ tĩ. Ge ti nĩ, inh mré. Inh mỹ tóg sér tĩ, vẽnh kar tỹ Jesus mré mũn kỹ, ti tỹ tỹ ũn prũg mũ ri ke nĩn kỹ.

1 Corinto 11:1

Inh jykre han sórm nĩ, isỹ Jesus jykre han ri ke.

Éfeso 5:1

Topẽ tỹ vẽjykre han tĩ ẽn hã han nĩ, ãjag tỹ tỹ ti fe nỹtĩn kỹ, ti krẽ.

Hebreu 12:2

Jesus hã mĩ ẽkrén nĩ. Ti hã vỹ ẽg tỹ Topẽ ki rã han. Kỹ tóg ẽg tỹ ti tovãnh ke tũ han ẽn ki kanhró nĩ gé. Krunh to sa kỹ tóg ter mỹr. Ag tỹ ti to é he mũ ra tóg ti mỹ tỹ nén ũ tũ tĩ. Ti tỹ kar kỹ nén venh ke ẽn mĩ tóg ẽkrén ja nĩ, nén tỹ ti mỹ sér nĩnh ke ẽn mĩ. Hã kỹ tóg ũri Topẽ pẽgja tá nĩ nĩ.

Hebreu 6:20

Jesus vỹ tá jun vén, ẽg jo. Kỹ tóg ẽg mỹ Topẽ to ẽpry ti han. Ẽg jagfy tóg tỹ Topẽ tũ ki rĩr tĩ to pã'i mág nĩ, Melquisedeque ẽn ri ke. Kỹ Jesus tỹ tỹ pã'i nĩ tóg kurã krỹg ja tũ nĩ. Kỹ tóg, ẽg jo Topẽ rĩnja tá nĩ nĩ, ẽg tỹ ti nón tá junjun jé gé.

1 Pedro 2:21

Hã jé Topẽ tóg ãjag kuprẽg. Cristo vỹ ẽg jagfy vẽsỹrénh gé, mỹr, ha mẽ. Ti vẽsỹrénh tugrĩn ẽg tóg ti to tar nỹtĩnh mũ, ẽg tỹ kejẽn ti ri kén jagtar nỹtĩnh ken kỹ.

1 Pedro 4:1

Ha vé, Cristo vỹ jagtar nĩ ja nĩgtĩ, vẽsỹrénh kỹ. Kỹ tag to tar nỹtĩm nĩ gé, ãjag tỹ ti kóm jagtar nỹtĩn kỹ. Tag vỹ há nĩ, ha mẽ: ũ tỹ ẽprã jagtar kỹ tóg Topẽ vĩ mranh tũ nĩgtĩ.

1 Pedro 5:3

Kỹ ãjag krẽm ke ag ki rĩrm nĩ. Ag mỹ komẽr hã vĩm nĩ. Ag rĩnve vẽjykre há hã han kỹ nỹtĩm nĩ, ag tỹ ãjag jykre há ve kỹ ãjag kóm han sór jé.