João 10:2 - O Novo Testamento na língua Kaingáng

² Ti jãvo ũ tỹ carneiro ki rĩr tĩ vỹ jãnkã ra rã mũ.

João 10:2 Iomraidhean Croise

Mateus 15:11

“Ẽg jẽn pijé ẽg kavénh tĩ'. Ẽg jẽnky kã ra ẽg tóg rãg tĩ, vẽjẽn tỹ. Nén ũ tỹ ẽg ki kãpa hã vỹ ẽg kavénh tĩ, ha mẽ,” he tóg.

João 10:14

Ti jãvo sóg carneiro ki rĩr há han tĩ. Inh mẽg ki kanhró sóg nĩ, kỹ fag tóg inh ki kanhró nỹtĩ gé.

João 10:7

Hã ra Jesus tóg ag mỹ: “ki hã sóg tó mũ,” he mãn mũ. “Carneiro jy ró jãnkã ri ke inh nĩ,” he tóg.

João 10:9

Inh hã vỹ fag mỹ jãnkã ri ke nĩ. Ũ tỹ inh ki rã mũ vỹ kren ke mũ, kỹ tóg ti tỹ jãnkã ra rã ri ke nĩ. Kã ra tóg rã tĩ. Kar kỹ tóg tá kãkutẽ tĩ gé, ti tỹ vẽjẽn há ve je.

Han Kãme 20:28

Vẽnh ki rĩrm nĩ, vẽso jykrén kỹ. Kỹ Jesus ki ge mũ kar ag ki rĩrm nĩ gé. Topẽ kuprĩg vỹ ãjag tỹ ag to pã'i hynhan, kỹ ag ki rĩr há han nĩ. Ti kyvénh tỹ tóg ãjag kygjãm mỹr, Jesus ti. Ti mỹ ãjag tóg tỹ ti mẽg ri ke nỹtĩ. Kỹ ti mẽg ẽn jẽn nĩ.

1 Timóteo 4:14

Ẽg jyvẽn tĩ ag ne ã mỹ tó', Topẽ tỹ nén to ã tar han ke ti, Topẽ kuprĩg tỹ ag krĩn kỹ, igreja to kófa ag tỹ ag nĩgé tỹ ã kri fi ja ẽn kã.

Tito 1:5

à mỹ sóg: “ ver goj vãso tỹ Creta tá nĩm nĩ,” he ja nĩgtĩ, ã tỹ tá isỹ nén han kãn ja tũ ẽn han kãn jé. Hã kỹ sóg ã mỹ: “ẽmã kar ki ũ ag kuprẽg, ag tỹ tỹ igreja to kófa nỹtĩ jé,” he ja nĩ.

Hebreu 13:20

Topẽ mré sóg vẽmén tĩ ãjag to. Ẽg krĩ kuprãg ti tĩ. Kỹ tóg Jesus ti rĩn mãn ja nĩ gé, ti tỹ ẽg jagfy ter kar kỹ. Kỹ tóg ũ tỹ mé ki rĩr tĩ ẽn ri ke nĩ. Hã ra tóg ẽn kãfór nĩ gé, ti tỹ ẽg ki rĩr há han nĩn kỹ. Ẽg mỹ tóg vẽjykre tãg ẽn nĩm ja nĩ, ũ tỹ tũ' he vãnh ẽn.

1 Pedro 2:25

Vãsỹ ẽg tóg vẽnh mẽg tỹ carneiro vãgfor ri ke nỹtĩ ja nĩgtĩ. Hã ra tóg hur ẽg tatĩ kãtĩg, ẽg vãgfor ja ra, Jesus ti. Kỹ ẽg tóg ti mré mũ mũ sir, carneiro fag tỹ ag ki rĩr tĩ mré mũ ri ke. Ti hã ne ẽg ki rĩr nĩ ha'.

1 Pedro 5:4

Kãnhmar ti kãtĩg mãn ke mũ, ẽg pã'i mág ti, ẽg ki rĩr tĩ ti. Kỹ tóg ãjag tỹ ũn mág han ke mũ. Ãjag mỹ tóg krĩ tógfĩ ri ke vin ke mũ, ãjag tỹ tỹ ũn mág nỹtĩn kỹ. Hã ra tóg kórég vãnh nĩ, kanhkã tá ẽg krĩ tógfĩ ẽn ti.

Nén Venh Ke 1:20

“Krĩg ag vég ã tóg jẽ nĩ, inh nĩgé kã ki. Kỹ ã tóg néj tỹ kri vin jafã tỹ 7 (ke) tag vég mũ gé. Nhỹ ã mỹ kãmén, ã tỹ nén vég mũ tag ti. Topẽ tỹ jẽgnẽ jafã ag vỹ krĩg tỹ 7 (ke) tag ri ke nỹtĩ. Inh ki ge kỹ nỹtĩ ag ki ag tóg rĩr tĩ. Sỹ ã mỹ ẽmã tỹ 7 (ke) tó mũ ẽn tá ag nỹtĩ. Kar kỹ ag néj tỹ kri vin jafã ri ke nỹtĩ gé,” he tóg, ũ tỹ tỹ ẽprã ke nĩ ve ẽn ti.