João 10:12 - O Novo Testamento na língua Kaingáng

¹² Kỹ ũ camarada vỹ tag ri ke tũ nĩgtĩ. Mĩg kamẽg jé tóg ke mũ. Ti tỹ mĩg ve kỹ tóg vẽnhvãg tĩg ke mũ, ti patrão mẽg tovãnh kỹ. Kỹ mĩg vỹ fag kugmĩnh ke mũ. Kỹ fag tóg vẽnh kãpugpóv ke mũ gé, mĩg tugrĩn. Ti camarada mẽg pijé', ti patrão mẽg vẽ, hã kỹ tóg fag jy nĩgãn há han tũ nĩ.

João 10:12 Iomraidhean Croise

Mateus 10:16

“Carneiro vỹ, vẽnh jy nĩgãn ki kagtĩg nỹtĩ, mĩg tỹ ag mãn sór mũ ra. Ri ke ãjag nỹtĩ, hã ra sóg ãjag jẽgnẽnh mũ, ũ tỹ tỹ mĩg ri ke ag to, hã ra Topẽ hã vỹ ãjag jy nĩgãn ke mũ sir. Hã kỹ vẽnh ki rĩr há han nĩ. Pỹn jykre ri ke han nĩ. Vãjig tóg tĩ, kỹ ẽg tóg kãnhmar ti tỹ hẽ ri ke tũ nĩgtĩ. Kỹ sórãg jykre ri ke han nĩ gé. Jũ vãnh pẽ ti nĩ, nén ũ vẽnh mỹ han tũ ti nĩgtĩ.

Mateus 7:15

“Ón kỹ Topẽ vĩ tó tĩ ẽn ag vĩ kri nĩm tũg nĩ. Há nỹtĩ ve ag tóg nĩ, hã ra ag tóg, ãjag kókén sór nỹtĩ. Ãjag kókén sór to ag tóg, mĩg jũ ẽn ri ke nỹtĩ, mỹr, ha mẽ.

João 10:13

Mĩg ve kỹ tóg vẽnh vãg tĩ mũ. Jãnkamy hã to tóg rãnhrãj jẽ nĩ, hã kỹ tóg mĩg kamẽg mũ.

João 10:2

Ti jãvo ũ tỹ carneiro ki rĩr tĩ vỹ jãnkã ra rã mũ.

João 10:3

Jãnkã ki rĩr tĩ ẽn vỹ ti mỹ ró nón tĩ, jãnkã ti. Kỹ tóg carneiro jygji tó kãn mũ sir. Ti vĩ ki kanhró fag nỹtĩ.

Han Kãme 20:29

Isĩg kỹ ũ ag tóg ãjag ki junjun ke mũ, kỹ ag tóg mĩg ri ke nỹtĩ, ti mẽg mãn sór kỹ, hã vỹ: Jesus ki ge kỹ nỹtĩ ag kókén sór mũ, he mũ.

1 Timóteo 3:3

ũ tỹ goj fa kron vãnh, ũ tỹ ti fe tỹ gỹm ke vãnh, ũ tỹ vẽnh kar mỹ komẽr hã vĩ tĩ, ũ tỹ vẽnh kar krĩ kuprã nĩ ve sór tĩ, ũ tỹ riko nĩ sór vãnh,

1 Timóteo 3:8

Kỹ igreja to kófa mré rãnhrãj tĩ ũ vỹ nỹtĩ gé. Ũ tỹ ge ag vỹ vẽjykre há han ke mũ gé, vẽnh vĩ pir han kỹ nĩ, goj fa kron vãnh, nén ũ to én ke tũ, riko nỹtĩ sór ke tũ.

2 Timóteo 4:10

Demas vỹ isovãnh kỹ vyr. Ẽprã vẽjykre han sór ti nĩ, hã kỹ tóg isovãnh kỹ Tessalônica ra vyr. Crescente vỹ Galácia ra vyr, kỹ Tito vỹ Dalmácia ra vyr.

Tito 1:7

Ha vé, ũ tỹ tỹ igreja to kófa jẽ sór kỹ tóg tỹ ũn jykre há nĩnh mũ. Ti tỹ ti mré ke ag to: “ag kãfór vỹ tỹ inh nĩ,” henh ke tũ vẽ. Ũn fe tỹ gỹm ke (ka)mẽ vỹ há tũ nĩ, ũ tỹ vinho kron (ka)mẽ ti, ũn jũ (ka)mẽ ti. Kỹ tóg ti tỹ riko nĩnh ke hã to én ke tũ nĩ gé.

1 Pedro 5:2

Kỹ sóg ãjag mỹ tag tó sór mũ, ha mẽ. Ãjag krẽm ke ag ki rĩr há han nĩ. Ũ tỹ carneiro ki rĩr tĩ ẽn tỹ ti mẽg ki rĩr há han ẽn ri ke han nĩ. Topẽ tỹ ãjag mỹ vẽnh rãnhrãj nĩm jan hã vẽ. Kỹ ãjag gỹj mĩ ẽkrén sór tũg nĩ gé. Topẽ tũ vẽ, ãjag rãnhrãj ti, hã kỹ ki rĩr há han sórm nĩ.

2 Pedro 2:3

Ag tỹ jãnkamy mág ve sór vẽ, hã kỹ ag tóg ón kỹ vẽme sĩnvĩ tó sór mũ, ag tỹ ãjag lograr he jé. Hã ra ũ tỹ ag vóg kónãn ke mũ ẽn tóg ag vég tĩ. Ag tỹ tũ' he jé tóg ke mũ, kãnhmar, ha vem nĩ.