João 10:11 - O Novo Testamento na língua Kaingáng

¹¹ “Ũ tỹ carneiro ki rĩr há han tĩ ri ke inh nĩ gé. Ti hã vỹ ti mẽg jagfy ter ke mũ, fag krenkren jé.

João 10:11 Iomraidhean Croise

João 15:13

Ũ tỹ ti mré ke ũ ag jagfy ter sór mũ ẽn vỹ ag to há ja nĩgtĩ. Ũ tỹ ẽg to há kãfór pẽ ẽn venh ke tũ ẽg tóg nĩ, ẽprã.

Nén Venh Ke 7:17

cordeiro tỹ ag ki rĩr kỹ, ũ tỹ nĩgja sĩnvĩ tá jẽ ẽn ti. Ag tatĩ tĩg jé tóg ke mũ, goj nĩhỹg ja ra. Goj tỹ ag rĩnrĩr han mũ ẽn ra tóg ag tatĩ tĩg ke mũ. Topẽ vỹ ag kygfỹ tỹ tũ' henh ke mũ,” he tóg inh mỹ, kófa ti, ũn e ẽn ag to.

1 João 3:16

Cristo vỹ ẽg tỹ jagnẽ to há nĩ tag tỹ ẽg kanhrãn. Vẽnh fẽg tóg, ũ tỹ ti tén ke mũ ag mỹ, ti tỹ ẽg jagfy ter jé. Hã kỹ ẽg tóg ẽg mré ke jagfy ter ke tag to tar nỹtĩnh ke mũ gé, ũ tỹ ag jagfy ẽg tén sór kỹ.

Hebreu 13:20

Topẽ mré sóg vẽmén tĩ ãjag to. Ẽg krĩ kuprãg ti tĩ. Kỹ tóg Jesus ti rĩn mãn ja nĩ gé, ti tỹ ẽg jagfy ter kar kỹ. Kỹ tóg ũ tỹ mé ki rĩr tĩ ẽn ri ke nĩ. Hã ra tóg ẽn kãfór nĩ gé, ti tỹ ẽg ki rĩr há han nĩn kỹ. Ẽg mỹ tóg vẽjykre tãg ẽn nĩm ja nĩ, ũ tỹ tũ' he vãnh ẽn.

1 Pedro 5:4

Kãnhmar ti kãtĩg mãn ke mũ, ẽg pã'i mág ti, ẽg ki rĩr tĩ ti. Kỹ tóg ãjag tỹ ũn mág han ke mũ. Ãjag mỹ tóg krĩ tógfĩ ri ke vin ke mũ, ãjag tỹ tỹ ũn mág nỹtĩn kỹ. Hã ra tóg kórég vãnh nĩ, kanhkã tá ẽg krĩ tógfĩ ẽn ti.

Tito 2:14

Ẽg jagfy tóg ter ja nĩ, ti tỹ ẽg jykre kórég ẽn tỹ tũ' he jé. Kỹ tóg ẽg kykũg mũ, ẽg jãnhkri nỹtĩ jé. Kỹ ẽg tóg tỹ ti tũ nỹtĩ sir, vyr mỹ. Ẽg pijé tỹ ũ tũ nỹtĩ ha'.

Mateus 20:28

Hã kỹ sóg camarada tũ nĩ gé. Sỹ tỹ camarada nĩ jé sóg kãtĩg, sỹ ãjag mré rãnhrãj jé. Hã kỹ sóg vẽnh kar jagfy ter ke mũ, sỹ ag krenkren han jé. Tỹ sóg ẽprã ke fi kósin nĩ,” he tóg, Jesus ti.

Éfeso 5:2

Jagnẽ to há kar nỹtĩm nĩ, Cristo tỹ ẽg to há nĩ ri ke. Ẽg jagfy tóg vẽnh fẽg. Ẽg tỹ Topẽ mỹ nén ũ pũn ri ke ti nĩ, ti tỹ ẽg jagfy vẽnh fẽg mũ ẽn ti. Kỹ tóg Topẽ mỹ há tĩ sir.

João 10:2

Ti jãvo ũ tỹ carneiro ki rĩr tĩ vỹ jãnkã ra rã mũ.