João 1:9 - O Novo Testamento na língua Kaingáng

⁹ Jẽngrẽ pẽ ẽn hã vẽ. Ẽprã tóg jun, ti tỹ ẽg kanhrãn jé, ẽprã ke kar.

João 1:9 Iomraidhean Croise

Mateus 6:23

Ti kórég nĩn kỹ tóg, ẽg mỹ kuty tĩnh mũ. kỹ kuty tag vỹ kuty kar kãfór nĩ. Ge ti nĩ, ẽg jykre kórég nĩn kỹ. Ẽg kanẽ kórég ri ke ti nĩ,” he tóg, Jesus ti.

Lucas 11:36

Ãjag jo kurã nĩn kỹ tóg há tãvĩ nĩ. Ãjag jykre há tãvĩ nĩn kỹ tóg, ãjag jo kurã ri ke nĩ sir. Kỹ ãjag tóg sir néj gru ri ke nỹtĩ gé. Néj gru mág nĩn kỹ tóg ẽg kanẽ jo jẽngrẽ há han tĩ. Ge ẽg nỹtĩ, ẽg jykre há tãvĩ nĩn kỹ,” he tóg Jesus ti.

João 1:4

Ẽg tỹ ũ to: Topẽ vĩ, he mu ẽn vỹ rĩr nĩ, hã kỹ tóg ẽg rĩnrĩr han ke mũ gé. Jẽngrẽ ri ke ti nĩ. Ti tỹ ẽg kanhrãn to ken hã vẽ.

João 1:7

Ti mỹ tóg: “ag mỹ ũ tỹ ag mỹ jẽngrẽ han ke mũ ẽn kãmén“ he ja nĩ. Hã kỹ tóg ke mũ, ẽg kar tỹ ti vĩ mẽ kỹ kri fi jé.

João 12:46

Sỹ ãjag mỹ kurã han hã jé sóg kãtĩg. Ãjag tỹ inh ki ge kỹ sóg ãjag mỹ kuty ẽn tỹ tũ' he mũ.

João 14:6

Kỹ Jesus tóg ag mỹ: “ti to ẽmĩn vỹ tỹ inh nĩ,” he mũ. “Vẽnh vĩ há hã tó sóg tĩ. Inh hã vỹ ãjag rĩnrĩr han ke mũ. Ũ tỹ hã ra inh ki rã tũ nĩn kỹ tóg inh panh venh ke tũ pẽ nĩ.

João 15:1

Ag mũn kỹ Jesus tóg ag mỹ: “uva fa ri ke inh nĩ,” he mũ. “Inh panh vỹ ũ tỹ uva ki rĩr tĩ ẽn ri ke nĩ.

João 6:32

Kỹ tóg: “Moisés pijé ãjag mỹ kanhkã tá ẽmĩ pẽ nĩm ja nĩ',” he mũ. “Ki hã sóg tó mũ, ha mẽ. Ũ tỹ ãjag mỹ kanhkã tá ẽmĩ pẽ nĩm mũ ẽn vỹ tỹ inh panh nĩ.

João 7:12

Vẽnh kar ag tóg ti to vĩ mũ. Ũ ag tóg: “ũn há vỹ tỹ ti nĩ,” he mũ. Jãvo ũ ag tóg: “vó, ẽg mỹ tóg ón tĩ,” he mũ gé.

1 João 1:8

Ũ tóg kejẽn: “inh pijé Topẽ vĩ mranh tĩ',” he sór mũ. Ti ón vẽ. Hã ra tóg ti hã mỹ tỹ vẽnh vĩ ha mẽ tĩ, ti ón mũ ti.

1 João 2:8

Hã ra tóg tãg nĩ gé, sỹ ãjag mỹ rán mũ tag ti. Cristo vỹ ẽg mỹ tó mãn ja nĩ, ẽg tỹ jagnẽ to há nỹtĩ jé. Kỹ tóg ki króm ja nĩ. Kỹ ẽg tóg ti nón ki króm sór mũ gé. Ki hã tó ja ti nĩ. Kỹ tóg nén ũ tãg ri ke nĩ, Cristo tỹ Topẽ nón tó mãn kỹ. Ha vé, komẽr hã tóg kurãg tĩ. Kurã kãtĩg kỹ tóg ti kuty tỹ tũ' he tĩ, komẽr hã. Jesus tỹ ẽg mỹ: “jagnẽ to há nỹtĩm nĩ,” he to ken hã vẽ, hã vỹ: kurã, he mũ.

1 João 5:20

Topẽ kósin vỹ kãtĩg ja nĩgtĩ, ẽg tỹ ti ki kanhrãn jé. Tag ki kanhró ẽg tóg nỹtĩ. Jesus Cristo ki ge kỹ ẽg nỹtĩ. Kỹ ti hã vỹ tỹ ẽg jykre nĩ. Ti panh hã vỹ tỹ Topẽ pẽ nĩ. Ti hã vỹ ẽg tỹ ẽg rĩr krỹg ja tũ venh ke han tĩ.