João 1:4 - O Novo Testamento na língua Kaingáng

⁴ Ẽg tỹ ũ to: Topẽ vĩ, he mu ẽn vỹ rĩr nĩ, hã kỹ tóg ẽg rĩnrĩr han ke mũ gé. Jẽngrẽ ri ke ti nĩ. Ti tỹ ẽg kanhrãn to ken hã vẽ.

João 1:4 Iomraidhean Croise

Mateus 4:16

Tá ag tóg Topẽ ki kagtĩg nỹtĩ, hã kỹ tóg tá ag kri kuty ri ke nĩ. Ti tỹ tá jun kỹ tóg ag kri kurã ẽn ri ke nĩ. Ag kãgter ke vẽ vẽ, hã ra tóg ag kanhrãn mũ, ag krenkren jé,” he tóg, Topẽ vĩ rán ki.

Lucas 2:32

Kỹ tóg ẽg mỹ jẽngrẽ ri ke nĩ. Kỹ povo kar vỹ ti jẽngrẽ tag venh ke mũ, fóg ag kar, kanhgág ag kar ke gé. Ẽg povo tỹ Israel tỹ ã tóg ũn mág han huri,” he tóg, Simeão ti, Topẽ mỹ.

João 11:25

Hã ra Jesus tóg fi mỹ: “inh hã vỹ vẽnh kar rĩnrĩr mãn han tĩ,” he mũ. “Vẽnh kar rĩnrĩn mũ vỹ tỹ inh nĩ. Ũ tỹ inh ki rã mũ ẽn vỹ rĩr ke mũ, ti ter kỹ nỹ (hã) ra.

João 12:35

Kỹ tóg ag mỹ: “ver sóg ãjag mré nĩ nĩ, sỹ ãjag mỹ kurã han jé,” he mũ. “Kurã ki inh japry jagma mũm nĩ. Kãnhmar ti kuty nỹnh mũ. Ãjag tỹ kuty ra inh jamĩn jagma mũ sór kỹ ãjag tóg vãgfor mũnh ke mũ.

João 12:46

Sỹ ãjag mỹ kurã han hã jé sóg kãtĩg. Ãjag tỹ inh ki ge kỹ sóg ãjag mỹ kuty ẽn tỹ tũ' he mũ.

João 14:6

Kỹ Jesus tóg ag mỹ: “ti to ẽmĩn vỹ tỹ inh nĩ,” he mũ. “Vẽnh vĩ há hã tó sóg tĩ. Inh hã vỹ ãjag rĩnrĩr han ke mũ. Ũ tỹ hã ra inh ki rã tũ nĩn kỹ tóg inh panh venh ke tũ pẽ nĩ.

João 3:19

“Ti tỹ ũ tỹ inh ki ge tũ ag to jũ vỹ ge nĩ, ha mẽ. Ga kri mũ ag kanhrãn sóg tĩ, hã ki sóg ãjag mỹ jẽngrẽ ri ke nĩ. Hã ra ũ ag tóg mẽ sór tũ nĩgtĩ. Kuty mĩ ag tóg mũ sór mũ, jẽngrẽ tóg ag mỹ kórég nĩ, ag jykre pãno nỹtĩn kỹ.

João 5:21

Ẽg jóg mág tóg ũn kãgter mũ ag rĩnrĩn mãn tĩ. Ẽn ri ke han jé tóg ke mũ gé, ti kósin ti. Ti tỹ ũn rĩn mãn sór mũ ẽn rĩn mãn jé tóg ke mũ, ha vem nĩ.

João 5:26

Inh panh vỹ ti pir mỹ vẽnh kar rĩnrĩr han ki kanhró nĩ. Hã ra tóg inh mỹ ti jykre tag nĩm gé, sỹ vẽnh kar rĩnrĩr han mãn jé gé, isỹ tỹ ti kósin nĩn kỹ.

João 8:12

Kỹ Jesus tóg Topẽ ĩn krẽm nĩ kỹ vẽnh kar kanhrãn mãn mũ. “Jẽngrẽ ri ke inh nĩ,” he tóg. “Ãjag tỹ inh mré mũn kỹ ãjag tóg kuty mĩ mũ tũ nĩgtĩ. Jẽngrẽ mĩ ãjag tóg mũgtĩ, kurã mĩ. Ãjag tỹ vẽjykre tãg han ke to ken hã vẽ,” he tóg.

João 9:5

“Ver sóg ãjag mré tĩnh mũ, kỹ sóg ãjag mỹ jẽngrẽ ri ke nĩ ver,” he tóg.

Han Kãme 26:23

Cristo jagtar ke tó ja ag tóg nĩgtĩ, ti ter kar kỹ rĩr mãn vén ke ti, ẽg jo. Kỹ tóg ẽg povo mỹ jẽngrẽ ri ke nĩ sir, fóg kar ag mỹ ke gé, kanhgág kar ag mỹ ke gé,” he tóg.

1 Corinto 15:45

Hã kỹ tag tóg rán kỹ nĩ, ha mẽ: “ũn ve ti, Adão ti vỹ rĩr nĩ ja nĩgtĩ. Jãvo ũ tỹ ẽgno ti, Cristo ti vỹ ti kuprĩg tỹ nén kar rĩnrĩr han,” he ja tóg nĩgtĩ, Topẽ vĩ rá ki.

Éfeso 5:14

Kỹ tóg há nĩ, ẽg tỹ vẽjykre kórég to: kórég ti nĩ, hen kỹ. Kỹ ẽg tóg tovãnh sór ke mũ. Hã kỹ ẽg tóg: “Topẽ vĩ mranh sór mãn tũg nĩ. Nũgme ki kutẽ sór tũg nĩ. Kỹ Cristo vỹ ã mỹ jẽngrẽ han ke mũ,” he tĩ, ẽg jãn kỹ.

Colossos 3:4

Kejẽn tóg vẽnh ven ke mũ, Cristo ti, ẽg rĩnrĩr han mũ ti. Kỹ vẽnh kar tóg venh ke mũ, ẽg tỹ ti mré rĩnrĩr nỹtĩ ti, ẽg tỹ tỹ ũn mág nỹtĩ ti.

1 João 1:1

Topẽ tỹ ver nén kar han tũg ki tóg nĩ nĩ, Topẽ vĩ ti, hã vỹ: Jesus Cristo, he mũ. Topẽ tỹ Jesus mré nén ũ kar hynhan kỹ tóg rĩr nĩ, Topẽ vĩ ti. Sỹ ãjag mỹ Jesus Cristo tag kãmén ke vẽ. Mẽ inh, ti vĩ ti. Ti ve inh ke gé, inh kanẽ tỹ. Ti vóg inh, inh nĩgé tỹ.

1 João 1:2

Ẽg rĩnrĩn tĩ ẽn vỹ vẽnh ven, hã kỹ sóg ti vé. Ti hã tó sóg tĩ, hã kỹ sóg ãjag mỹ ti kãmén mũ. Ti tỹ nén kar han tũg ki tóg kã nĩ nĩ, ũ tỹ ti han ja tũ hã ra. Ẽn kã tóg ti panh mré nĩ ja nĩ sir. Hã ra tóg ẽg mỹ vẽnh ven.

1 João 5:11

Tag tó ti tĩ, Topẽ ti, ha mẽ. “Ãjag tỹ rĩr krỹg ja tũ venh ke ẽn han jé sóg ke mũ. Inh kósin ter ja to ãjag tóg rĩr krỹg ja tũ ẽn venh ke mũ,” he tóg.

Nén Venh Ke 22:1

Kỹ Topẽ tỹ jẽnẽ jafã tóg inh mỹ goj mág ven mũ. Goj ẽn vỹ ẽg rĩnrĩr han tĩ. Kómkóm ke ti tĩ, pó kupri fĩn ẽváj tỹ kómkóm ke ẽn ri ke. Goj ẽn nĩhỹg vỹ Topẽ nĩgja tá nĩ, cordeiro nĩgja ẽn tá.

Nén Venh Ke 22:16

Kỹ Jesus tóg: “isỹ jẽnẽ jafã jẽnẽ inh,” he mũ, “ti tỹ ãjag mỹ ãjag tỹ nén venh ke mũ kar tó jé, ũ tỹ inh vĩ jẽmẽ jé vẽnh mãn tĩ ag kar mỹ. Davi krẽ'krẽ ag kã ũ ẽn vỹ tỹ inh nĩ. Krĩg mág hã sóg nĩ,” he tóg.