João 1:16 - O Novo Testamento na língua Kaingáng

¹⁶ Ẽg to há tãvĩ tóg nĩ, hã kỹ tóg ẽg mỹ nén ũ há kar han, ẽg jagãgtãn kỹ. Ẽg jagãgtãn tag tovãnh ke tũ pẽ tóg nĩ.

João 1:16 Iomraidhean Croise

Mateus 13:12

Hã kỹ tóg ge nĩ. Ũ tỹ nén ũ to jykrén há han kỹ tóg ũ to jykrén mãn', ũ to jykrén mãn' he tĩ. Komẽr hã tóg to jykrén kãn ke mũ. Ũ tỹ nén ũ to jykrén tũ nĩn kỹ tóg ti mỹ tũ tĩ, ti tỹ to jykrén sĩ han mũ ra.

Mateus 3:11

Kỹ tóg vẽnh kar mỹ: “goj hã tỹ sóg ãjag kygpég tĩ, ãjag tỹ ãjag jykre pãno tovãnh kỹ,” he mũ. “Cristo tóg inh nón kãtĩg ke mũ. Kỹ ti hã tóg Topẽ kuprĩg tỹ ãjag jagrẽ han ke mũ. Kỹ tóg tỹ pĩ ve nĩ. Ti tỹ ãjag kygpenh ken hã vẽ. Inh kãfór ti nĩ, jãvo sóg tỹ ti krẽm ke pẽ nĩ,” he tóg.

Mateus 3:14

Hã ra tóg João mỹ e tĩ, kỹ tóg ti mỹ: “ã hã tỹ inh kypenh ke vẽ vẽ,” he mũ. “Inh mỹ tóg e tĩ, ã tỹ inh mỹ: ha inh kypé, hen kỹ,” he tóg mũ.

Lucas 21:15

Inh hã vỹ ãjag vĩ han ke mũ. Inh jykre nĩm jé sóg ke mũ ãjag mỹ, ãjag tỹ ag mỹ tó há han jé. Kỹ tóg ag tỹ ãjag vĩ kafãn sór mũ ra ag mỹ vẽnh mỹ tĩnh mũ, ãjag kato tẽ ag tỹ ne tónh ke tóg tũ tĩnh mũ, ha vem nĩ.

João 3:34

Topẽ tỹ ũn jẽnẽg mũ ẽn vỹ ti vĩ kãmén mũ. Topẽ kuprĩg vỹ Jesus tar han mũ, ti tỹ tỹ ti jagrẽ pẽ nĩn kỹ, ti tỹ ti ve mág han kỹ.

Roma 5:17

Ũn pir tỹ Topẽ vĩ mranh vén ja tugnĩn ẽg kar vỹ kãgter kãn ke mũ. Hã ra tóg ũn pir ũ tugrĩn ẽg jagãgtãn ke mũ ha, kỹ tóg ẽg mỹ vẽnh pãte fón mũ. Kỹ tóg ẽg kugrynh ke mũ. Ẽg mỹ presente ri ke han hã vẽ. Kỹ ẽg tóg rĩnrĩr mãn ke mũ gé. Kỹ ẽg tóg tá tỹ ũn mág nỹtĩnh mũ sir, ũn pir tugnĩn, hã vỹ: Jesus Cristo, he mũ.

Roma 5:2

Ti hã tugnĩn Topẽ tóg ẽg jagãgtãn tĩ. Tag tugrĩn ẽg tar nỹtĩ sir. Kỹ tóg ẽg mỹ sér tĩ gé. Topẽ vỹ ẽg tỹ ũn mág han ke mũ. Ti tỹ tỹ ũn mág nĩ ẽn ri ke. Kỹ tóg ẽg mỹ sér tĩnh mũ sir.

Roma 5:20

Kỹ Topẽ tóg Moisés tỹ ẽg jyvẽn ja nĩgtĩ. Hã kỹ tóg rán ja nĩ. Kỹ ẽg tóg ti vĩ mẽ kỹ ẽg tỹ Topẽ vĩ mranh e han ja ẽn ki kanhrãn mũ sir. Ẽg tỹ ti vĩ mranh e tãvĩ han mũ ra Topẽ tóg ẽg jagãgtãn kãfór han mũ gé sir,

Roma 8:9

Ag jãvo ãjag tóg Topẽ kuprĩg tỹ ãjag mỹ nén tó mũ ẽn hã han tĩ. Ẽg tỹ nén to én mũ ẽn han vãnh ãjag nỹtĩ, Topẽ kuprĩg tỹ tỹ ãjag jagrẽ nĩn kỹ. Ũ tỹ Cristo kuprĩg tỹ jagrẽ tũ nĩ ẽn pijé tỹ ti tũ nĩ'.

Éfeso 1:23

Jãvo ẽg tóg tỹ ti há ri ke nỹtĩ. Kỹ ẽg tóg tỹ ũn pir nỹtĩ, jagnẽ mré. Ẽg há vỹ ti pir mỹ tỹ nén ũ tũ nĩ. Ẽg krĩ mré tóg tỹ nén ũ pir nĩ. Ri ke ti nĩ, ẽg tỹ Jesus mré tỹ ũn pir nỹtĩ ti. Kỹ Cristo vỹ tỹ ẽg krĩ ri ke nĩ. Ti hã vỹ ẽg rĩnrĩr han tĩ, Jesus ti.

Éfeso 3:19

Cristo vỹ ẽg to há tãvĩ nĩ, tag to jykrén kãn ke tũ ẽg tóg nĩ gé. Kỹ sóg Topẽ mỹ: “ha ag mỹ tag kãmén,” he tĩ, ãjag tỹ ti hã tỹ krĩn kỹ nỹtĩ jé.

Colossos 1:19

Topẽ mỹ tóg sér tĩ, ti kósin tỹ ti ri ke pẽ nĩn kỹ, ti tỹ tỹ ti ve hã pẽ nĩn kỹ.

Colossos 2:3

Ẽg tỹ ti ki kanhrãn kỹ ẽg tóg Topẽ ki kanhró nỹtĩnh ke mũ gé. Ti pãte ẽg tóg vẽnh vĩ sér ũ ve mãn ke tũ nĩ. Ti hã tugrĩn ẽg tóg Topẽ ki kanhrãn kỹ nỹtĩ.

1 Pedro 1:2

Topẽ vỹ ãjag kuprẽg. Vãsỹ tóg to jykrén ja nĩ, ẽg jóg tỹ Topẽ ti. Ãjag mỹ tóg ti kuprĩg jẽnẽ, ãjag tỹ Jesus Cristo vĩ kri fi jé, ti tỹ ti kyvénh tỹ ãjag kygpe jé, ãjag tỹ ti ri ke há nỹtĩ jé. Topẽ jé ãjag tar han mãn', han mãn' hé, kỹ ãjag jé krĩ kãnhvy nỹtĩ.