João 1:13 - O Novo Testamento na língua Kaingáng

¹³ Ẽg tỹ ti ki ge kỹ nỹtĩ tugrĩn ẽg tóg tỹ ti krẽ nỹtĩ. Ẽg mur tugrĩn ẽg tóg ver tỹ ti krẽ tũ nỹtĩ. Ẽg panh tỹ ẽg mỹnh fi mré nỹ tugrĩn ẽg tóg mur mũ gé. Topẽ tỹ ẽg han mãn tugrĩn ẽg tóg tỹ ti krẽ nỹtĩ jãvo.

João 1:13 Iomraidhean Croise

Mateus 3:9

Hã ra ãjag tóg jagnẽ mỹ: “Abraão vỹ tỹ ẽg jógjóg ve nĩ. Kỹ Topẽ vỹ ẽg to jũnh ke tũ nĩ,” he tĩ. Ke tũ vẽ hã ra. Ãjag jykre kórég ẽn to ãjag tóg jagtar ke mũ, ha vem nĩ. Topẽ vỹ pó tag tỹ Abraão krẽ'krẽ hynhan ki kanhró nĩ, ti tỹ Abraão krẽ'krẽ ũ ve sór kỹ.

João 3:3

Kỹ Jesus tóg: “ũn mur mãn kỹ nỹtĩ ag hã vỹ Topẽ tỹ tỹ ẽg pã'i nĩ venh ke mũ. Ki hã sóg tó mũ mỹr,” he mũ.

1 Corinto 3:6

Topẽ vĩ krãn inh, ãjag kã ki. Kỹ Apolo vỹ ki gónh. Hã ra ũ tỹ ti mog han mũ vỹ tỹ Topẽ nĩ.

Filipos 2:13

Ti hã ne tóg ãjag krĩn há han tĩ', ti jykre tỹ ãjag mỹ sér tĩn jé, ãjag tỹ hã mĩ hã mũn jé.

Tito 3:5

Ẽg pijé vẽjykre kuryj han ja nĩgtĩ'. Hã ra tóg ge ra ẽg jagãgtãn ja nĩgtĩ, hã kỹ tóg ẽg kren han mũ sir. Ẽg han mãn ja tóg nĩ, ẽg kygpe kỹ nỹtĩn kỹ. Ti kuprĩg tỹ tóg ẽg han mãn, kỹ ẽg tãg nỹtĩ ha.

Tiago 1:18

Ti hã tóg ẽg han mãn', ẽg tỹ ti ki ge kỹ. Ẽg to tóg ti vĩ há jẽnẽ. Vẽnh vĩ há tag tỹ tóg ẽg han mãn mũ sir. Kỹ ẽg tóg tỹ, ti tỹ nén han mũ kar kri ke nỹtĩ, ẽg tỹ tỹ ti krẽ nỹtĩn kỹ.

1 Pedro 1:23

Topẽ vỹ ãjag han mãn, kỹ tóg ẽg mur mãn ri ke nĩ. Ti vĩ tỹ tóg ẽg han mãn ja nĩ. Rĩr ti nĩ. Tũ' henh ke tũ ti nĩ. Kỹ tóg tỹ ẽg panh pir nĩ, ũn ter ke tũ ẽn ti. Ẽg panh ter mũ ẽn ri ke tũ ti nĩ.

1 Pedro 1:3

Topẽ mỹ sóg vĩ há han tĩ, ẽg Senhor tỹ Jesus Cristo panh mỹ. Ẽg jagãgtãn tãvĩ han tóg tĩ. Jesus Cristo rĩn mãn tóg, ti ter kar kỹ, kỹ tóg Jesus tugrĩn ẽg mur mãn ri ke han tĩ gé. Kỹ tóg ẽg mỹ sér tĩ,

1 Pedro 2:2

Nẽnẽ vỹ leite kron (ka)mẽ nĩgtĩ. Topẽ vĩ vỹ ẽg mỹ gĩr sĩ pafa mũ ẽn ri ke nĩ. Kãnhmar vẽnh vĩ há ẽn mẽ mãn', mẽ mãn' hem nĩ. Kỹ ãjag tóg mog há han ke mũ, ãjag krenkren jé.

1 João 3:9

Ẽg tỹ tỹ Topẽ krẽ nỹtĩn kỹ ẽg tóg ti vĩ mranh mãn sór ke tũ nĩ ha, ẽg tỹ Topẽ kuprĩg tỹ jagrẽ nỹtĩn kỹ, ẽg tỹ tỹ ti krẽ nỹtĩn kỹ.

1 João 4:7

Ãjag to sóg há tãvĩ nĩ, ha mẽ. Jagnẽ to há nỹtĩm nĩ. Ẽg tỹ jagnẽ to há nỹtĩn kỹ ẽg tóg Topẽ jykre han tĩ. Ti hã vỹ ẽg to há nĩ vén. Ẽg tỹ jagnẽ to há nỹtĩn kỹ ẽg tóg tỹ Topẽ krẽ nỹtĩ, Jesus jãvy. Kỹ ẽg tóg Topẽ ki kanhró nỹtĩ gé.

1 João 5:1

Ẽg tỹ Jesus to: “Cristo vỹ tỹ ti nĩ, Topẽ kósin vỹ tỹ ti nĩ,” hen kỹ ẽg tóg tỹ ti jãvy nỹtĩ. Ẽg jóg mág to há nỹtĩn kỹ ẽg tóg ti krẽ ũ ag to há nỹtĩnh ke mũ gé, ũ tỹ ẽg mré ti ki ge kỹ nỹtĩ ag to.

1 João 5:18

Ẽg tỹ tỹ Topẽ krẽ nỹtĩn kỹ ẽg tóg ti vĩ mranh mãn sór ke tũ nĩ. Ẽg jy nĩgãn ti tĩ, Topẽ kósin ti, Satanás tỹ ẽg vóg tũ nĩ jé.

1 João 5:4

Jesus jãvy ag ne ũ tỹ ti ki ge tũ ag jykre fĩn rãm tĩ'. Ẽg hỹn hẽ ri kenh mũ, ẽg tỹ ti ki ge tũ ag jykre fĩn rãm jé? Topẽ ki rã jé ẽg tóg ke mũ. Ẽg tỹ ti ki rã kỹ ẽg tóg hur fĩn rãm.