João 1:12 - O Novo Testamento na língua Kaingáng

¹² Ũ ag tóg hã ra ti ki ge mũ. Ẽn ag to tóg: “Topẽ krẽ,” he mũ, ũ tỹ ti ki ge kỹ nỹtĩ tãvĩ ag hã to.

João 1:12 Iomraidhean Croise

Mateus 10:40

“Ũ tỹ ãjag mỹ: he, hen kỹ tóg inh mỹ: he, he mũ gé, kỹ tóg inh ki rã mũ sir. Ti tỹ inh ki rã kỹ tóg, ũ tỹ inh jẽnẽg mũ ẽn ki rã mũ gé sir, hã vỹ: Topẽ, he mũ.

Mateus 12:21

Ẽn kã ũ tỹ ti ki ge kỹ nỹtĩ ag hã vỹ krenkren ke mũ, fóg ag mré hã, kanhgág ag mré hã ke gé, he tóg, Topẽ ti,” he ja tóg nĩ, Isaías ti, Jesus to.

Mateus 18:5

Ãjag hã vỹ tỹ inh mré ke nỹtĩ. Ãjag tỹ isugrĩn gĩr tag to há nỹtĩn kỹ ãjag tóg, iso há nỹtĩ gé,” he tóg, Jesus ti.

João 1:11

Ti povo kar mĩ tóg tĩg ja nĩ, hã ra ti mré ke ag pijé ti ki ge sór ja nĩgtĩ'.

João 1:7

Ti mỹ tóg: “ag mỹ ũ tỹ ag mỹ jẽngrẽ han ke mũ ẽn kãmén“ he ja nĩ. Hã kỹ tóg ke mũ, ẽg kar tỹ ti vĩ mẽ kỹ kri fi jé.

João 11:52

Hã ra Judeu ag tãvĩ jagfy ke pijé'. Topẽ krẽ kar jagfy ke ja vẽ. Ti tỹ vẽnh kar tỹ ũn pir han sór ja vẽ, Jesus ti, hã jé tóg ẽg jagfy ter ja nĩ, ũ tỹ povo kar kã mĩ ti ki genh ke mũ ag kar jagfy.

João 2:23

Fénhta tỹ Páscoa ẽn kã ũ tỹ hẽn ri ke ag vỹ ti ki ge mũ, Jerusalém tá, ag tỹ ti tỹ nén han mũ ve kỹ.

João 20:31

Sỹ vẽnh rá tag han vẽ, ũ tỹ vég mũ kar ẽn tỹ Jesus ki ge sór jé, ti to: “Cristo vỹ tỹ ti nĩ, Topẽ kósin vỹ tỹ ti nĩ,” he jé. Kỹ ag tóg ti ki ge kỹ rĩr krỹg ja tũ ẽn venh ke mũ, ti tugrĩn, fag mré hã, mỹr, ha mẽ.

João 3:18

“Ũ tỹ inh ki rã mũ to tóg jũnh ke tũ nĩ. Jãvo tóg ũ tỹ inh ki ge tũ ẽn ag hã to jũnh ke mũ, isỹ tỹ ti kósin pir nĩn kỹ“, he tóg.

Han Kãme 3:16

“Kỹ ẽg tóg Jesus ki ge mũ. Hã kỹ Jesus tóg ũn kãnhgrĩ ja tag tỹ tar' he mũ, ãjag tỹ ũn vég mũ tag ti. Jesus vỹ ti tỹ ti ki rã han. Hã kỹ tóg ti tỹ Jesus ki rã kỹ há' he mũ sir, ãjag rĩnve,” he tóg.

Roma 8:14

Ẽg tỹ Topẽ kuprĩg tỹ ẽg mỹ nén tó tĩ ẽn han kỹ ẽg tóg tỹ Topẽ krẽ nỹtĩ. Jesus jãvy vỹ tỹ ẽg nỹtĩ mỹr, ti ve fag ke gé, ha mẽ.

Roma 8:16

Topẽ kuprĩg hã ne ẽg mỹ tó tĩ', ẽg tỹ tỹ Topẽ krẽ nỹtĩ ti, Jesus jãvy, ti ve. Hã kỹ ẽg ki kanhró nỹtĩ.

Roma 8:19

Topẽ vỹ ti krẽ tỹ ũn mág han ke mũ. Kỹ Topẽ tỹ ũn han mũ kar ag tóg tag hã ve sór mũ gé, misu kar, ka kar, ẽkré kar ke gé, nén kar ti.

Galácia 3:26

Topẽ krẽ vỹ tỹ ẽg nỹtĩ ha, ẽg tỹ Jesus Cristo ki ge kỹ nỹtĩn kỹ.

Galácia 4:6

Kỹ ẽg tóg tỹ ti krẽ nỹtĩ sir. Hã kỹ tóg ẽg mỹ ti kuprĩg jẽnẽg mũ sir, ti tỹ tỹ ẽg jagrẽ nĩ jé. Ti kósin kuprĩg ri ke ti nĩ, Topẽ kuprĩg ti. Ẽg jagrẽ tag tỹ ẽg tóg sir Topẽ to: “ẽg jóg mág,” he tĩ.

Colossos 2:6

Ha vé, Jesus Cristo ki ge kỹ ãjag nỹtĩ, ẽg Senhor ki. Kỹ ti jykre hã han nĩ.

2 Pedro 1:4

Kỹ Topẽ tóg ẽg mỹ nén ũ há kãfór tó kỹ: “ẽprã ke kar vỹ nũgme ki vár ke mũ, ag tỹ nén to én mũ ẽn han tugrĩn,” he ja nĩ. Ag jãvo ẽg tóg krenkren ke mũ, kỹ ẽg tóg Topẽ ri ke nỹtĩnh ke mũ, mỹr, ha mẽ.

1 João 3:1

Ha vé, ẽg jóg mág tóg ẽg to há tãvĩ nĩ, hã kỹ tóg ẽg to: “inh krẽ,” he mũ sir. Ti krẽ vỹ tỹ ẽg nỹtĩ, Jesus jãvy ag, ti ve fag. Hã kỹ ẽprã ke ũ ag vỹ ẽg jykre ki kagtĩg nỹtĩ. Ag pijé Topẽ ki kanhró nỹtĩ'. Hã kỹ ag tóg ẽg jykre ki kagtĩg nỹtĩ gé, ẽg tỹ tỹ ti krẽ nỹtĩn kỹ.

1 João 3:10

Ẽg tỹ ag jykre tugnỹm kỹ ẽg tóg ũ tỹ tỹ Topẽ krẽ mré Japo krẽ ki kanhró nỹtĩ. Ũ tỹ vẽjykre kuryj han jãvãnh ẽn pijé tỹ Topẽ krẽ nỹtĩ'. Ũ tỹ ti régre to há tũ nĩ ẽn pijé tỹ Topẽ krẽ nỹtĩ gé'.

1 João 3:2

Ãjag to inh há tãvĩ nĩ. Ũri ẽg tóg tỹ Topẽ krẽ nỹtĩ. Kãnhmar ẽg tóg ti mré nỹtĩnh mũnh mũ. Kỹ ẽg hỹn hẽ ri ke nỹtĩnh mũ, kanhkã tá? Ha'. Kar kỹ ẽg venh ke mũ, ti kãtĩg kar kỹ. Ẽn kã ẽg tóg tỹ ti hã nỹtĩnh mũ, ẽg tỹ ẽg kanẽ tỹ ti ve kỹ. Ti ve jé ẽg tóg ke mũ, kurã ẽn kã.

1 João 3:23

Ti tỹ ẽg mỹ nén tó mũn hã vẽ, ha mẽ: “inh kósin tỹ Jesus Cristo ki gem nĩ, kỹ jagnẽ to há nỹtĩm nĩ,” he ja ti nĩ, ẽg mỹ. Ẽg tỹ tag han hã ve sór tóg mũ.