João 1:10 - O Novo Testamento na língua Kaingáng

¹⁰ Ga han tóg. Kỹ tóg ẽg mré kri tĩnh kãtĩg gé. Hã ra ẽprã ke ag tóg ti ki kanhrãn ja tũ nĩ.

João 1:10 Iomraidhean Croise

Mateus 11:27

Kỹ tóg ag mỹ: “inh jóg tóg, inh mỹ tovãnh kãn, ti tỹ nén han mũ kar ẽn ti,” he mũ. “Kỹ ũ pijé ti kósin ki kanhró nĩ'. Inh jóg hã ne inh ki kanhró nĩ'. Kỹ ũ pijé inh jóg ki kanhró nĩ gé'. Inh hã ne ti ki kanhró nĩ', isỹ tỹ ti kósin nĩn kỹ. Hã ra sóg ãjag mỹ ti kãmén jé kãtĩ mũ, sỹ ũn kuprẽg mũ ag mỹ, fag mỹ ke gé“ he tóg.

João 1:11

Ti povo kar mĩ tóg tĩg ja nĩ, hã ra ti mré ke ag pijé ti ki ge sór ja nĩgtĩ'.

João 1:18

Ẽg pijé Topẽ vég tĩ'. Kỹ ẽg kã mĩ ke ũ vỹ ti ve ja tũ nĩ gé. Ti kósin pir hã vỹ ẽg mỹ ti kãmén tĩ. Ti hã vỹ ti jóg mré nĩ nĩ, Topẽ mré.

João 1:3

Ti vĩ hã tỹ tóg nén ũ kar hynhan, Topẽ ti. Ti pir mỹ tóg nén ũ han tũ nĩ, ti hã mré tóg hynhan kãn.

João 1:5

Ẽg mỹ tóg jẽngrẽ han tĩ. Ẽg ki kuty ẽn tỹ tóg tũ' he tĩ. Kỹ Nén-Kórég vỹ ti tỹ tũ' he sór ja nĩ, hã ra tóg ti tỹ hẽ ri ke ja tũ nĩ.

João 17:25

Panh', jykre kuryj ã tóg nĩ. Ũ tỹ inh ki ge tũ ag vỹ ã ki kagtĩg nỹtĩ, fag jãvo sóg ã ki kanhró nĩ. Kỹ tag ki inh mré nỹtĩ ag vỹ ki kanhró nỹtĩ gé, ã tỹ nén to inh jẽnẽg mũ ti.

João 5:17

Hã ra tóg pã'i ag mỹ: “inh panh vỹ rãnhrãj nĩ nĩ, ẽg jóg mág ti. Kỹ sóg ver ti kóm isũ han ke mũ gé,” he mũ.

Han Kãme 14:17

Ge ra tóg ag ki rĩr há han mũ, Topẽ ti, ag tỹ tag to vãhã ti ki kanhrãn jé. Hã jé tóg ta jẽnẽ, kỹ ãjag jakré tóg mogmog mũ. Kỹ ãjag tóg konh ke mũ. Kỹ ãjag fe tóg há' he mũ sir. Ãjag mỹ tóg sér tĩ sir, ti tỹ ãjag mỹ vẽjẽn han kỹ, Topẽ ti,” he ag tóg, Paulo ag.

1 Corinto 1:21

Topẽ tỹ nén to jykrén mũ vỹ ge nĩ, ha mẽ. Ẽg tỹ vẽsóg ki Topẽ to jykrén sór mũ ra ẽg tóg ti ki kanhrãn ja tũ nĩgtĩ, ẽg tỹ ga kri mũn kỹ. Hã kỹ Topẽ tóg ẽg tỹ ti vĩ mẽ kỹ kri fi kỹ ẽg kren han mũ. Hã kỹ Topẽ tóg ag mỹ krĩ tũ nĩ ve nĩ, ũ tỹ ki kagtĩg ag mỹ.

1 Corinto 2:8

Ũri ũn mág ag pijé ki kanhró nỹtĩ', Topẽ jykre tag ki'. Ag tỹ ki kanhró nỹtĩ ra ag pijé Jesus tỹ ka to ti sanh mũ vẽ', ẽg Senhor tỹ, ũ tỹ vẽnh kar kãfór nĩ tag tỹ. Hã ra ag tóg ti ki kagtĩg nỹtĩn kỹ krunh to ti sa ja nĩgtĩ.

1 Corinto 8:6

Hã ra tóg ẽg mỹ pir nĩ, ẽg jóg mág ti, ag jãvo. Nén kar han ja ti nĩgtĩ, vẽnh mỹ, kỹ ẽg tóg ti hã ve sór mũ gé sir. Pir ti nĩ gé, ẽg Senhor ti, hã vỹ: Jesus Cristo, he mũ. Nén ũ kar vỹ ti tugrĩn nỹtĩ. Kỹ ẽg ti tugnĩn krenkren ke mũ gé.

Colossos 1:16

Ti kósin tugrĩn tóg nén ũ kar hynhan ja nĩgtĩ gé. Kanhkã tá ke ẽn hynhan kãn ja ti nĩgtĩ, ga kri ke kar ke gé, ẽg tỹ nén vég tĩ kar, ẽg tỹ nén ve vãnh kar ke gé. Pã'i kar hynhan ja ti nĩgtĩ gé, ũn tar ag, ũn mág ag, ũn kãsir ag mré hã. Kỹ tóg ti hã mỹ hynhan kãn ja nĩ, nén ũ kar ti.

Hebreu 11:3

Ẽg tỹ Topẽ ki ge kỹ ẽg tóg ki kanhró nỹtĩ, ti tỹ ti vĩ tỹ ẽg tỹ nén vég mũ kar hynhan ja ti. Ti vĩ vég tũ ẽg tóg nĩgtĩ. Hã ra tóg ẽg tỹ nén vég tũ tỹ ẽg tỹ vég mũ hynhan ja nĩgtĩ, Topẽ ti. Ti vĩ tỹ tóg nén kar hynhan ja nĩgtĩ.

1 João 3:1

Ha vé, ẽg jóg mág tóg ẽg to há tãvĩ nĩ, hã kỹ tóg ẽg to: “inh krẽ,” he mũ sir. Ti krẽ vỹ tỹ ẽg nỹtĩ, Jesus jãvy ag, ti ve fag. Hã kỹ ẽprã ke ũ ag vỹ ẽg jykre ki kagtĩg nỹtĩ. Ag pijé Topẽ ki kanhró nỹtĩ'. Hã kỹ ag tóg ẽg jykre ki kagtĩg nỹtĩ gé, ẽg tỹ tỹ ti krẽ nỹtĩn kỹ.