Éfeso 4:3 - O Novo Testamento na língua Kaingáng

³ Topẽ kuprĩg vỹ tỹ ũn pir nĩ, kỹ tóg ẽg mỹ vẽjykre pir nĩm tĩ. Vãsãn nĩ, ãjag tỹ vẽjykre pir ẽn hã han jé, ãjag tỹ krĩ kuprã nỹtĩn jé.

Éfeso 4:3 Iomraidhean Croise

Marcos 3:24

“Pã'i pir krẽm ke ag tỹ jagnẽ kato tẽgtẽn kỹ ag tóg jagnẽ kãgtén kãn ke mũ.

João 13:34

Kỹ sóg ãjag mỹ vẽjykre tãg nĩm sór mũ, hã vỹ: jagnẽ to há, he mũ. Ãjag to há tãvĩ sóg nĩ gé. Tag ri ke han nĩ, jagnẽ mỹ. Vẽjykre tãg hã vẽ.

1 Corinto 1:10

Inh kanhkã', vẽnh vĩ pir han nĩ. Ẽg Senhor tỹ Jesus Cristo jiji ki sóg ãjag mỹ: vẽnh kãpãm sór tũg nĩ. Vẽjykre pir han nĩ, he mũ.

2 Corinto 13:11

Inh kanhkã', sỹ ãjag mỹ rán kãn hã vẽ. Hã ra sóg ver tag tó sór mũ, ha mẽ: vẽnh ki ẽmẽm nĩ, ãjag tỹ kygnẽg tũ nĩ jé. Inh vĩ jẽmẽm nĩ. Vẽjykre pir han nĩ. Krĩ kuprã nỹtĩm nĩ. Topẽ ne ẽg to há nĩ'. Ti ne ẽg krĩ kuprãg tĩ'. Ti ne ãjag ki rĩr mũ', ãjag tỹ ti jykre há han kỹ.

Éfeso 4:13

Ti tỹ ẽg kar tỹ vẽjykre pir han mũ ve sór vẽ, ẽg tỹ ti ki ge kỹ nỹtĩn kỹ. Kỹ ẽg kar vỹ ẽg rãnhrãj to tar nỹtĩ sir. Kỹ ẽg Cristo tỹ ẽprã ke jykre kãfór nĩ ẽn ri ke nỹtĩ sir. Komẽr hã ẽg tóg ti tỹ nén han mũ mré ti tỹ nén to jykrén mũ ki kanhrãn kãn ke mũ gé sir. Kỹ ẽg tóg ũn sanh há kanhró ri ke nỹtĩ sir.

Éfeso 4:4

Topẽ kuprĩg pir ẽn vỹ tỹ ẽg kar jagrẽ nĩ. Kỹ ẽg kar vỹ tỹ Cristo há ri ke nỹtĩ. Jãvo tóg tỹ ẽg krĩ ri ke nĩ. Ẽg kar mỹ ti nén ũ há han ke mũ, jagnẽ ri ke, ti tỹ ẽg kuprẽg kỹ.

1 Tessalônica 5:13

Ẽn ag kamẽg nĩ. Ag mỹ vĩ há han nĩ. Ag to há tãvĩ nỹtĩm nĩ, ag tỹ ãjag ki rĩr kỹ. Jagnẽ krĩ rỹg tũg nĩ.

Hebreu 12:14

Vẽnh kar mré vẽjykre kuryj han sórm nĩ. Kỹ Topẽ vĩ han kỹ kygnẽ sór tũg nĩ. Ẽg tỹ tag to vãsãn tũ nĩn kỹ ẽg pijé ẽg jóg mág venh ke mũ'.