Éfeso 4:2 - O Novo Testamento na língua Kaingáng

² Ã régre to: “ti kãfór vỹ tỹ inh nĩ,” he sór tũg nĩ. Jagnẽ mỹ komẽr hã vĩm nĩ. Jagnẽ to fe nỹtĩm nĩ. Jagnẽ to há nỹtĩm nĩ. Jagnẽ ajudar hem nĩ.

Éfeso 4:2 Iomraidhean Croise

Mateus 11:29

“Inh mré kãmũ jẽg. Ãjag kanhrãn jé sóg ke mũ. Komẽr hã sóg vĩ tĩ. Inh pijé vẽsỹ ũn mág han tĩ'. Vĩ tar han vãnh sóg nĩ. Ãjag tỹ iso kãmũ kỹ ãjag krĩ vỹ há' henh mũ, ha vem nĩ.

Marcos 9:19

Kỹ Jesus tóg: “ãjag ne tóg inh ki ge há han tũ nĩgtĩ',” he mũ. “Topẽ tóg ãjag mỹ krój nĩ ve nĩ, ãjag kar mỹ. Inh mỹ tóg e tĩ, sỹ to krónh kenh ha mẽ tóg tĩ. Inh mỹ ti pére kãmũjẽg,” he tóg.

Han Kãme 20:19

“Ẽg Senhor tỹ Jesus tỹ inh mỹ nén nĩm ja han isóg tĩ. Vẽsỹ ũn mág han tũ sóg nĩ. Kejẽn sóg fỹ tĩ gé, sỹ vẽjykre pãno ven kỹ. Judeu ag tóg iso jũgjũ tĩ gé, kỹ sóg vẽsỹrénh tĩ gé,” he tóg.

Roma 15:1

Ha vé, tar ẽg nỹtĩ. Hã kỹ tóg ẽg tỹ ũn krój nỹtĩ ag to fen nỹtĩnh há tĩ. “Ẽn tóg inh mỹ há nĩ, hã kỹ sóg han sór mũ,” henh ke tũ ẽg tóg nĩ.

1 Corinto 13:7

Ẽg tỹ nén ũ jagy vég mũ ra ẽg pijé to vĩnh ke mũ'. Nén ũ kar to ẽg tóg: “Topẽ vỹ tag han há nĩ,” henh ke mũ. Ti hã ki ẽg tóg nén ũ kar ve sór ke mũ. Vẽnh kar to ẽg fe mág nỹtĩnh mũ, ẽg tỹ vẽnh kar to há nỹtĩn kỹ.

Galácia 6:2

Jagnẽ jagãgtãn nĩ, ãjag mré ke ũ tỹ jagtar nĩn kỹ. Cristo tỹ ẽg jyvẽn mũn hã vẽ.

Éfeso 1:4

Ti tỹ nén ũ kar han ke to hã tóg ẽg kuprẽg, ẽg tỹ tỹ ti tũ nỹtĩ jé, Cristo tugrĩn. Ẽg tỹ ti ri ke nỹtĩ jé tóg ẽg kuprẽg, ẽg tỹ kygnẽg tũ nĩ jé. Ti fe vỹ tỹ ẽg nỹtĩ.

Colossos 1:11

Kỹ ãjag tóg tỹ ũn tar nỹtĩnh mũ gé sir. Ti hã ne ãjag tar han tĩ', ti tar nĩn kỹ. Kỹ ãjag tóg ti to krónh ke tũ nĩgtĩ. Vẽnh kar to ãjag fe nỹtĩnh mũ.

1 Timóteo 6:11

Ag jãvo ã hã vỹ tỹ Topẽ tũ nĩ. Kỹ vẽjykre kórég tag tovãnh kãn. Ã tỹ nén han ken hã vẽ, hã vỹ: vẽjykre kuryj, he mũ, Topẽ kamẽg mũ, ti ki rã kỹ tĩ, vẽnh kar to há nĩ, he mũ, komẽr hã vĩ, he mũ gé.

2 Timóteo 2:25

Ũ tóg ti vĩ kafãn sór mũ. Ẽn mỹ ã tóg vĩ há han ke mũ. Komẽr hã ã tóg ag mỹ Topẽ vĩ tónh ke mũ, Topẽ tỹ ag jagãgtãn jé, ag tỹ ag jykre pãno tovãnh kỹ vẽnh vĩ há hã nón mũ jé.

Tiago 1:21

Hã kỹ nén tỹ ẽg kavénh tĩ ẽn tovãnh kãn nĩ, vẽjykre pãno mré hã. Ẽg kókég tóg tĩ, ẽg fãn tóg tĩ, vẽjykre pãno ti. Jatun mỹ Topẽ vĩ mẽm nĩ. Topẽ hã ne ti vĩ tỹ ẽg kanhrãn'. Ẽg tỹ kri fi kỹ ẽg tóg krenkren ke mũ.

1 Pedro 3:15

“Cristo vỹ tỹ inh pã'i nĩ, kỹ sóg ti hã kamẽg tĩ,” hem nĩ. Tag hã mĩ ẽkrén nĩ. Kejẽn ũ tóg ãjag mỹ: “ne to ke nẽ, hã vỹ: Cristo ki rã, he mũ?“ he tĩ. Ẽn mỹ kãmén kãn nĩ.

1 Pedro 3:8

Vãhã sóg ãjag mỹ: “jagnẽ mré vẽjykre pir han nĩ,” he mũ. “Ũ fỹ kỹ ti mré fỹm nĩ. Ũ mỹ sér tĩn kỹ ti mré mỹ sér nĩm nĩ. Jagnẽ to há tãvĩ nỹtĩm nĩ. Jagnẽ mré komẽr hã vĩm nĩ. Jagnẽ kãfór han sór tũg nĩ.