Éfeso 4:1 - O Novo Testamento na língua Kaingáng

¹ Kỹ sóg ãjag jyvẽn sór mũ ha. Se kỹ inh jẽ nĩ, ẽg Senhor tugrĩn. Mũ há han sórm nĩ. Topẽ vỹ ãjag kuprẽg, kỹ ãjag tỹ vẽjykre há han ke hã to vãsãn nĩ.

Éfeso 4:1 Iomraidhean Croise

Han Kãme 9:31

Jãvo Jesus ki ge kỹ nỹtĩ ag kar vỹ jatun mỹ nỹtĩ nĩ sir, ga tỹ Judéia tá, ga tỹ Galiléia tá ke gé, ga tỹ Samaria tá ke gé. Kỹ ag tóg jatun mỹ vẽnh kanhrãn mũ, Topẽ jykre tỹ. Topẽ vĩ ki ag tóg króm mũ. Topẽ kuprĩg vỹ ag krĩn mũ. Kỹ ag krĩ vỹ kãnhvy' he mũ. Kỹ ũn e ag tóg Jesus ki ge mũ gé sir, fag mré hã.

Roma 11:29

Topẽ tỹ ũ to há nĩn kỹ tóg ti to há nĩ. Ti tỹ ũ kuprẽg kỹ tóg kuprẽg kỹ jẽ gé. Tỹ tũ' henh ke tũ tóg nĩ, Topẽ ti.

Roma 12:1

Inh kanhkã', Topẽ vỹ ãjag jagãgtãn. Hã kỹ sóg ãjag mỹ: “ti mỹ vẽnh fẽg,” he mũ. Kỹ tóg ẽg tỹ ti mỹ nén ũ pũn ri ke nĩ, ẽg tỹ ti mỹ vẽnh fẽg kỹ. Judeu ag vỹ ag mẽg tãnh kỹ pũn tĩ. Ag jãvo ẽg tóg ẽg rĩnrĩr nỹtĩn kỹ ti mỹ vẽnh fẽg tĩ. Gen kỹ ãjag tóg Topẽ jykre han ke mũ.

1 Corinto 4:16

Hã kỹ sóg ãjag jyvẽn mũ, ãjag tỹ sỹ nén han mũ han jé.

2 Corinto 10:1

Ha vé, ãjag jyvẽn sór inh mũ, inh, hã vỹ: Paulo, he mũ. Sỹ ãjag mré nĩn kỹ sóg nẽji komẽr hã vĩ tĩ. Kỹ, isỹ kór há tá nĩn kỹ isóg nẽji vĩ jũ han tĩ, ãjag mỹ. Cristo ne komẽr hã vĩ tĩ'. Ũn há vẽ, Cristo ti. Ti jykre hã han sór inh nĩgtĩ.

2 Corinto 5:20

Cristo hã ne inh jẽnẽg mũ', isỹ ti jiji tó jé. Kỹ Topẽ tóg vẽnh kar jyvẽn tĩ. Hã kỹ sóg, Cristo jiji tó kỹ ãjag mỹ: “Topẽ to há nỹtĩm nĩ, ti kato vãsãn mãn sór tũg nĩ,” he mũ.

2 Corinto 6:1

Topẽ mré sóg rãnhrãj tĩgtĩ. Hã kỹ sóg ãjag jyvẽn mũ, ãjag tỹ Topẽ vĩ ki króm jé. Ãjag tỹ ti vĩ ki króm tũ nĩn kỹ tóg fagrĩnh mỹ ãjag jagãgtãn mũ.

Galácia 4:12

Inh kanhkã, inh ri ke nỹtĩ sórm nĩ. Ãjag mré ke vỹ tỹ inh nĩ, kỹ inh ri ke han sórm nĩ. Tag hã to sóg vĩ mũ, ãjag mỹ. Ãjag pijé inh jũ han'.

Éfeso 2:10

Ti hã ne ẽg han mãn ja nĩgtĩ'. Jesus Cristo tỹ tóg ẽg han ja nĩgtĩ, ẽg tỹ vẽjykre há han jé. Topẽ vỹ ẽg mỹ vẽjykre há tag nĩm kãn, ẽg tỹ hã jagma mũ jé.

Éfeso 3:1

Hã kỹ sóg Topẽ mré vĩ tĩ, inh, hã vỹ: Paulo, he mũ. Se kỹ inh jẽ, Jesus Cristo tugrĩn. Isỹ ãjag to há nĩn kỹ sóg se kỹ jẽ, isỹ ũ tỹ Judeu jykre han tũ kar ag to há nĩn kỹ.

Éfeso 4:17

Kỹ sóg ãjag jyvẽn sór mũ, ẽg Senhor tỹ inh mỹ: “ha ag jyvẽn,” hen kỹ. Hã kỹ sóg: “ũ tỹ Topẽ ki kagtĩg ag jykre han sór tũg nĩ,” he mũ. Kórég ti nỹ mỹr, ag jykre ti. Ag tỹ vẽsóg ki nén to jykrén mũ ẽn hã han ag tóg tĩ.

Éfeso 4:4

Topẽ kuprĩg pir ẽn vỹ tỹ ẽg kar jagrẽ nĩ. Kỹ ẽg kar vỹ tỹ Cristo há ri ke nỹtĩ. Jãvo tóg tỹ ẽg krĩ ri ke nĩ. Ẽg kar mỹ ti nén ũ há han ke mũ, jagnẽ ri ke, ti tỹ ẽg kuprẽg kỹ.

Éfeso 5:2

Jagnẽ to há kar nỹtĩm nĩ, Cristo tỹ ẽg to há nĩ ri ke. Ẽg jagfy tóg vẽnh fẽg. Ẽg tỹ Topẽ mỹ nén ũ pũn ri ke ti nĩ, ti tỹ ẽg jagfy vẽnh fẽg mũ ẽn ti. Kỹ tóg Topẽ mỹ há tĩ sir.

Filipos 1:27

Ha vé, Cristo jykre hã han nĩ. Tag hã to vãsãnsãn nĩ. Hẽn ri ke mũn sóg ãjag venh kãtĩg ke mũ. Hẽn ri ke mũn sóg ãjag venh kãtĩg ke tũ nĩ. Inh kãtĩ tũ ra jagnẽ mré vẽjykre pir han kỹ nỹtĩm nĩ. Jesus kãme hã tóm nĩ. Ti ki ge kỹ nỹtĩm nĩ. Sỹ tag mẽnh há tóg tĩ, ãjag to.

Filipos 3:14

Ag tỹ jagnẽ mré pétẽ ri ke han sóg tĩ mỹr. Jagnẽ mré ag tóg pétẽ tĩ, ũ tóg gỹjỹ he sór tĩ. Ẽn ri ke han sóg tĩ. Inh gỹjỹ vỹ tỹ isỹ rĩr krỹg ja tũ venh ke ti nĩ. Hã jé Topẽ tóg ẽg kuprẽg, Jesus Cristo tugrĩn.

Colossos 1:10

Kỹ ãjag tóg ẽg mré ẽg Senhor jykre ki króm ke ki kanhró nỹtĩnh mũ gé, ãjag jykre tỹ ti mỹ há nỹn jé. Ẽg tỹ vẽjykre há han kỹ ẽg tóg ti mỹ ẽkré kanẽ há ẽn ri ke han tĩ. Ãjag tỹ tag han kỹ tóg há tĩ. Kỹ ãjag tóg Topẽ ki kanhrãn há han ke mũ gé sir.

Colossos 2:6

Ha vé, Jesus Cristo ki ge kỹ ãjag nỹtĩ, ẽg Senhor ki. Kỹ ti jykre hã han nĩ.

Colossos 4:12

Epafras vỹ ãjag mĩ ẽkrég tĩ gé, ãjag mré ke tag ti. Jesus Cristo rãnhrãj han kỹ tóg jẽ nĩ. Ãjag to tóg Topẽ mré vẽmén tĩ. To krónh ke tũ ti nĩgtĩ, ãjag tỹ kygnẽg tũ nĩn jé, ãjag tỹ Topẽ tỹ ẽg ki nén ve sór mũ ẽn hã han sór jé, ãjag tỹ tag hã to tar nỹtĩ jé.

1 Tessalônica 2:12

Hã kỹ sóg ãjag fe tar han. Ãjag jyvẽn ja sóg nĩgtĩ, kỹ sóg ãjag jyvẽn tar han ja nĩgtĩ gé kejẽn, ãjag tỹ Topẽ jykre ki króm jé. Ti hã ne ãjag kuprẽg', ãjag tỹ ti tỹ tỹ ẽg pã'i nĩ ve jé, ãjag tỹ ti jykre mág ve jé, ti jykre tỹ ẽg kãfór nĩ ẽn ti.

2 Tessalônica 1:11

Hã jé sóg ãjag to Topẽ mré vĩ tĩ, kurã kar ki. Ti mỹ sóg: “ag tar han nĩ,” he tĩ. “Ã jykre han sór ag tóg mũ. Kỹ ag tar han nĩ, ag tỹ kygnẽg tũ nĩ jé. Ag kuprẽg ã tóg, ag tỹ kurã ẽn ve jé,” he sóg tĩ mỹr, Topẽ mỹ.

2 Timóteo 1:9

Ti hã ne ẽg kren han'. Ti hã ne ẽg kuprẽg', ẽg tỹ tỹ ti tũ nỹtĩ jé. Ẽg tỹ vẽsóg ki to vãsãn pijé'. Ti hã ne to jykrén'. Kỹ tóg ẽg jagãgtãn kỹ ẽg kuprẽg, Jesus Cristo tugrĩn. Nén kar han ke to hã tóg tag to jykrén ja nĩgtĩ.

Tito 2:10

Ti tũ péju tũg nĩ. Ti tũ ki rĩr há han nĩ, ti tỹ ã to vĩ kónãn tũ nĩ jé. Ã tỹ ti tũ ki rĩr há han kỹ tóg Topẽ vĩ to vĩ há han ke mũ, ã patrão ti, ti tỹ Topẽ vĩ mẽ kỹ,” hem nĩ, ũ mỹ rãnhrãj tĩ ag mỹ.

Hebreu 13:21

Topẽ hã mỹ sóg to vĩ tĩ, ti tỹ ãjag tar han jé, ãjag tỹ nén ũ tỹ ti mỹ há nĩ ẽn hã han jé. Ti hã vỹ Jesus Cristo mỹ: “ag tar han nĩ,” he ja nĩ. Kỹ tóg tũ' henh ke tũ nĩ, ẽg tỹ ti mỹ vĩ há han ke ti. Hã vẽ.

Hebreu 3:1

Inh kanhkã', Topẽ tũ vỹ tỹ ãjag nỹtĩ. Kỹ tóg ãjag kuprẽg, ãjag tỹ kanhkã tá ve jé. Hã kỹ Jesus mĩ ẽkrén nĩ. Topẽ vỹ ti fẽg. Kỹ tóg ẽg mỹ tỹ Topẽ tũ to pã'i mág ẽn ri ke nĩ, ẽg tỹ ti ki rã kỹ.

1 Pedro 2:11

Inh kanhkã', tag ki ẽg tóg ẽg mré ke tũ ag jamã mĩ mũgtĩ. Ẽg jamã pijé', ga tag ti'. Hã kỹ sóg ãjag jyvẽn mũ. Ãjag tỹ nén to én mũ ẽn han sór tũg nĩ. Ãjag kókén jé tóg ke mũ. Kỹ ãjag tóg ẽg Senhor tovãnh sór ke mũ, ha vem nĩ.

1 Pedro 3:9

Ũ tỹ ãjag mỹ nén ũ kórég han mũ ra ti mỹ nén ũ kórég han tũg nĩ. Ũ tỹ ãjag mỹ vĩ kónãn mũ ra ti mỹ vĩ kónãn tũg nĩ gé. Vẽnh kajãm sór tũg nĩ. Vẽnh kar to Topẽ mỹ: “ag ve há han nĩ,” hem nĩ. Topẽ vỹ ãjag ve há han sór mũ, hã jé tóg ãjag kuprẽg.

1 Pedro 5:10

Kurã pipir ki ãjag tóg jagtar tĩ. Kar kỹ Topẽ vỹ ãjag tỹ ũn há tãvĩ han ke mũ, ãjag tỹ kygnẽ mãn tũ nĩ jé. Ti hã vỹ ẽg tar han tĩ, ẽg tỹ ti to krónh ke tũ nĩ jé. Ẽg kuprẽg tóg mỹr, ẽg tỹ Cristo tugrĩn kanhkã ve jé, ẽmã sĩnvĩ pẽ ẽn ti, ũ tũg vãnh ẽn ti.

2 Pedro 1:3

Topẽ ki kanhró ẽg tóg nỹtĩ. Ẽg kuprẽg tóg, ti tỹ ẽg tar han jé, ti tar nĩ ẽn ri ke. Kỹ tóg ẽg tỹ ũn mág han ke mũ gé, ti tỹ tỹ ũn mág nĩ ẽn ri ke. Ẽg tỹ tag ki kanhrãn kỹ ẽg tóg ti jykre jagma mũ há han ke mũ.

2 João 1:5

Kỹ sóg ã mỹ rán mũ, jỹ. Ã mỹ sóg: “jagnẽ to há nỹtĩm nĩ,” he mũ. Nén ũ tãg pijé'. Vãsỹ ẽg tóg tag mẽ, ẽg tỹ ti ki rã vén kỹ.