Éfeso 3:4 - O Novo Testamento na língua Kaingáng

⁴ Ãjag tỹ inh vẽnh rá tag ve kỹ ãjag tóg inh jykre venh ke mũ sir. Cristo vỹ nén ũ tãg han jé kãtĩg ja nĩ.

Éfeso 3:4 Iomraidhean Croise

Mateus 13:11

Kỹ tóg ag mỹ: “ãjag hã ne, ũ tỹ kanhkã tá nĩ ẽn tỹ tỹ ẽg pã'i nĩ ẽn ki kanhró nỹtĩnh mũ',” he mũ. “Jãvo ũn e ẽn ag vỹ, ki kanhrãn kãn ke tũ nĩ.

Lucas 8:10

Kỹ tóg ag mỹ: “ãjag hã mỹ sóg, kãmén há han ke mũ, Topẽ tỹ tỹ ẽg pã'i nĩ ti,” he mũ. “Hã ra sóg ũ ag mỹ: tag ri ke ti nĩ, he tãvĩ han mũ, ũ tỹ ón kỹ mẽg mũ ag mỹ. Kỹ ag tóg mẽg mũ ra ki kagtĩg nỹtĩnh mũ. To jykrén ke tũ ag nĩ gé,” he tóg.

Roma 11:25

Isỹ ãjag mỹ nén ũ kãmén sór vẽ, ãjag tỹ mẽ ja tũ ũ, ha mẽ, ãjag tỹ Judeu ag to é he tũ nĩ jé. Ha vé, Judeu ũ ag vỹ ver mẽ sór tũ nĩgtĩ. Ũ ag tóg mẽ sór mũ. Kejẽn vẽnh kar tóg hã ra mẽ kãn ke mũ, fóg ag kar, kanhgág ag kar ke gé, Judeu ag kar ke gé.

Roma 16:25

Ha mẽ, ẽg jé Topẽ mỹ vĩ há han. Ẽg tar han ki kanhró tóg nĩ, ẽg tỹ ti ki rã kar krónh ke tũ nĩn jé. Sỹ ãjag mỹ Topẽ vĩ sér tó mũn hã vẽ, Jesus Cristo kãmén kỹ. Vãsỹ ẽg tóg mẽ ja tũ nĩ, ti vĩ sér tag ti. Ẽg tỹ vãhã mẽ vẽ, Topẽ tỹ ẽg mỹ to vẽjykre nĩm kỹ. Prỹg tỹ hẽn ri ke ki ag tóg mẽ ja tũ nĩ, ẽg jo ke ag.

1 Corinto 13:2

Topẽ tóg hẽn ri ke mũn ẽg mỹ nén ũ kar tó tĩ. Kỹ ẽg vẽnh jyvẽn há han tĩgtĩ. Hẽn ri ke mũn ẽg tóg Topẽ ki rã há han kỹ nỹtĩ. Kỹ ẽg ti vĩ to: “hỹ mỹ vỹ?” he tũ pẽ nĩgtĩ. Kỹ ẽg tóg pãnónh mỹ: “ha tĩg,” he tĩ, hã ra tóg sir tĩ tĩ. Ẽg tỹ jérĩn mỹ vẽnh kar to há tũ nỹtĩn kỹ tóg tỹ ón kỹ ke nĩ.

1 Corinto 4:1

Ãjag tỹ ẽg to jykrén kỹ tag to jykrén nĩ, ha mẽ. Cristo mỹ rãnhrãj tĩ vỹ tỹ ẽg nỹtĩ. Topẽ jykre tó ẽg tóg tĩ, ẽg tỹ vẽsóg ki nén to jykrén vãnh ẽn.

2 Corinto 11:6

Vĩ sĩnvĩ han tũ inh nẽji nĩ, ag vĩ sĩnvĩ ri ke. Hã ra sóg nén tỹ hẽn ri ke ki kanhró nĩgtĩ. Tag ve ãjag tóg mỹr, ãjag tỹ inh vĩ mẽ kỹ.

Éfeso 1:9

Vãsỹ tóg to jykrén ja nĩgtĩ, kỹ tóg ũri ẽg mỹ tó mũ sir, ti tỹ Cristo tugrĩn nén han sór mũ ti.

Éfeso 3:3

Topẽ ne inh mỹ ti tỹ vãsỹ nén to jykrén mũ ẽn tó', hã kỹ sóg ãjag mỹ kãmén sĩ han huri.

Éfeso 3:9

Vẽnh kar mỹ sóg kãmén tĩ, ti tỹ nén han ke ti. Vãsỹ tóg to: “tag han jé sóg ke mũ,” he ja nĩgtĩ. Ti tỹ nén kar han tũg ki tóg to jykrén ja nĩgtĩ. Ti hã ne nén kar han'. Ge ra tóg ũ mỹ tó ja tũ nĩ ver.

Éfeso 5:32

Tag vỹ tỹ nén ũ sĩnvĩ pẽ nĩ. Kỹ tóg Cristo to rán kỹ nĩ gé, ti tỹ ũ tỹ ti ki ge kỹ nỹtĩ ag mré tỹ ũn pir nĩn kỹ.

Éfeso 6:19

Kỹ inh jagfy ti mré vẽmén nĩ gé. Topẽ vĩ tó sóg tĩ. Kỹ inh mré to vĩm nĩ, isỹ inh kato vãsãnsãn mũ ag kamẽg tũ nĩ jé, isỹ vẽnh kar mỹ Topẽ tỹ nén han sór mũ ẽn kãmén há han jé, vẽnh vĩ sér ẽn.

Colossos 1:26

Topẽ tóg vãsỹ ti tỹ nén han ke to jykrén ja nĩgtĩ. Ti tỹ nén ũ kar hynhan tũg ki tóg to jykrén ja nĩgtĩ. Hã ra tóg ẽn kã ũ mỹ tó ja tũ nĩ ver. Vãhã tóg ũ tỹ ti ki ge mũ ẽn ag mỹ tó mũ.

Colossos 2:2

“Ag tỹ inh vãsãn tag mẽ kỹ ag hỹn tóg nén ũ kamẽg ke tũ nĩ. Kỹ ag hỹn jagnẽ to há kar nỹtĩnh mũ,” he sóg tĩ. Inh mỹ tóg ãjag tỹ tag ki kanhrãn kãn há tĩ. Topẽ tỹ nén to jykrén jan hã vỹ tỹ Cristo nĩ.

Colossos 4:3

Kỹ ti mré iso vẽmén nĩ gé. Topẽ vĩ tó sóg tĩ. Kỹ ti mỹ to vĩm nĩ, ag tỹ inh vĩ mẽ há han jé, sỹ ag mỹ Cristo kãmén kỹ, sỹ ag mỹ Topẽ tỹ nén han sór mũ ẽn kãmén kỹ. Tag tugrĩn sóg se kỹ jẽ.

1 Timóteo 3:16

Ha vé, Topẽ tỹ ũri ẽg mỹ nén tó mũ tag vỹ tỹ nén ũ há tãvĩ nĩ. Vãsỹ ag tóg mẽ ja tũ nĩ. Ti jykren hã vẽ, ha mẽ: Jesus Cristo vỹ ẽg ri ke mur, ga kri, kỹ Topẽ tóg ti tỹ ũn mág han, tá, ti tỹ jykre kuryj nĩn kỹ. Kỹ tóg ti tỹ jẽgnẽ jafã ag mỹ ti ven. Kỹ ti mré mũ tĩ ag vỹ povo kar mỹ ti tó. Hã kỹ ga kri mũ ag vỹ ti ki ge mũ, Ẽg tỹ Jesus kãmén hã vẽ.

1 Timóteo 3:9

Topẽ vỹ ẽg mỹ vẽnh vĩ jẽnẽ, ẽg tỹ ti ki ge jé, ẽg tỹ ti vĩ tag to krónh ke tũ nĩ jé, ẽg tỹ ẽg fe kavénh tũ nĩ jé gé. Ag tỹ ti vĩ tag to tar nỹtĩnh ke vẽ.