Éfeso 3:2 - O Novo Testamento na língua Kaingáng

² Ãjag hỹn tóg Topẽ tỹ isar han mũ ẽn mẽ. Isỹ ãjag ki rĩr jé tóg isar han, isỹ ũ tỹ Judeu jykre han tũ ag ki rĩr jé.

Éfeso 3:2 Iomraidhean Croise

Han Kãme 13:2

Kejẽn ag tóg jagnẽ mỹ Topẽ jykre tó mũ, ag jẽg tũ nĩn kỹ. Kỹ Topẽ kuprĩg tóg ag mỹ: “Barnabé fẽg ra, Saulo mré,” he mũ, “ag tỹ inh rãnhrãj han jé, isỹ nén to jykrén mũ ẽn ti, ag tỹ inh jykre tó jé, vẽnh kar mỹ,” he tóg.

Han Kãme 13:46

Hã ra Paulo ag tóg ag kamẽg tũ nĩ. Ag mỹ ag tóg: “ãjag hã mỹ ẽg tóg tó vén, Topẽ vĩ ti,” he mũ, “ti tỹ ẽg mỹ: Judeu ag mỹ tó vén, hen kỹ. Hã ra ãjag tóg mẽ jãvãnh nỹtĩ, kỹ ãjag tóg ẽg rĩr krỹg ja tũ venh ke tũ nĩ. Hã kỹ ẽg tóg sir fóg ag hã mỹ tónh ke mũ, Topẽ vĩ ti,” he ag tóg.

Han Kãme 22:21

Hã ra tóg inh mỹ: vó, ha tĩg. Kór há ra sóg ã jẽnẽnh mũ, fóg kar to, kanhgág kar to ke gé, he mũ,” he tóg, Paulo ti.

Han Kãme 9:15

Hã ra tóg: “ti venh tĩg,” he mũ. “Ti kuprẽg isóg, ti tỹ ijiji tó jé, fóg ag kar mỹ, kanhgág ag kar mỹ ke gé, povo tỹ Israel ag mỹ ke gé,” he tóg.

Roma 1:5

Topẽ hã ne isar han', Jesus tugrĩn. Ti hã ne inh fẽg', isỹ tỹ apóstolo nĩn jé, isỹ fóg ag kar mỹ ti kãmén jé, kanhgág ag mỹ ke gé, ag tỹ ti ki ge jé, ti vĩ kri fi jé, ti jiji mẽ kỹ.

Roma 11:13

Kỹ sóg fóg ag mỹ, kanhgág ag mỹ: “ãjag apóstolo vỹ tỹ inh nĩ, sỹ ãjag mỹ Topẽ vĩ tó jé,” he mũ. Inh rãnhrãj vỹ inh mỹ sér pẽ tĩ.

Roma 12:3

Ha vé, Topẽ vỹ isar han, kỹ sóg ãjag jyvẽn há han ki kanhró nĩ. Hã kỹ sóg ãjag kar mỹ tag tó mũ. Vẽsỹ ũn mág han sór tũg nĩ. “Tỹ inh ũn mág nĩ,” he tũg nĩ, ã tỹ tỹ ũn mág tũ nĩn kỹ. Ẽg kar vỹ Topẽ ki ge kỹ nỹtĩ. Kỹ tóg ẽg kar tỹ nén ũ to tar han tĩ, ẽg kar tỹ ti rãnhrãj han jé. Tag to jykrén kỹ jagnẽ to é he tũg nĩ.

1 Corinto 4:1

Ãjag tỹ ẽg to jykrén kỹ tag to jykrén nĩ, ha mẽ. Cristo mỹ rãnhrãj tĩ vỹ tỹ ẽg nỹtĩ. Topẽ jykre tó ẽg tóg tĩ, ẽg tỹ vẽsóg ki nén to jykrén vãnh ẽn.

Galácia 1:13

Isỹ vãsỹ nén han ja mẽ ãjag tóg huri. Tỹ sóg Judeu krẽ nĩ. Hã kỹ sóg Moisés tỹ ẽg jógjóg ve ag mỹ Topẽ jykre tó ja ẽn han tĩ ja nĩgtĩ. To sóg vãsãn mág, hã kỹ sóg inh régre ag pãtén, sỹ ẽg jykre ki króm to tar tãvĩ nĩn kỹ. Kỹ sóg kygnẽ kỹ: “Jesus hỹn ón kỹ vẽsỹ Topẽ han,” he ja nĩ gé. Hã kỹ sóg ti ki ge kỹ nỹtĩ ag vóg kónãn tãvĩ han ja nĩgtĩ, isỹ ag tỹ tũ' he jé. Ag jagãgtãn vãnh ja inh nĩgtĩ.

Éfeso 1:10

Cristo tỹ tóg ũn mág han mũ, kanhkã tãn ag kri, ga kri mũ ag kri ke gé. Kỹ ẽg kar vỹ tỹ ti krẽm ke nỹtĩnh mũ. Povo pir ri ke ẽg nỹtĩnh mũ, kurã ẽn kã.

Éfeso 3:7

Tag to Topẽ tóg inh mỹ: “ha fóg kar ag mỹ, kanhgág kar ag mỹ tónh tĩg,” he ja nĩgtĩ. Kỹ tóg to isar han, inh rãnhrãj to.

Éfeso 3:8

Topẽ tũ kãsir ag kar jakrẽm inh nĩ, hã ra tóg isar han, sỹ fóg ag mỹ, kanhgág ag mỹ Cristo kãmén jé. Cristo tugrĩn tóg ẽg mỹ nén ũ há tãvĩ han ke mũ. Hã tó sóg tĩ, vẽnh kar mỹ.

Éfeso 3:9

Vẽnh kar mỹ sóg kãmén tĩ, ti tỹ nén han ke ti. Vãsỹ tóg to: “tag han jé sóg ke mũ,” he ja nĩgtĩ. Ti tỹ nén kar han tũg ki tóg to jykrén ja nĩgtĩ. Ti hã ne nén kar han'. Ge ra tóg ũ mỹ tó ja tũ nĩ ver.

Éfeso 4:21

Ti kãme ki kanhró kar ãjag nỹtĩ ha, ti jykre ke gé.

Éfeso 4:7

Cristo vỹ ẽg tar han tĩ gé, ẽg kar, ti rãnhrãj to. Ũ mỹ tóg vẽnh rãnhrãj ũ nĩm', ũ nĩm' he tĩ.

Colossos 1:4

Ãjag tỹ Jesus Cristo ki ge tag mẽ inh. Kỹ ãjag tóg nẽji jagnẽ to há tãvĩ nỹtĩ gé, Topẽ ki ge kỹ nỹtĩ kar ag to ke gé.

Colossos 1:6

Ga kar mĩ tóg tĩ ha, vẽnh vĩ há tag. Hã kỹ tóg ãjag ki jun ja nĩ gé. Vẽnh vĩ há tag tóg Topẽ mỹ ẽkré kanẽn ri ke nĩ, vẽnh kar tỹ ti ki ge kỹ. Hã kỹ ãjag tóg ti ki ge gé, ãjag tỹ ti vĩ mẽ vén kỹ. Ẽn kã ãjag tóg Topẽ tỹ ẽg jagãgtãn ki kanhrãn ja nĩ. Kỹ ãjag tóg ki kanhró nỹtĩ ha.

1 Timóteo 1:11

Ũ tỹ tag han mũ tũgrĩn tóg ẽg jyvẽn ja nĩ, ẽg tỹ han tũg jé. Ti hã vỹ ẽg mỹ vẽnh vĩ sér tó ja nĩgtĩ'. Ti hã vỹ inh mỹ: “ha vẽnh kar mỹ tónh tĩg,” he ja nĩ'. Topẽ hã ne ti pir mỹ há nĩ'. Jãvo ag tóg ti vĩ tag kato tẽ tĩ.

1 Timóteo 1:4

Topẽ jykre tovãnh kỹ ag tóg vyrmỹ nén ũ ũ to jykrén sór mũ, hã vỹ: kanhkã tãn tỹ ó, he mũ, ke tũ nĩ kỹ, ẽg jo ke ag jigji. Nén ũ tũ vẽ. Ẽg pijé tag tỹ Topẽ jykre han tĩ'. Topẽ jykre hã vẽ, hã vỹ: vẽnh kar tỹ ti ki rã, he mũ.

1 Timóteo 2:7

Hã kỹ tóg inh mỹ: “ha vẽnh kar mỹ tónh tĩg,” he ja nĩ. Hã kỹ sóg tó mũ. Ki hã sóg tó mũ. Inh pijé ón mũ'. Fóg ag to tóg inh jẽnẽ, kanhgág ag to ke gé, sỹ ag mỹ vẽnh vĩ há tó jé, ag tỹ Topẽ ki ge jé gé.

2 Timóteo 1:11

Kỹ tóg inh mỹ: “vẽnh kar mỹ inh vĩ tónh tĩg,” he ja nĩ gé, sỹ tỹ ti apóstolo jẽ jé, sỹ ti vĩ tỹ vẽnh kar kanhrãn jé.