Éfeso 3:1 - O Novo Testamento na língua Kaingáng

¹ Hã kỹ sóg Topẽ mré vĩ tĩ, inh, hã vỹ: Paulo, he mũ. Se kỹ inh jẽ, Jesus Cristo tugrĩn. Isỹ ãjag to há nĩn kỹ sóg se kỹ jẽ, isỹ ũ tỹ Judeu jykre han tũ kar ag to há nĩn kỹ.

Éfeso 3:1 Iomraidhean Croise

Lucas 21:12

“Tag to hã ag tóg ãjag sigsenh ke mũ gé. Ãjag vóg kónãn jé ag tóg ke mũ gé. Vẽnh kanhrãn jafã krẽm ag tóg ãjag jykre vigvenh ke mũ gé. Pã'i mág ag mỹ ag tóg ãjag venven ke mũ, pã'i tỹ governador ag mỹ ke gé, ãjag tỹ ijiji tó ja tugrĩn.

Han Kãme 21:33

Hã ra pã'i mág tóg: ti kãgmĩ ra! Ti se ra!“ he mũ. “Ũ nẽ? Ti tỹ ne han nẽ?“ he tóg.

Han Kãme 23:18

Kỹ capitão tóg kyrũ pére tĩ kỹ pã'i mág mỹ ti ven mũ. “Ti tỹ nẽji ã mré vĩ sór vẽ,” he tóg.

Han Kãme 26:29

Kỹ Paulo tóg ti mỹ: “hỹ, hã to sóg Topẽ mré vĩ mũ,” he mũ. “Ã tỹ inh mré Jesus ki rã kỹ tóg há tĩ vẽ, ã mré inh vĩ mẽg mũ ag ke gé. Isỹ se kỹ jẽ tag hã to sóg ã mỹ: inh ri kem nĩ, henh ke tũ nĩ,” he tóg.

Han Kãme 9:15

Hã ra tóg: “ti venh tĩg,” he mũ. “Ti kuprẽg isóg, ti tỹ ijiji tó jé, fóg ag kar mỹ, kanhgág ag kar mỹ ke gé, povo tỹ Israel ag mỹ ke gé,” he tóg.

2 Corinto 1:6

Ãjag jagfy sóg jagtar tĩ, ãjag tỹ ti hã to tar nỹtĩn jé, ãjag krenkren jé. Topẽ tỹ isar han kỹ tóg inh kóm ãjag tar han ke mũ gé sir. Kỹ ãjag tóg inh kóm ti to krónh kenh ke tũ nĩ gé sir.

2 Corinto 10:1

Ha vé, ãjag jyvẽn sór inh mũ, inh, hã vỹ: Paulo, he mũ. Sỹ ãjag mré nĩn kỹ sóg nẽji komẽr hã vĩ tĩ. Kỹ, isỹ kór há tá nĩn kỹ isóg nẽji vĩ jũ han tĩ, ãjag mỹ. Cristo ne komẽr hã vĩ tĩ'. Ũn há vẽ, Cristo ti. Ti jykre hã han sór inh nĩgtĩ.

2 Corinto 11:23

Cristo camarada vỹ tỹ ag nỹtĩ. Tag to sóg ag kãfór nĩ hã ra. Ha vé, krĩ tũ pẽ nĩ ve inh nĩ, sỹ tỹ ag kãfór nĩ tag tón kỹ. Ha mẽ, isỹ tỹ Cristo camarada nĩ ti. Inh rãnhrãj e tag hã to sóg ag kãfór nĩ. Ise kỹ nĩ e ja hã to sóg ag kãfór nĩ gé. Inh mrãnmrãn kãfór han ag tóg tĩ gé. Ter kren tỹ hẽn ri ke han inh, ag kãfór ke gé.

Galácia 5:11

Inh pijé ẽg gré fár junun kym to: ke ra, he tĩ'. Isỹ ag mré tag tó ra ag hỹn inh vóg kónãn ke tũ nĩ vẽ. Ẽg tỹ ẽg fár kym tugrĩn krenkren ke nỹtĩ ra ẽg tóg Jesus tỹ ka to sa ja ẽn to krenkren ke tũ nĩ vẽ, kỹ tóg ag mỹ sér tĩ vẽ. Inh pijé tag tó tĩ'.

Galácia 5:2

Hã kỹ sóg ãjag mỹ kãmén mũ, inh, hã vỹ: Paulo, he mũ. Ha mẽ: ãjag tỹ Judeu jykre tugrĩn kren sór kỹ Cristo vỹ ãjag mỹ nén ũ há han ke tũ nĩ.

Galácia 5:24

Ẽg tỹ tỹ Jesus Cristo tũ nỹtĩn kỹ ẽg tóg ti tỹ ka to sa ja ẽn ri ke nỹtĩ. Hã kỹ ẽg tóg ẽg tỹ nén to én mũ ẽn han mãn sór ke tũ nĩ ha sir, ẽg tỹ nén ki vẽ'ĩ mũ ẽn.

Éfeso 3:11

Vãsỹ tóg to jykrén, ti tỹ ẽg pã'i tỹ Jesus Cristo tugrĩn nén ũ han sór mũ ẽn ti.

Éfeso 3:13

Hã kỹ sóg ãjag mỹ: “sỹ ãjag jagfy jagtar nĩ tag mĩ ẽkrén kỹ Jesus to krónh ke sór tũg nĩ,” he mũ. Ãjag jagfy ke vẽ, isỹ nén vég mũ tag. Inh jagtar tag tugrĩn ãjag tóg nén ũ há venh ke mũ, ha vem nĩ.

Éfeso 3:8

Topẽ tũ kãsir ag kar jakrẽm inh nĩ, hã ra tóg isar han, sỹ fóg ag mỹ, kanhgág ag mỹ Cristo kãmén jé. Cristo tugrĩn tóg ẽg mỹ nén ũ há tãvĩ han ke mũ. Hã tó sóg tĩ, vẽnh kar mỹ.

Éfeso 4:1

Kỹ sóg ãjag jyvẽn sór mũ ha. Se kỹ inh jẽ nĩ, ẽg Senhor tugrĩn. Mũ há han sórm nĩ. Topẽ vỹ ãjag kuprẽg, kỹ ãjag tỹ vẽjykre há han ke hã to vãsãn nĩ.

Éfeso 6:20

Topẽ vỹ inh mỹ tag nĩm ja nĩ, sỹ han jé, hã ra sóg ver se kỹ jẽ. Kỹ tóg sỹ ag kamẽg tũ nĩnh há tĩ, sỹ Jesus kãme tó kãn jé, sỹ ti tỹ inh mỹ: “ha ag mỹ kãmén,” he mũ tag tó kãn jé.

Filipos 1:7

Tag to sóg jykrén, sỹ ãjag mĩ ẽkrén kỹ. Inh fe vỹ tỹ ãjag nỹtĩ. Inh hã mré tóg ãjag tar han tĩ, ẽg Senhor ti. Hã kỹ ãjag tóg inh mré jagtar nỹtĩ, inh se kỹ jẽ tag ti to. Isỹ vãsỹ kavar kỹ jẽ ẽn kã sóg ag mỹ Topẽ vĩ kãmén ja nĩgtĩ. Kỹ ãjag tóg inh mré to tar nỹtĩ ja nĩgtĩ gé, ũri ke gé.

Colossos 1:24

Ãjag jagfy sóg vẽsỹrénh mũ. Hã ra tóg inh mỹ sér tĩ. Cristo vỹ vẽsỹrénh mág, ẽg tỹ ti ki ge jé. Kỹ ẽg tóg ti vẽsỹrénh ẽn ri ke han ke mũ gé, ũ tỹ hẽn ri ke ag tỹ ẽg tugrĩn ti vĩ ki króm sór jé.

Colossos 4:18

Vãhã sóg vẽsóg ki ãjag mỹ rán ke mũ ha', inh, hã vỹ: Paulo, he mũ. Isỹ se kỹ jẽ tag kã jatu' he tũg nĩ. Topẽ jé ãjag tar han tĩ. Hã vẽ.

Colossos 4:3

Kỹ ti mré iso vẽmén nĩ gé. Topẽ vĩ tó sóg tĩ. Kỹ ti mỹ to vĩm nĩ, ag tỹ inh vĩ mẽ há han jé, sỹ ag mỹ Cristo kãmén kỹ, sỹ ag mỹ Topẽ tỹ nén han sór mũ ẽn kãmén kỹ. Tag tugrĩn sóg se kỹ jẽ.

2 Timóteo 1:16

Topẽ mỹ sóg to vĩ tĩ, ti tỹ Onesíforo mré ke fag jagãgtãn jé, ũn tũg mũ ẽn ti. Iso há tãvĩ ja ti nĩgtĩ. Iso mỹ'ãg ja tũ ti nĩgtĩ, ise kỹ jẽ hã ra.

2 Timóteo 1:8

Hã kỹ ẽg Senhor to mỹ'ãg tũg nĩ. Ti kãmén nĩ. Kỹ inh kãmén nĩ gé, isỹ ti tugnĩn se kỹ jẽ tag ti. Kỹ ã tỹ ti tugrĩn vẽsỹrénh ke tag kamẽg tũg nĩ gé, inh mré. Topẽ vĩ to ẽg vẽsỹrénh tĩ. Hã ra Topẽ tóg to ẽg tar han tĩ.

Filemom 1:1

Paulo tỹ rá vẽ, inh. Isỹ se kỹ jẽ ra rá vẽ. Kỹ ẽg régre tỹ Timóteo vỹ inh mré rán mũ gé. Isỹ Filemom mỹ rán hã vẽ. Ã to há tãvĩ sóg nĩ, Filemom'. Inh mré ã tóg Cristo rãnhrãj han tĩ gé.

Filemom 1:23

Epafras vỹ ãjag mĩ ẽkrég tĩgtĩ. Inh mré tóg se kỹ jẽ, Jesus Cristo tugrĩn.

Filemom 1:9

Hã ra sóg ã mỹ vĩ tar han sór tũ nĩ. Komẽr hã sóg ã mỹ to vĩ sór mũ, ã tỹ iso há nĩ tugrĩn tag han jé. Ha vé, kófa inh nĩ ha, inh, hã vỹ: Paulo, he mũ. Jesus Cristo tugrĩn sóg se kỹ jẽ ha.

Nén Venh Ke 2:10

Ãjag jagtar han jé ag tóg ke mũ, isugrĩn. Mũmẽg tũg nĩ hã ra. Japo vỹ ãjag kato vãsãn ke mũ. Kỹ ag tóg vẽseja kã tá ãjag vãm ke mũ. Kurã tỹ 10 (ke) ki ke vẽ, ag tỹ ãjag vóg kónãn ke ti. Isovãnh tũg nĩ. Kỹ ãjag tóg rĩr krỹg ja tũ venh ke mũ. Kỹ tóg ãjag mỹ sér tĩnh mũ, he tóg,” hem nĩ, vẽnh rán ki,” he tóg inh mỹ.