Éfeso 2:3 - O Novo Testamento na língua Kaingáng

³ Vãsỹ ẽg tóg tỹ ti tũ nỹtĩ ja nĩgtĩ gé, ti krẽ ag ri ke. Ẽn kã ẽg tóg ẽg tỹ nén to én mũ ẽn han ja nĩgtĩ, ẽg tỹ nén to jykrén mũ kar ẽn ti. Kỹ Topẽ tóg ẽg vóg kónãn mũ vẽ, ti tỹ ag vóg kónãn ke ẽn ri ke.

Éfeso 2:3 Iomraidhean Croise

Marcos 4:19

Hã ra ag tóg, ag rãnhrãj hã mĩ ẽkrég mũ, ón kỹ riko nĩ sór kỹ. Nén ũ kar to ag tóg én tĩ, hã kỹ Topẽ vĩ tóg, ag mỹ tũ' he mũ sir. Kỹ ag tóg kanẽn há han tũ nĩ.

João 1:13

Ẽg tỹ ti ki ge kỹ nỹtĩ tugrĩn ẽg tóg tỹ ti krẽ nỹtĩ. Ẽg mur tugrĩn ẽg tóg ver tỹ ti krẽ tũ nỹtĩ. Ẽg panh tỹ ẽg mỹnh fi mré nỹ tugrĩn ẽg tóg mur mũ gé. Topẽ tỹ ẽg han mãn tugrĩn ẽg tóg tỹ ti krẽ nỹtĩ jãvo.

João 8:44

Japo krẽ vỹ tỹ ãjag nỹtĩ, kỹ ãjag tóg ti tỹ nén tó mũ ẽn hã han tĩ. Topẽ tỹ ẽprã ke ag hynhan ẽn kã tóg ag kãgtén sór tĩgtĩ, Japo ti. Vãsỹ ti jykre vẽ, kỹ tóg ũri tỹ ti jykre nĩ gé ver. Ti pijé ki hã tó tĩ'. Ki hã tó to ti kórég pẽ nĩ, Japo ti. Vẽnh ó vỹ tỹ ti tũ pẽ nĩ. Ti hã vỹ tỹ ũn ón tĩ ag jóg kar nĩ.

Han Kãme 14:16

“Vãsỹ Topẽ tóg nação ag mỹ nén ũ tó ja tũ nĩgtĩ, kỹ ag tóg ag jykre mĩ mũgtĩ.

Roma 1:24

Hã kỹ Topẽ tóg ag tugvãnh mũ sir, ag tỹ ag tỹ nén to én mũ ẽn han sór nỹtĩn kỹ. Jagnẽ kavénh ag tóg mũ sir.

Roma 11:30

Vãsỹ ãjag tóg Topẽ vĩ ki kagtĩg ja nỹtĩgtĩ gé. Hã ra Topẽ tóg ũri ãjag jagãgtãn, ãjag tỹ ti ki ge jé, Judeu tỹ ti vĩ mranh mũ ag nỹtĩg ja ki.

Roma 13:14

Ẽg Senhor tỹ Jesus Cristo jykre tãg hã han nĩ. Ẽg tỹ nén to én mũ ẽn han mãn sór tũg nĩ. Ẽg jykre pãno kórég tovãnh kãn nĩ.

Roma 2:14

Fóg ag mré kanhgág ag vỹ Topẽ vĩ mẽ ja tũ nỹtĩ ver, ũ tỹ Judeu jykre han tũ kar ag. Ge ra vẽjykre há tóg ag mỹ sér tĩ, ag tỹ Topẽ vĩ mẽ ja tũ ra. Kỹ ag tỹ vẽjykre há han sór mũ tag vỹ ag mỹ tỹ ag tỹ ki króm nĩ.

Roma 5:10

Ẽg tỹ ver ti kato tẽ nỹtĩ ra Topẽ kósin tóg ẽg jagfy ter, kỹ Topẽ tóg ẽg to há nĩ. Ẽg to jũ mãn tũ ti nĩ. Kỹ tóg kurã ẽn kã ẽg kren han ke mũ gé, ti rĩr jẽn kỹ, ti kósin ti.

Roma 5:9

Kỹ Topẽ tóg ẽg mỹ vẽnh pãte fón mũ sir, Jesus tỹ ẽg jagfy ter ja tugnĩn, ti kyvénh tugrĩn. Kỹ tóg Topẽ tỹ vẽnh kar to jũnh ke kurã ẽn ki ẽg kren han ke mũ gé, ha mẽ.

Roma 6:12

Ẽg jykre vỹ Topẽ vĩ mranh sór mũ, ẽg jykre ter ke tag. Ẽg jykre tỹ nén to én mũ ẽn han tũg nĩ. Topẽ vĩ mranh tũg nĩ.

Roma 7:18

Ẽg pijé vẽjykre há to tar nỹtĩ'. Vẽjykre kórég vỹ ver ẽg kã kã nĩ nĩ. Vẽjykre kuryj tóg ẽg mỹ sér tĩ, ge ra ẽg tóg ti pãno han tĩ, ẽg tỹ ũn há han sór mũ ra.

Roma 9:22

Topẽ tỹ ti tỹ nén han sór mũ han tĩ ẽn ri ke. Ũ ag to tóg jũ tĩ, ẽg kar tỹ ag ki ti tar nĩ to jykrén jé. Hã ra tóg kãnhmar ag to jũnh ke tũ nĩ. Ver tóg ag to fe mág nĩ, ag kórég tãvĩ nỹtĩ ra. Hã ra tóg ag vóg kónãn ke mũ, ha vem nĩ.

1 Corinto 4:7

Ẽg tỹ jagnẽ kãfór han sór kỹ ẽg tóg ón kỹ ke tĩ. Ha vé, Topẽ vỹ ẽg mỹ ẽg tũ vin kãn. Ẽg tỹ vẽsóg ki mãn ja pijé'. Kỹ ãjag tỹ ne jé to: “isũ vẽ,” he sór nẽ? Tỹ tóg Topẽ tỹ ãjag mỹ nĩm tũ nĩ ve nĩ, ãjag tỹ to: “isũ vỹ ã tũ kãfór nĩ,” hen kỹ.

2 Corinto 7:1

Inh kanhkã', inh fe vỹ tỹ ãjag nỹtĩ. Topẽ tóg ẽg hã mỹ tó mũ, ti tỹ tỹ ẽg jóg mág nĩ tag ti. Ti ve jé ẽg tóg ke mũ. Hã kỹ ẽg nén ũ kavéj han ke tũ nĩ. To jykrén ke tũ ẽg nĩ gé. Topẽ tũ vỹ tỹ ẽg nỹtĩ, kỹ ẽg ti hã kamẽg ke mũ. Ti jykre kuryj ẽn mĩ mũm nĩ.

Galácia 3:22

Hã kỹ tóg: “vẽnh kar vỹ Topẽ vĩ mranh kãn ja nĩgtĩ,” he mũ, ti vĩ rá ki. Ẽg tỹ Jesus ki ge hã tugrĩn ẽg tóg krenkren ke mũ sir.

Éfeso 2:2

Ẽn kã ãjag tóg ẽprã ke ag jykre pãno jagma mũ ja nĩgtĩ, Nén-Kórég pã'i mág ẽn tỹ ãjag krĩn kỹ, nén ũ ũ tãn ag kri pã'i ẽn. Ẽn vỹ tỹ ũ tỹ Topẽ vĩ mranh tĩ ag jagrẽ nĩ mỹr.

Éfeso 4:22

Ti ki ge kỹ nỹtĩn kỹ ẽg tóg ẽg tỹ vãsỹ nén han ja ẽn ri ke han mãn ke tũ nĩ ha. Ãjag jykre pãno ẽn tovãnh kãn jé ãjag tóg ke mũ. Ãjag tỹ ãjag jykre pãno jagma mũn kỹ ãjag tóg ãjag tỹ nén to én mũ ẽn hã han mũ ja nĩgtĩ ver. Hã ra ẽg tóg tag hã to ter ke mũ.

Colossos 1:21

Hã kỹ tóg ãjag to há nĩ ha ke gé. Vãsỹ ãjag tóg vẽjykre kórég hã han ja nĩgtĩ, hã kỹ ãjag tóg Topẽ kato vãsãnsãn ja nĩgtĩ.

1 Tessalônica 4:13

Inh kanhkã', sỹ nén ũ ki ãjag kanhrãn há tóg tĩ gé, ha mẽ. Ẽg mré ke ũ ag tóg hur kãgter. Kỹ fỹ mág tũg nĩ, ag jé. Jesus ki ge tũ ag ri ke han tũg nĩ. Ag ter kỹ ag tóg nén ũ há venh ke tũ nĩ. Hã kỹ ag tóg fỹ mág tĩ. Hã ra tóg ẽg mỹ ge tũ nĩ.

1 Tessalônica 5:6

Kỹ ti kãtĩg ke kã jatun tũg nĩ. Vẽso jykrén nĩ, ãjag tỹ ti kãtĩg ke jo vẽnh jãnhkrigkrig jé, ãjag tỹ kã jatun tũ nĩ jé.

1 Timóteo 6:9

Ẽg tỹ riko nỹtĩ sór kỹ tóg inh mỹ ẽg tỹ Topẽ vĩ mranh ha mẽ tĩ. Kãnhmar ẽg tóg nén ũ to én', nén ũ to én' he tĩ, kỹ tóg inh mỹ tag tỹ ẽg kókén ha mẽ tĩ. Kỹ ẽg tag to nũgme ki vár ke mũ. Pijé há nĩ'.

Tito 3:3

Ha vé, vãsỹ ẽg tóg kórég ja nỹtĩgtĩ gé. Ki kagtĩg ja ẽg nỹtĩgtĩ. Ti vĩ mranh ja ẽg tóg nĩgtĩ gé. Vãgfor mũ ja ẽg tóg nĩgtĩ, kỹ ẽg tóg ũ tỹ ón kỹ ẽg mỹ vẽjykre tó mũ ẽn vĩ han ja nĩgtĩ gé.

1 Pedro 1:14

Vãsỹ ãjag tóg ãjag tỹ nén to én mũ ẽn han ja nĩgtĩ, ãjag tỹ Topẽ vĩ mẽ ja tũ nỹtĩn kỹ. Ũri Topẽ vĩ hã han nĩ. Ãjag tỹ vãsỹ nén han ja ẽn tovãnh kãn nĩ.

2 Pedro 2:14

Ũn tỹtá fag kar to ag tóg én tĩ, fag ki ẽvãnh kỹ. Topẽ vĩ mranh sór ag tóg tĩ. Ti vĩ mranh to ag tóg krónh ke tũ nĩgtĩ. Ũn krój ag krĩn kónãn ag tóg tĩ, ag tỹ ag mré mranh jé. Ag topẽ vỹ tỹ jãnkamy nĩ. Topẽ vỹ ag vóg kónãn ke mũ, ha vem nĩ.

2 Pedro 2:18

“Ũn mág vỹ tỹ inh nĩ,” he ag tóg tĩ, ón kỹ. Krĩ tũ ag nỹtĩ. Nén ũ vẽnhmỹ kar to én ag tóg tĩ. Nén ũ tỹ ẽg kavénh tĩ ẽn to én ag tóg tĩ. Vẽjykre pãno han kỹ ag tóg ũ tỹ ũri Topẽ ki ge sór mũ ag krĩn kónãn tĩ.

1 João 2:16

Ẽprã vẽjykre pijé tỹ Topẽ jykre nĩ'. Ẽprã vẽjykre hã vẽ, ha mẽ: nén ũ kar to én ẽg tóg tĩ. Ẽg tỹ nén ũ ve kỹ ẽg tóg ẽn mãn sór tĩ. Kỹ ẽg tóg: “ũn mág vỹ tỹ inh nĩ, isũ to, isỹ nén ũ kar to,” he tĩ gé. Topẽ jykre pijé'. Ẽprã vẽjykre hã vẽ.

1 João 2:8

Hã ra tóg tãg nĩ gé, sỹ ãjag mỹ rán mũ tag ti. Cristo vỹ ẽg mỹ tó mãn ja nĩ, ẽg tỹ jagnẽ to há nỹtĩ jé. Kỹ tóg ki króm ja nĩ. Kỹ ẽg tóg ti nón ki króm sór mũ gé. Ki hã tó ja ti nĩ. Kỹ tóg nén ũ tãg ri ke nĩ, Cristo tỹ Topẽ nón tó mãn kỹ. Ha vé, komẽr hã tóg kurãg tĩ. Kurã kãtĩg kỹ tóg ti kuty tỹ tũ' he tĩ, komẽr hã. Jesus tỹ ẽg mỹ: “jagnẽ to há nỹtĩm nĩ,” he to ken hã vẽ, hã vỹ: kurã, he mũ.