Éfeso 1:7 - O Novo Testamento na língua Kaingáng

⁷ Ti hã ne ẽg kren han', ti kyvénh tỹ ẽg jagfy ti ki kãkutẽ ja nĩn kỹ. Tỹ tóg ẽg tỹ Topẽ vĩ mranh ja ẽn tỹ tũ' he ja nĩgtĩ. Topẽ tỹ ẽg mỹ nén ũ há han hã vẽ.

Éfeso 1:7 Iomraidhean Croise

Mateus 20:28

Hã kỹ sóg camarada tũ nĩ gé. Sỹ tỹ camarada nĩ jé sóg kãtĩg, sỹ ãjag mré rãnhrãj jé. Hã kỹ sóg vẽnh kar jagfy ter ke mũ, sỹ ag krenkren han jé. Tỹ sóg ẽprã ke fi kósin nĩ,” he tóg, Jesus ti.

Mateus 26:28

“Inh kyvénh hã vẽ,” he tóg, vinho to. “Inh kyvénh tỹ vẽnh kar jagfy kutẽnh ke vẽ. Sỹ vẽnh e mré vẽjykre tãg han to ken hã vẽ, hã vỹ tỹ inh kyvénh ti nĩ. Hã tugrĩn Topẽ vỹ ãjag mỹ vẽnh pãte fón ke mũ, ãjag tỹ ti vĩ mranh ja ti,” he tóg.

Mateus 6:12

Kỹ ẽg mỹ vẽnh pãte fón nĩ, ẽg tỹ ã vĩ mranh ja ti. Hã jé ẽg tóg, ẽg tỹ jagnẽ to jũ tỹ jagnẽ mỹ vẽnh pãte fón ke mũ gé.

Marcos 14:24

Kỹ tóg ag mỹ: “inh kyvénh hã vẽ. Vẽnh kar jagfy tóg inh ki kã kutẽnh ke mũ. Topẽ vỹ vẽnh kar to há nĩ sór mũ, inh kyvénh tugrĩn,” he mũ.

Lucas 1:77

“Ag kanhrãn jé ã tóg ke mũ, Topẽ tỹ ẽg krenkren han sór ẽn to. Ẽg tỹ ti vĩ mranh tỹ tóg ẽg mỹ vẽnh pãte fón ke mũ, hã ki tóg ẽg krenkren han ke mũ, Topẽ ti,” he tóg.

Lucas 24:47

“Kỹ ũ ag tỹ vẽnh kar mỹ inh kãmén ke vẽ. Ijiji tó jé ag tóg ke mũ. Vẽnh kar mỹ ag tóg: “ãjag jykre pãno tovãnh ra. Kỹ Topẽ vỹ ãjag mỹ vẽnh pãte fón ke mũ, ãjag tỹ ti vĩ mranh ja ti,” henh ke mũ. Povo kar mỹ ag tóg tónh ke mũ, hã ra ag tóg tag ki tó vén ke mũ, Jerusalém ki.

João 20:23

“Ãjag tỹ ũ mỹ: “ã tỹ Topẽ vĩ mranh ja ẽn tỹ tóg vẽnh pãte fón mũ,” hen kỹ tóg vẽnh pãte fón kỹ nĩ nĩ. Ãjag tỹ ũ mỹ: “ã mỹ ti vẽnh pãte fón ke tũ nĩ,” hen kỹ tóg vẽnh pãte fón ke tũ nĩ,” he tóg, ti tỹ ag mỹ vẽnh ven vén kỹ.

Han Kãme 10:43

“Vãsỹ Topẽ vĩ tó tĩ ag kar vỹ ti kãmén ja nĩgtĩ, kỹ ag tóg: “ũ tỹ ti ki rã mũ mỹ tóg vẽnh pãte fón ke mũ, Topẽ ti, ti tỹ ti vĩ mranh mũ ti,” he ja nĩgtĩ. “Cristo tugrĩn tóg vẽnh pãte fón ke mũ,” he ja ag tóg nĩgtĩ,” he tóg, Pedro ti.

Han Kãme 2:38

Kỹ Pedro tóg ag mỹ: “ãjag jykre pãno tovãnh ra. Kỹ ẽg tóg ãjag kygpenh ke mũ, Jesus Cristo jiji tó kỹ,” he mũ. “Kỹ Topẽ tóg ãjag mỹ ãjag tỹ ti vĩ mranh ja tỹ vẽnh pãte fón ke mũ. Kỹ ãjag tóg Topẽ kuprĩg tỹ jagrẽ nỹtĩnh mũ gé.

Han Kãme 20:28

Vẽnh ki rĩrm nĩ, vẽso jykrén kỹ. Kỹ Jesus ki ge mũ kar ag ki rĩrm nĩ gé. Topẽ kuprĩg vỹ ãjag tỹ ag to pã'i hynhan, kỹ ag ki rĩr há han nĩ. Ti kyvénh tỹ tóg ãjag kygjãm mỹr, Jesus ti. Ti mỹ ãjag tóg tỹ ti mẽg ri ke nỹtĩ. Kỹ ti mẽg ẽn jẽn nĩ.

Han Kãme 3:19

Kỹ ãjag jykre pãno tovãnh nĩ. Topẽ jykre ki gem nĩ, Topẽ tỹ ãjag tỹ ti vĩ mranh tỹ tũ' he jé.

Roma 2:4

Ver tóg ẽg to há nĩ, ver tóg ẽg to fen nĩnh mũ, ver tóg jũ vãnh nĩ, Topẽ ti. Ti tỹ ẽg tỹ ẽg jykre kórég tovãnh ve sór vẽ, hã kỹ tóg ver ẽg to há tãvĩ nĩ. Hã ra tóg ag mỹ tỹ nén ũ tũ nĩ ve nĩ.

Roma 3:24

Hã ra tóg ẽg jagãgtãn kỹ ẽg mỹ vẽnh pãte fón sór mũ. Fagrĩnh mỹ ke vẽ. Kaãm ke tũ ẽg tóg nĩ. Jesus Cristo tugnĩn tóg ẽg kren han sór mũ.

Roma 3:25

Topẽ ne Jesus fẽg', ti hã tỹ ẽg tỹ Topẽ vĩ mranh tỹ tũ' he jé, ti kyvénh tỹ ẽg jagfy ti ki kãkutẽ kỹ. Kỹ ẽg tóg ti ki rã kỹ há nỹtĩ sir. Topẽ jykre kuryj hã vẽ sir. Jesus to ẽg ki kanhrãn mũ, vẽjykre kuryj ti. Hã kỹ Topẽ tóg, ẽg tỹ vãsỹ ti vĩ mranh ja ẽn to ẽg vóg kónãn ja tũ nĩ ver, ẽg to fen kỹ,

Roma 9:23

Kỹ tóg ũ ag jagãgtãn mũ gé, vẽnh kar tỹ ag ki Topẽ tỹ tỹ ũn há tãvĩ nĩ to jykrén jé, ẽg há kar kãfór. Hã jé tóg ag kuprẽg ja nĩgtĩ. Ti tỹ ag tỹ ũn mág han sór vẽ, ti mré.

1 Corinto 1:30

Topẽ mré ke vỹ tỹ ẽg nỹtĩ, ha mẽ, ẽg tỹ tỹ Jesus Cristo mré ke nỹtĩn kỹ. Topẽ hã vỹ ẽg krĩ há han mũ', ti hã vỹ ẽg mỹ vẽnh pãte fón mũ', Jesus tugrĩn. Ti hã ne ẽg krenkren han mũ'. Topẽ tỹ ti mỹ vẽjykre nĩm hã vẽ, ti tỹ ẽg tỹ tag han jé,

2 Corinto 8:9

Ha vé, ẽg Senhor tỹ Jesus Cristo vỹ ẽg jagãgtãn ja nĩ gé. Kanhkã tá ti riko nĩ ja nĩgtĩ, hã ra tóg ti tỹ nén ũ ẽn tovãnh kãn. Ti tỹ ẽg jagfy jagtar tĩ jé tóg kãtĩg. Kỹ ẽg tóg ti jagtar tugrĩn riko nỹtĩ sir.

Éfeso 1:14

Ẽg jagrẽ tag tugrĩn ẽg tóg ti ki kanhró nỹtĩ. Kejẽn ẽg tóg ti venh ke mũ, ha vem nĩ, kỹ tóg ẽg mỹ sér tĩnh mũ. Kỹ ẽg tóg ti mỹ vĩ há han ke mũ, ti tỹ tỹ ũn mág jẽn kỹ.

Éfeso 1:18

“Ha ag mỹ krĩ há nĩm. Ha ag kanẽ tar han, ag tỹ ve há han jé. Ag kuprẽg ja ã tóg nĩ, ã tỹ ag mỹ nĩm jé, ã tỹ nén tó ja ẽn ti.

Éfeso 1:6

ẽg tỹ ti mỹ vĩ há han jé. Ũn mág vỹ tỹ ti nĩ, ẽg jagãgtãn tóg tĩ. Hã kỹ tóg há tĩnh mũ, ẽg tỹ ti mỹ vĩ há han kỹ.

Éfeso 1:8

Hã ra tóg tũ' henh ke tũ nĩ. Krĩ há ti nĩ. Nén kar to jykrén há han ti nĩ, Topẽ ti.

Éfeso 2:4

Hã ra Topẽ tóg ẽg jagãgtãn pẽ han. Ẽg to tóg há tãvĩ nĩ, kỹ ẽg tóg tỹ ti fe nỹtĩ.

Éfeso 2:7

Tag ve kỹ vẽnh kar vỹ ki kanhró nỹtĩnh mũ, Topẽ tỹ Jesus Cristo tugrĩn ẽg to há tãvĩ nĩn ki. Hã jé tóg ẽg mỹ nén ũ há ẽn ven ke mũ. Tũ' he jãvãnh ti nĩ, ti tỹ ẽg mỹ nén ven ke ti.

Éfeso 3:16

Kỹ sóg ti hã mỹ to vĩ tĩ, ti tỹ ti kuprĩg tỹ ãjag tar han jé. Nén ũ kar vỹ tỹ ti tũ nỹtĩ. Tar ti nĩ gé. Ti hã mỹ sóg to vĩ tĩ,

Éfeso 3:8

Topẽ tũ kãsir ag kar jakrẽm inh nĩ, hã ra tóg isar han, sỹ fóg ag mỹ, kanhgág ag mỹ Cristo kãmén jé. Cristo tugrĩn tóg ẽg mỹ nén ũ há tãvĩ han ke mũ. Hã tó sóg tĩ, vẽnh kar mỹ.

Filipos 4:19

Ẽg jóg tỹ Topẽ vỹ ãjag mỹ nĩm kãn ke mũ, ãjag tỹ nén ve sór mũ ẽn ti. Ti hã ne tóg nén kar tỹ tũ nĩ', kanhkã tá nĩ ẽn ti'. Hã kỹ tóg ãjag mỹ nén kar nĩm ke mũ, Jesus Cristo tugrĩn.

Colossos 1:14

Ti hã ne ẽg kren han mũ'. Ti hã tugrĩn Topẽ tóg ẽg mỹ vẽnh pãte fón mũ, ẽg tỹ ti vĩ mranh ja ti.

Colossos 1:27

Ẽg hã mỹ tóg tó mũ ha, ti tỹ povo kar mỹ nén ũ há tãvĩ vin sór mũ ti. Hã kỹ tóg to hã ũ mỹ tó jã tũ nĩ ver, ti tỹ ẽg hã mỹ tó sór kỹ. Ti tỹ ẽg mỹ nén vin ken hã vẽ, ha mẽ: Cristo vỹ ãjag kã ki ẽmã nĩ ha, hã kỹ ãjag tóg ẽg tỹ kanhkã tá nén venh ke mũ ẽn ti venh ke mũ gé sir, ẽg mré, ũ tỹ ti ki ge kỹ nỹtĩ ag.

Colossos 2:13

Vãsỹ ãjag tóg vẽser ri ke ja nỹtĩgtĩ, ãjag tỹ ti vĩ mranh tugrĩn. Hã ra Cristo tóg ãjag rĩn mãn ja nĩgtĩ, Topẽ mré hã. Ãjag mỹ tóg hur vẽnh pãte fón, ãjag tỹ vẽjykre kórég han ja ẽn ti tỹ.

Colossos 2:2

“Ag tỹ inh vãsãn tag mẽ kỹ ag hỹn tóg nén ũ kamẽg ke tũ nĩ. Kỹ ag hỹn jagnẽ to há kar nỹtĩnh mũ,” he sóg tĩ. Inh mỹ tóg ãjag tỹ tag ki kanhrãn kãn há tĩ. Topẽ tỹ nén to jykrén jan hã vỹ tỹ Cristo nĩ.

1 Timóteo 2:6

Ti hã ne vẽnh fẽg', ti tỹ vẽnh kar kygjãm jé. Topẽ tỹ ti mỹ kurã nĩm ja ẽn kã ke ja vẽ. Kỹ vẽnh kar vỹ mẽnh ke mũ, ũri, ũ tỹ ti ve ja ag vĩ ti.

Tito 2:14

Ẽg jagfy tóg ter ja nĩ, ti tỹ ẽg jykre kórég ẽn tỹ tũ' he jé. Kỹ tóg ẽg kykũg mũ, ẽg jãnhkri nỹtĩ jé. Kỹ ẽg tóg tỹ ti tũ nỹtĩ sir, vyr mỹ. Ẽg pijé tỹ ũ tũ nỹtĩ ha'.

Tito 3:6

Ẽg mỹ tóg ti kuprĩg jẽnẽ, ti tỹ tỹ ẽg jagrẽ nĩ jé. Jesus Cristo hã tugrĩn tóg ti jẽnẽ, ẽg kren han tĩ ẽn hã tugrĩn.

Hebreu 9:22

Ha vé, ag tỹ vãsỹ Topẽ jykre ẽn ki nén ũ tỹ jãnhkri' he sór kỹ ag tóg, nén ũ kyvénh hã tỹ jagnẽ jãnhkrig tĩ. Hã kỹ ẽg tóg ki kanhró nỹtĩ. Ag tỹ Topẽ vĩ mranh kỹ tóg, ag mỹ ag mẽg ter hã tugrĩn vẽnh pãte fón' he ja nĩgtĩ.

1 Pedro 2:24

Ha vé, Cristo vỹ ẽg tỹ Topẽ vĩ mranh ja ẽn kajãm ja nĩgtĩ. Krunh to sa kỹ tóg ter ja nĩgtĩ. Hã tugrĩn ẽg jykre pãno tóg tũ tĩ ha, ti tỹ tỹ tũ' hen kỹ. Vẽjykre há hã han jé ẽg tóg ti ki ge kỹ nỹtĩ. Ti vẽsỹrénh tugrĩn ẽg tóg tỹ ũn há nỹtĩ.

1 Pedro 3:18

Cristo hã to jykrén nĩ, ha mẽ. Ter ja tóg nĩ, ẽprã ke ag tỹ Topẽ mỹ név nỹtĩ tugrĩn. Ti ter pir ki tóg kajãm kãn. Jykre kuryj tóg nĩ, Jesus ti, hã ra tóg ũn jykre pãno ag jagfy ter ja nĩ. Ti tỹ Topẽ mỹ ẽg tatĩn tĩg sór vẽ. Ti tén ja ag tóg nĩ, hã ra Topẽ kuprĩg vỹ ti rĩn mãn.

1 João 2:12

Inh krẽ, sỹ ãjag mỹ rán vẽ. Ãjag tỹ Topẽ vĩ mranh ja ẽn vỹ vẽnh pãte fón kỹ nĩ nĩ, Jesus Cristo tugrĩn.

1 João 2:2

Ti hã tóg ũ tỹ ti tén ke mũ ag mỹ vẽnh fẽg', ti tỹ ẽg jagfy ter jé, ti tỹ ẽg tỹ Topẽ vĩ mranh tỹ tũ' hen jé. Hã kỹ tóg ẽg mỹ vẽnh pãte fón sór mũ. Hã ra tóg ẽg tãvĩ mỹ vẽnh pãte fón sór tũ nĩ. Ẽprã ke kar mỹ ke vẽ, mỹr'.

1 João 4:10

Ẽg pijé ti to há nỹtĩ ja nĩgtĩ'. Ti hã ne ẽg to há nĩ vén'. Hã kỹ tóg ti kósin jẽnẽ, ti tỹ ẽg jagfy ter jé, ti tỹ ẽg tỹ ti vĩ mranh tỹ tũ' he jé. Ti tỹ ẽg to há nĩn hã vẽ.

Nén Venh Ke 14:4

Jãnhkri ag nỹtĩ. Ag pijé fag vóg ja nĩgtĩ'. Cordeiro mré ag tóg mũ ja nĩgtĩ, ag tỹ tỹ ẽprã ke ra. Ẽprã ke ag kã mĩ tóg ag kygjãm ja nĩ, cordeiro ti. Kỹ ag tóg tỹ Topẽ tũ nỹtĩ, cordeiro tũ ke gé.

Nén Venh Ke 5:9

Cordeiro ẽn mỹ ag tóg jãn mũ. Jesus jé tag tó ag tóg mũ, ha mẽ. “Ã hã ne livro mãn kỹ ti tógfĩ kygvãg mũ ha'. Ã tén ja ag tóg nĩ, kỹ ã tóg ter kỹ ẽprã ke ag kygjãm, Topẽ mỹ, vẽnh vĩ kar tó tĩ ag kã mĩ, nação kar ag kã mĩ. Povo kar ag kã mĩ ã tóg ũ ag kygjãm ja nĩgtĩ.