Éfeso 1:4 - O Novo Testamento na língua Kaingáng

⁴ Ti tỹ nén ũ kar han ke to hã tóg ẽg kuprẽg, ẽg tỹ tỹ ti tũ nỹtĩ jé, Cristo tugrĩn. Ẽg tỹ ti ri ke nỹtĩ jé tóg ẽg kuprẽg, ẽg tỹ kygnẽg tũ nĩ jé. Ti fe vỹ tỹ ẽg nỹtĩ.

Éfeso 1:4 Iomraidhean Croise

Mateus 24:22

Ẽg tỹ kurã ki jagtar ke mũ ẽn vỹ e nỹtĩnh mũ vẽ, hã ra tóg térem kỹ nỹtĩ nĩ, Topẽ tỹ ũn kuprẽg ja ẽn ag tugrĩn. Ti tỹ térem tũ nĩ ra ũ vỹ, kren ke tũ pẽ nĩ vẽ, vẽnh jagtar mág ẽn to,” he tóg, Jesus ti.

Mateus 24:24

Ón kỹ Cristo ag vỹ vẽnh venven ke mũ, ón kỹ Topẽ vĩ tó tĩ ag ke gé. Ẽn ag vỹ ẽg tỹ nén han vãnh hynhan ke mũ, milagre tỹ hẽn ri ke ti. Ag tỹ vẽnh kar krĩn kónãn sór vẽ, ag tỹ kygnẽ jé, Topẽ tỹ ũn kuprẽg ja ẽn ag mré hã, hẽn ri ke mũn.

Mateus 24:31

Kỹ sóg isỹ jẽgnẽ jafã ag jẽgnẽnh mũ, ag tỹ téntén kynkyn jé, kỹ ag tóg isỹ ũn kuprẽg mũ ag jé prẽnprẽr kãn ke mũ sir, ga kar mĩ hã, kanhkã fyr mĩ hã,” he tóg, Jesus ti.

Mateus 25:34

Tỹ sóg vẽnh kar kri pã'i mág nĩnh mũ, kurã ẽn kã. Kỹ sóg inh pẽgja tá nỹtĩnh ke mũ ag mỹ: inh panh vỹ ãjag mỹ vĩ há han ke mũ. Topẽ tỹ ga tãg mré kanhkã tãg venh kãmũ jẽg. Ti tỹ ga si han kurã ẽn kã tóg ãjag hã kuprẽg ja nĩ.

João 10:16

Inh mẽg ũ vỹ nỹtĩgtĩ gé ver, inh mẽg tỹ hẽ tá ke fag. Ãjag povo kã mĩ ke pijé'. Ẽn jé prẽr jé sóg ke mũ gé, kỹ fag tóg inh mré kãmũnh ke mũ gé. Inh vĩ mẽ jé fag ke mũ gé. Kỹ fag tóg tỹ tag ki inh mẽg fag mré ke nỹtĩnh mũ. Kỹ sóg fag kar jy ró pir han ke mũ, inh pir mỹ sóg fag ki rĩr ke mũ,” he tóg.

João 15:16

Ãjag pijé inh kuprẽg'. Inh hã ne ãjag kuprẽg'. Kỹ sóg ãjag mỹ: kanẽ e han nĩ, he mũ ha, hã vỹ: vẽjykre há, he mũ. Vẽjykre há hã vỹ tũ' henh ke tũ nĩ. Ãjag tỹ ẽn han kỹ jatun mỹ Topẽ mỹ nén kar to vĩm nĩ, inh jiji tó kỹ. Kỹ tóg ãjag tỹ ti mỹ nén to vĩ mũ ẽn han ke mũ.

João 17:24

Panh', vãsỹ ã tóg iso há nĩgtĩ vẽ, ẽg tỹ ga tag han tũg ki. Hã kỹ ã tóg isỹ ũn mág pẽ han. Kỹ tóg inh mỹ há tĩnh mũ, ag tỹ inh mré nỹtĩn kỹ, ã tỹ inh mỹ ũn vin mũ ẽn fag. Ag tỹ inh mré nỹtĩn kỹ ag tóg venh ke mũ, ã tỹ isỹ ũn mág han ja ti.

Han Kãme 13:48

Fóg ag tỹ tag mẽ kỹ tóg ag mỹ sér tĩ sir. Kỹ ag tóg Topẽ vĩ to há nỹtĩ, ti mỹ vĩ há han kỹ. Kỹ ag tóg Jesus ki ge mũ, Topẽ tỹ ũn kuprẽg mũ ag, ag tỹ ẽg rĩr krỹg ja tũ ve jé.

Han Kãme 15:18

“Topẽ tỹ tón hã vẽ. Ũ tỹ vãsỹ tag kãmén mũ tỹ tón hã vẽ, he tóg, Topẽ vĩ tó tĩ ti. Hã kỹ ẽg tóg tag ki kanhró tãvĩ nỹtĩ,” he tóg, Tiago ti.

Han Kãme 18:10

“Ã mré sóg nĩnh mũ. Ũ pijé ã vóg kónãn mũ'. Ẽmã tag ki ũ tỹ hẽn ri ke ag vỹ tỹ isũ nỹtĩnh mũ, fag mré hã,” he tóg, Topẽ ti.

Roma 8:33

Topẽ tỹ ẽg kuprẽg kỹ tóg ũ tỹ ẽg kato vĩ sór mũ ra ag mỹ vẽnh mỹ tĩ. Topẽ hã ne ẽg mỹ vẽnh pãte fón ja nĩgtĩ'.

1 Corinto 1:8

Ti hã vỹ ãjag tar han mũ', ãjag tỹ ti tovãnh tũ nĩ jé, ãjag tỹ kygnẽg tũ nĩ jé. Kỹ ẽg Senhor tỹ Jesus Cristo tóg ti kãtĩg mãn kỹ ãjag tỹ kygnẽ ja tũ ẽn venh ke mũ sir.

Galácia 5:13

Hã ra Topẽ tóg ẽg jé prẽr, ti tỹ ẽg kygvãn jé. Kỹ ẽg kygvar kỹ nỹtĩ ha. Ge ra ẽg tóg ẽg tỹ vẽsóg ki nén to jykrén mũ ẽn han sór ke tũ nĩ, ti kórég nĩn kỹ. Ẽg tỹ jagnẽ to há nỹtĩ tag hã ne há nĩ'. Jagnẽ ki rĩr to ken hã vẽ.

Galácia 5:22

Topẽ kuprĩg tỹ ẽg kanhrãn mũ vỹ kórég tũ nĩ. Há kar ti nĩ. Ti tỹ ẽg kanhrãn to ken hã vẽ, hã vỹ: jagnẽ to há, he mũ, mỹ sér tĩ, krĩ kuprã, jagnẽ to fe há nỹtĩ, komẽr hã vĩ, jagnẽ jagãgtãn tĩ, jagnẽ mỹ ón vãnh,

Galácia 5:6

Ha vé, ẽg tỹ Jesus Cristo ki ge kỹ nỹtĩn kỹ tóg tỹ nén ũ tũ tĩ sir, ũ tỹ ti fár kym ja ti, ũ tỹ kym ja tũ ti ke gé. Ti ki ge kỹ ẽg tóg nỹtĩ, kỹ ẽg tóg tỹ nén ũ pir nỹtĩ ha. Jagnẽ to há ẽg nỹtĩ ha.

Éfeso 2:10

Ti hã ne ẽg han mãn ja nĩgtĩ'. Jesus Cristo tỹ tóg ẽg han ja nĩgtĩ, ẽg tỹ vẽjykre há han jé. Topẽ vỹ ẽg mỹ vẽjykre há tag nĩm kãn, ẽg tỹ hã jagma mũ jé.

Éfeso 3:17

ti tỹ Cristo tỹ ãjag ki ẽmã han jé, ãjag tỹ ti ki ge kỹ nỹtĩn kỹ. Ti tỹ ẽg to há nĩ vỹ tỹ ga ri ke nĩ, ẽg tỹ ti ki jãrén jé, ka jãrén ri ke. Kỹ ẽg tóg ti to tar nỹtĩ sir. Hã jé sóg ti mỹ ãjag tó tĩ gé.

Éfeso 4:2

à régre to: “ti kãfór vỹ tỹ inh nĩ,” he sór tũg nĩ. Jagnẽ mỹ komẽr hã vĩm nĩ. Jagnẽ to fe nỹtĩm nĩ. Jagnẽ to há nỹtĩm nĩ. Jagnẽ ajudar hem nĩ.

Éfeso 5:2

Jagnẽ to há kar nỹtĩm nĩ, Cristo tỹ ẽg to há nĩ ri ke. Ẽg jagfy tóg vẽnh fẽg. Ẽg tỹ Topẽ mỹ nén ũ pũn ri ke ti nĩ, ti tỹ ẽg jagfy vẽnh fẽg mũ ẽn ti. Kỹ tóg Topẽ mỹ há tĩ sir.

Éfeso 5:27

Ẽg tỹ vẽnh mỹ nỹtĩnh ke tũ vẽ. Ẽg tỹ kaga ri ke nỹtĩnh ke tũ vẽ. Ẽg kórég nỹtĩnh ke tũ vẽ gé. Ẽg sĩnvĩ tãvĩ nỹtĩnh ke vẽ, ẽg tỹ tỹ ti tũ nỹtĩn kỹ. Cristo prũnh ke ri ke vỹ tỹ ẽg nỹtĩ.

Filipos 2:15

Hã tugnĩn ũ tóg ãjag to jykrén kónãn ke tũ nĩ, ãjag tỹ kygnẽg tũ nĩn kỹ. Kỹ ãjag tóg tỹ Topẽ krẽ nỹtĩ gé, ãjag tỹ ti jykre há han kỹ. Ẽprã ke kar vỹ jykre pãno nỹtĩ, Topẽ vĩ mranh kỹ. Kỹ ãjag tóg ag mỹ jẽngrẽ ri ke nỹtĩ, ãjag tỹ ag mỹ Topẽ vĩ kãmén kỹ.

Colossos 1:22

Hã ra ti kósin tóg ẽg ri ke mur ja nĩ. Kỹ tóg ẽg jagfy ter ja nĩ. Hã kỹ Topẽ tóg ãjag to há nĩ ha, ãjag tỹ tỹ ti tũ nỹtĩ jé, ãjag tỹ hapẽ nỹtĩ jé.

Colossos 2:2

“Ag tỹ inh vãsãn tag mẽ kỹ ag hỹn tóg nén ũ kamẽg ke tũ nĩ. Kỹ ag hỹn jagnẽ to há kar nỹtĩnh mũ,” he sóg tĩ. Inh mỹ tóg ãjag tỹ tag ki kanhrãn kãn há tĩ. Topẽ tỹ nén to jykrén jan hã vỹ tỹ Cristo nĩ.

Colossos 3:12

Topẽ vỹ ãjag kuprẽg, ãjag tỹ tỹ ti tũ nỹtĩ jé, ti tỹ ãjag to há tãvĩ nĩn kỹ. Kỹ ti jykre hã han nĩ. Jagnẽ jagãgtãn nĩ. Jagnẽ mỹ vĩ há han nĩ. Vẽsỹ ũn mág han sór tũg nĩ. Komẽr hã vĩm nĩ. Jagnẽ to fe nỹtĩm nĩ.

1 Tessalônica 3:12

Ti hã mỹ sóg to vĩ tĩ, ti tỹ ãjag tỹ jagnẽ to há tãvĩ han jé. Jagnẽ to há ãjag nỹtĩ. Ti hã vỹ ãjag tar han ke mũ, ãjag tỹ vẽnh kar to há nỹtĩ to tar nỹtĩ jé, isỹ ãjag to há nĩ ri ke.

1 Tessalônica 4:7

Ẽg tỹ vẽnh kavénh kỹ ẽg tóg Topẽ jykre han tũ nĩgtĩ mỹr. Ti jykre vỹ kuryj nỹ. Ẽg tỹ tỹ ti tũ nỹtĩ hã jé tóg ẽg kuprẽg.

2 Timóteo 1:9

Ti hã ne ẽg kren han'. Ti hã ne ẽg kuprẽg', ẽg tỹ tỹ ti tũ nỹtĩ jé. Ẽg tỹ vẽsóg ki to vãsãn pijé'. Ti hã ne to jykrén'. Kỹ tóg ẽg jagãgtãn kỹ ẽg kuprẽg, Jesus Cristo tugrĩn. Nén kar han ke to hã tóg tag to jykrén ja nĩgtĩ.

2 Timóteo 2:10

Hã kỹ sóg ise kỹ jẽ hã ra ti to tar nĩ, Topẽ tỹ ũn kuprẽg mũ ag jagfy, ag krenkren jé, ag tỹ Jesus Cristo ki ge tugrĩn kanhkã tá junjun jé.

2 Timóteo 2:19

Ẽg tỹ ĩn han kỹ ẽg tóg ti nũna ẽn tar han tĩ. Ẽn ri ke ti nĩ, Topẽ jykre ti. Kỹ tóg tũ' henh ke tũ nĩ, ũ ag tỹ ón kỹ to vĩ mũ hã ra. Ẽg tỹ ti ki ge kỹ nỹtĩn kỹ tag vỹ ẽg to rán kỹ nĩ, ha mẽ: “ẽg Senhor vỹ ti tũ ag ki kanhró nĩ,” he tóg mũ. Kar kỹ tóg: “vẽjykre pãno tovãnh kãn ra, ãjag tỹ: inh Senhor vỹ tỹ ti nĩ, Jesus ti, he jé,” he mũ.

Tiago 2:5

Inh kanhkã', jẽmẽ há han ra. Ãjag to sóg há nĩ mỹr, hã kỹ sóg ãjag jyvẽn mũ. Topẽ vỹ ũn jagtar ag kuprẽg, ag tỹ ti to rikon jé, ti ki ge kỹ. Ga kri mũn kỹ ag tóg jagtar nỹtĩ. Ẽg Senhor ki ge kỹ ag tóg há nỹtĩ hã ra. Topẽ tỹ tỹ ẽg pã'i nĩ ve jé ag tóg ke mũ, ag tỹ ti to há nỹtĩn kỹ.

1 Pedro 1:2

Topẽ vỹ ãjag kuprẽg. Vãsỹ tóg to jykrén ja nĩ, ẽg jóg tỹ Topẽ ti. Ãjag mỹ tóg ti kuprĩg jẽnẽ, ãjag tỹ Jesus Cristo vĩ kri fi jé, ti tỹ ti kyvénh tỹ ãjag kygpe jé, ãjag tỹ ti ri ke há nỹtĩ jé. Topẽ jé ãjag tar han mãn', han mãn' hé, kỹ ãjag jé krĩ kãnhvy nỹtĩ.

1 Pedro 1:20

Topẽ vỹ ti kuprẽg, ti tỹ ẽg jagfy ter jé. Ti tỹ nén ũ kar han tũ ki tóg ti kuprẽg, vãsỹ. Hã ra tóg ũri ga kri mur ja nĩ, ãjag tỹ ti vĩ mẽ jé, kurã tỹ ẽgno to hã.

1 Pedro 2:9

Ãjag hã kuprẽg tóg, ãjag tỹ tỹ ti tũ to pã'i mág nỹtĩ jé, ãjag tỹ tỹ ti povo nỹtĩ jé, vyr mỹ. Ãjag kuprẽg tóg, ãjag tỹ ti tỹ nén han mũ kãmén jé, ti jykre tar ti. Vãsỹ ãjag tóg kuty mĩ mũ ja nĩgtĩ. Hã ra tóg ãjag tatĩ kãtĩg, ãjag tỹ ũri kurã mĩ mũ jé, jẽngrẽ mĩ.

2 Pedro 3:14

Inh kanhkã', ãjag to sóg há tãvĩ nĩ. Topẽ kurã tag jãvãnh ãjag tóg nỹtĩ. Kỹ vãsãnsãn nĩ, ãjag tỹ kygnẽg tũ nĩ jé. Vãsãnsãn nĩ, ãjag tỹ Topẽ mỹ jãnhkri nỹtĩ jé, ãjag tỹ ti há ri ke nỹtĩ jé. Kỹ ãjag tóg ti kato vãsãnsãn ke tũ nĩ.

1 João 4:16

Topẽ vỹ ẽg to há nĩ. Tag ki kanhró ẽg tóg nỹtĩ. Kỹ ẽg tóg ti vĩ kri fig mũ gé, ti tỹ ẽg mỹ: “ãjag to sóg há nĩ,” hen kỹ. Topẽ vỹ ẽg to há nĩ. Kỹ, ẽg tỹ ti to há nỹtĩn kỹ ẽg tóg ti ki ge kỹ nỹtĩ. Kỹ Topẽ vỹ ẽg ki ẽmãn ha.

Nén Venh Ke 13:8

Ẽprã ke kar ag vỹ ti to: “Topẽ vẽ,” he tĩ. Ag jãvo ũ ag jygji tóg ránrán kỹ nỹtĩ, Topẽ livro ki, ũ tỹ rĩr krỹg ja tũ venh ke mũ ẽn ag. Topẽ tỹ nén ũ kar han ke to hã tóg ag jygji ránrán ja nĩgtĩ, livro ẽn ki. Cordeiro tỹ ũn jagfy ter ja ẽn ag tũ vẽ, livro ẽn ti.

Nén Venh Ke 17:8

“Fi mẽg tag vỹ vãsỹ jẽ ja nĩgtĩ. Ũri tóg ki tũ nĩ, hã ra tóg kãnhmar nũgme tá kãkutẽnh ke mũ, Topẽ tỹ ti kókén pẽ han jé. Kỹ tóg ẽprã ke ag mỹ e tĩnh mũ, ag tỹ fi mẽg tag ven kỹ, ũn jygji tỹ Topẽ livro ki rán kỹ nỹtĩ tũ ag mỹ. Topẽ tỹ nén ũ kar han to hã tóg ag rán ja tũ nĩ. Kỹ ag tóg rĩnrĩr ke tũ nĩ. Vãsỹ tóg nĩ ja nĩgtĩ. Kỹ tóg ver ki tũ nĩ. Hã ra tóg kejẽn kãtĩg mãn ke mũ.