Éfeso 1:3 - O Novo Testamento na língua Kaingáng

³ Ẽg kar jé Topẽ mỹ vĩ há han, ẽg Senhor tỹ Jesus Cristo panh mỹ. Ẽg tỹ Cristo ki ge kỹ nỹtĩn kỹ Topẽ tóg ẽg mỹ kanhkã tá nén ũ há kar ti ven sór mũ. Kỹ nén ũ tóg ẽg mỹ tũ' henh ke tũ pẽ nĩ. Hã jé tóg ẽg mỹ ti kuprĩg jẽnẽ, ẽg tỹ ti tugrĩn nén ũ há kar ve jé.

Éfeso 1:3 Iomraidhean Croise

Lucas 2:28

Simeão tỹ fag ve kỹ tóg Jesus vãg mũ sir, kỹ tóg ti to Topẽ mỹ vĩ há han mũ.

João 14:20

Kurã ẽn kã ãjag tóg inh ki kanhrãn há han ke mũ, isỹ inh panh mré tỹ ũn pir nĩ ẽn ti. Kỹ ãjag tóg inh mré tỹ ũn pir nỹtĩnh ke mũ gé, ha mẽ,” he tóg.

João 17:21

Ag kar tỹ tỹ ũn pir nỹtĩnh ken kỹ tóg há tĩ, ã tỹ inh mré tỹ ũn pir nĩ ẽn ri ke, isỹ ã mré tỹ ũn pir nĩ ẽn ri ke. Fag tỹ ẽg mré tỹ ũn pir nỹtĩn kỹ tóg há tĩ. Kỹ vẽnh kar vỹ venh ke mũ, ã tỹ nén to inh jẽnẽg mũ ti.

João 20:17

Hã ra tóg fi mỹ: “inh vóg tũg nĩ ver,” he mũ. “Isỹ inh panh ra tãprynh ke vẽ. Inh kanhkã ag mỹ tónh tĩg nĩ, hã ra. Ag mỹ: “isỹ inh panh venh tĩg ke vẽ, hã ra tóg tỹ ãjag panh nĩ gé, he tóg,” hem nĩ. “Isỹ inh Topẽ to tãprynh ke vẽ, hã ra tóg tỹ ãjag Topẽ nĩ gé, he ti,” hem nĩ, ag mỹ,” he tóg Jesus ti, Maria Madalena fi mỹ.

Roma 12:5

Ge ẽg nỹtĩ gé. E ẽg nỹtĩ. Hã ra ẽg tóg ẽg tỹ Cristo ki ge kỹ nỹtĩn kỹ ẽg há ri ke nỹtĩ. Kỹ ẽg tóg jagnẽ ki rĩr ke mũ sir, ẽg há ki nỹtĩ tỹ jagnẽ ki rĩr tĩ ẽn ri ke.

Roma 15:6

Kỹ ãjag tóg jagnẽ mré ẽg jóg tỹ Topẽ to: “ũn mág vỹ tỹ ti nĩ,” henh ke mũ gé. Vẽnh vĩ pir han jé ãjag tóg ke mũ, ti to, ẽg Senhor tỹ Jesus Cristo to ke gé.

1 Corinto 1:30

Topẽ mré ke vỹ tỹ ẽg nỹtĩ, ha mẽ, ẽg tỹ tỹ Jesus Cristo mré ke nỹtĩn kỹ. Topẽ hã vỹ ẽg krĩ há han mũ', ti hã vỹ ẽg mỹ vẽnh pãte fón mũ', Jesus tugrĩn. Ti hã ne ẽg krenkren han mũ'. Topẽ tỹ ti mỹ vẽjykre nĩm hã vẽ, ti tỹ ẽg tỹ tag han jé,

1 Corinto 12:12

Ẽg há to jykrén nĩ, ha mẽ. Ẽg há vỹ tỹ ũn pir nĩ, hã ra ẽg há ki nỹtĩ vỹ e nỹtĩ, ẽg pẽn, ẽg nĩgé, ẽg nĩgrẽg, ti kar ti. Kỹ ẽg há ki nỹtĩ kar vỹ tỹ ẽg há nĩ sir. Nén ũ pir vẽ sir, ti e nỹtĩ ra, ti tỹ ẽg ki nỹtĩ kar nĩn kỹ. Tag ri ke ẽg nỹtĩ gé. Cristo há ri ke ẽg nỹtĩ, ẽg tỹ ti ki ge kỹ nỹtĩn kỹ.

2 Corinto 1:3

Topẽ mỹ sóg vĩ há han tĩ, ẽg Senhor tỹ Jesus Cristo panh mỹ, ẽg jóg mỹ, ũ tỹ ẽg jagãgtãn tĩ ẽn mỹ. Ẽg vẽsỹrénh kỹ tóg ẽg krĩ tỹ kãnhvy' he tĩ. Ti hã mỹ sóg vĩ há han tĩ.

2 Corinto 11:31

Topẽ hã ne ki kanhró nĩ', ẽg Senhor tỹ Jesus jóg ti. Ti hã mỹ ẽg vĩ há han ke mũ, kỹ tóg tũ' henh ke tũ pẽ nĩ. Ti hã ne ki kanhró kar nĩ'. Inh pijé ón mũ'.

2 Corinto 5:17

Hẽ ri ken kỹ? Cristo tỹ ẽg han mãn kỹ mỹr. Ti ki ge kỹ ẽg nỹtĩ, hã kỹ tóg ẽg han mãn ja nĩ. Ẽg jykre pãno tóg tũ tĩ ha. Ũri ẽg tóg tỹ ũn tãg nỹtĩ ha, ẽg krĩ, ẽg jykre ti ke gé.

2 Corinto 5:21

Jesus pijé Topẽ vĩ mranh ja nĩgtĩ'. Hã ra tóg ẽg tỹ ti vĩ mranh ja ẽn kajãm kãn. Kỹ tóg ẽg mỹ Topẽ jykre kuryj ẽn nĩm mũ sir, ẽg jagfy kajãm kar kỹ.

Galácia 3:9

Topẽ tỹ Abraão mỹ vĩ há han kỹ tóg ũ tỹ ti nón ti ki ge kỹ nỹtĩ ag mỹ vĩ há han ke mũ gé sir.

Éfeso 1:10

Cristo tỹ tóg ũn mág han mũ, kanhkã tãn ag kri, ga kri mũ ag kri ke gé. Kỹ ẽg kar vỹ tỹ ti krẽm ke nỹtĩnh mũ. Povo pir ri ke ẽg nỹtĩnh mũ, kurã ẽn kã.

Éfeso 1:17

Ẽg Senhor tỹ Jesus Cristo panh mré sóg vẽmén tĩ, ẽg jóg mré, ũn mág pẽ ẽn mré. Kỹ sóg ti mỹ: “ã kuprĩg tỹ ag krĩn nĩ,” he tĩ. “Ã kuprĩg tỹ ag mỹ vẽnh kãmén há han nĩ, ag tỹ ã ki kanhrãn há han jé,” he sóg tĩ.

Éfeso 1:20

Ti tar tãvĩ nĩn kỹ tóg Cristo ter kar kỹ ti rĩn mãn ja nĩgtĩ gé. Kỹ tóg ti mỹ: “ha inh pẽgja tá nĩ,” he ja nĩ gé, kanhkã tá.

Éfeso 2:6

Cristo mré tóg ẽg rĩnrĩn mãn ja nĩgtĩ gé. Kanhkã tá tóg ẽg tỹ ũn mág han ke mũ, Jesus Cristo mré.

Éfeso 3:10

Ũri tóg ve há tĩ ha, ti tỹ vãsỹ nén to jykrén mũ ẽn ti. Kanhkã tãn ag mỹ tóg ve há tĩ ha, tá pã'i ag mỹ. Ag tỹ ũ tỹ Jesus ki ge kỹ nỹtĩ ag ve kỹ ag tóg Topẽ jykre hapẽ ẽn ki kanhró nỹtĩ.

Filipos 2:11

Kỹ vẽnh kar tóg: “Jesus Cristo vỹ tỹ pã'i mág nĩ,” henh ke mũ sir. Tag hã tugrĩn ag tóg sir Topẽ to: “tỹ tóg ẽg kãfór kar nĩ,” he mũ. Tag to jykrén nĩ, ãjag tỹ ti kóm han jé, Jesus Cristo kóm.

Hebreu 8:5

Topẽ ĩn krẽm ag tóg nén ũ nĩ pũn tĩ, Moisés tỹ ag mỹ vẽjykre nĩm kỹ. Topẽ hã vỹ ti mỹ tó ja nĩ, ti tỹ kur tỹ ĩn han jafã tỹ Topẽ mỹ ĩn han jé. Ti mỹ tóg: “ã mỹ sóg ã tỹ nén han ke mũ ẽn ven kãn huri,” he mũ. “Ã tỹ pãnónh kri nĩ ẽn kã sóg ã mỹ ven kãn. Sỹ ã mỹ nén ven mũ ẽn hã han nĩ,” he ja tóg nĩ, hã kỹ tóg han. Ðn ẽn krẽm ag tóg, ũri nén ũ ũ pũn tĩ, Judeu ag jykre ki, Topẽ tũ ki rĩr tĩ ag.

Hebreu 9:23

Vẽjykre ẽn vỹ, kanhkã tá vẽjykre ri ke sĩ nĩ. Hã kỹ vẽnh mẽg kyvénh vỹ, nén kar ẽn jãnhkri han ja nĩgtĩ. Ẽg tỹ hã ra kanhkã ve jé tóg, há tũ nĩ, ẽg mẽg tỹ ẽg jagfy ter mũ ti. Ẽg mẽg vỹ, ẽg tỹ kanhkã tá jun han ki kagtĩg nĩ.

1 Pedro 1:3

Topẽ mỹ sóg vĩ há han tĩ, ẽg Senhor tỹ Jesus Cristo panh mỹ. Ẽg jagãgtãn tãvĩ han tóg tĩ. Jesus Cristo rĩn mãn tóg, ti ter kar kỹ, kỹ tóg Jesus tugrĩn ẽg mur mãn ri ke han tĩ gé. Kỹ tóg ẽg mỹ sér tĩ,