Éfeso 1:12 - O Novo Testamento na língua Kaingáng

¹² Ẽg hã vỹ vãsỹ tag ve sór ja nĩ. Kỹ ẽg tóg ve vén. Kỹ ãjag tóg ẽg jykre ve kỹ Topẽ tỹ tỹ ũn mág nĩ vég mũ sir.

Éfeso 1:12 Iomraidhean Croise

João 14:1

Kỹ tóg ag mỹ: “krĩ kufy han tũg nĩ,” he mũ gé. “Inh ki rã há han nĩ, kỹ Topẽ ki rã há han nĩ gé.

Éfeso 1:6

ẽg tỹ ti mỹ vĩ há han jé. Ũn mág vỹ tỹ ti nĩ, ẽg jagãgtãn tóg tĩ. Hã kỹ tóg há tĩnh mũ, ẽg tỹ ti mỹ vĩ há han kỹ.

Éfeso 2:7

Tag ve kỹ vẽnh kar vỹ ki kanhró nỹtĩnh mũ, Topẽ tỹ Jesus Cristo tugrĩn ẽg to há tãvĩ nĩn ki. Hã jé tóg ẽg mỹ nén ũ há ẽn ven ke mũ. Tũ' he jãvãnh ti nĩ, ti tỹ ẽg mỹ nén ven ke ti.

Éfeso 3:21

Kỹ ẽg tóg ti hã mỹ vĩ há han ke mũ, ẽg tỹ Jesus Cristo ki ge kỹ nỹtĩn kỹ. Ẽg tỹ ti mỹ vĩ há han vỹ tũ' henh ke tũ nĩ. Hã vẽ.

2 Tessalônica 2:13

Jãvo sóg ãjag to Topẽ mré vĩ há han tĩ, kurã kar ki mỹr. Tỹ ãjag tóg Jesus mré ke nỹtĩ, ẽg Senhor mré. Kỹ tóg ãjag to há tãvĩ nĩ. Topẽ vỹ ãjag kuprẽg. Ti kuprĩg tỹ tóg ãjag tỹ tỹ ti tũ nỹtĩ han, ãjag krenkren jé. Kỹ ãjag tóg ti vĩ kri fig mũ, vẽnh vĩ há ẽn kri.

2 Timóteo 1:12

Hã kỹ sóg se kỹ jẽ ha. Hã ra sóg mỹ'ãg ke tũ nĩ. Ti ki rã kỹ sóg jẽ ha. Ti ki kanhró sóg nĩ. Nén ũ kar to tóg tar nĩ. Hã kỹ tóg inh ki rĩr há han ki kanhró nĩ gé, sỹ ti mỹ vẽnh fẽg kỹ, isỹ kurã tỹ ẽgno pétẽm há han jé.

Tiago 1:18

Ti hã tóg ẽg han mãn', ẽg tỹ ti ki ge kỹ. Ẽg to tóg ti vĩ há jẽnẽ. Vẽnh vĩ há tag tỹ tóg ẽg han mãn mũ sir. Kỹ ẽg tóg tỹ, ti tỹ nén han mũ kar kri ke nỹtĩ, ẽg tỹ tỹ ti krẽ nỹtĩn kỹ.

1 Pedro 1:21

Ti tugrĩn ãjag tóg Topẽ ki ge kỹ nỹtĩ. Ti rĩn mãn ja tóg nĩ, Topẽ ti. Kỹ tóg ti tỹ ũn mág han ja nĩ gé, kanhkã tá. Kỹ Topẽ ki rã há han nĩ. Ãjag krenkren han jé tóg ke mũ, ha vem nĩ.