Éfeso 1:10 - O Novo Testamento na língua Kaingáng

¹⁰ Cristo tỹ tóg ũn mág han mũ, kanhkã tãn ag kri, ga kri mũ ag kri ke gé. Kỹ ẽg kar vỹ tỹ ti krẽm ke nỹtĩnh mũ. Povo pir ri ke ẽg nỹtĩnh mũ, kurã ẽn kã.

Éfeso 1:10 Iomraidhean Croise

Mateus 25:32

Kỹ ẽprã ke kar vỹ inh jo vẽnh mãn kãn ke mũ sir. Kỹ sóg vẽnh kar tỹ vẽnh kãpãm ke mũ sir, ha mẽ. Carneiro mré cabrito ki rĩr tĩ ẽn vỹ kejẽn ti mẽg tỹ vẽnh kãpãm tĩ.

Marcos 1:15

Kỹ tóg: “Pétẽm ti huri, ẽg tỹ Topẽ tỹ tỹ ẽg pã'i nĩ venh ke ti,” he mũ. “Kỹ ãjag jykre kórég tovãnh nĩ. Ti vĩ kri fim nĩ, ãjag tỹ ti tỹ tỹ ẽg pã'i nĩ ẽn ve jé,” he tóg.

1 Corinto 10:11

Hã ra Topẽ tóg ag vóg kónãn, ẽg tỹ ag to vẽnh kanhrãn jé. Hã jé tóg rán kỹ nĩ gé, ti tỹ to ẽg jyvẽn jé. Ẽg hã mỹn kakó nĩ, kurã tỹ ẽgno ti.

1 Corinto 11:3

Hã kỹ sóg, nén ũ ki ãjag kanhrãn sór mũ sir, ha mẽ. Cristo vỹ tỹ ag krĩ nĩ, kỹ ag vỹ tỹ ag prũ fag krĩ nỹtĩ, fag tỹ tỹ ag nón ke nỹtĩ ra. Kỹ Topẽ vỹ tỹ Cristo krĩ nĩ gé. Jó ẽg kar vỹ vãhã tỹ Cristo nón ke nỹtĩ gé.

Galácia 4:4

Ti kurã tá krỹg kỹ Topẽ tóg ti kósin jẽnẽ. Ẽprã ke fi ki tóg mur. Moisés tỹ ẽg jyvẽn ja ẽn ki króm kãn ja tóg nĩgtĩ.

Éfeso 1:22

Kỹ Topẽ tóg ti krẽm vẽnh kar vin kãn. Kỹ tóg tỹ vẽnh kar kri ke jẽ sir, Cristo ti. Kỹ tóg tỹ ẽg kri ke jẽ gé sir, ẽg tỹ tỹ ti tũ nỹtĩn kỹ.

Éfeso 2:15

Topẽ tỹ vãsỹ Judeu ag jyvẽn mũ kar ẽn tỹ tóg tũ' he ja nĩgtĩ, vẽjykre si ẽn, Moisés tỹ rá ẽn ti. Jesus ter tugrĩn tóg tỹ tũ' he ja nĩgtĩ, ti tỹ ẽg mỹ ũ tãg nĩm jé sir. Povo e tỹ tóg ũn pir han ja nĩgtĩ, ũ tãg, ẽg tỹ jagnẽ kato vãsãn mãn tũ nĩ jé. Tỹ ẽg vẽnh kanhkã pir nỹtĩ ha. Topẽ tỹ nén to jykrén mũn hã vẽ.

Éfeso 3:15

Ti tugrĩn ẽg tóg rĩnrĩr nỹtĩ, ẽprã ke kar, kanhkã tá ke kar ke gé. Kỹ tóg ẽg ki rĩr tĩgtĩ.

Éfeso 3:2

Ãjag hỹn tóg Topẽ tỹ isar han mũ ẽn mẽ. Isỹ ãjag ki rĩr jé tóg isar han, isỹ ũ tỹ Judeu jykre han tũ ag ki rĩr jé.

Colossos 1:16

Ti kósin tugrĩn tóg nén ũ kar hynhan ja nĩgtĩ gé. Kanhkã tá ke ẽn hynhan kãn ja ti nĩgtĩ, ga kri ke kar ke gé, ẽg tỹ nén vég tĩ kar, ẽg tỹ nén ve vãnh kar ke gé. Pã'i kar hynhan ja ti nĩgtĩ gé, ũn tar ag, ũn mág ag, ũn kãsir ag mré hã. Kỹ tóg ti hã mỹ hynhan kãn ja nĩ, nén ũ kar ti.

Colossos 1:20

Kỹ tóg ti ter tugrĩn vẽnh kar to há nĩ ha, Jesus tỹ krunh to sa tugrĩn. Ti kyvénh jamẽn kỹ tóg ẽg to jũ tũ nĩ ha, ũ tỹ ga kri mũ ag to, kanhkã tãn ag to ke gé, Topẽ ti.

Colossos 3:11

Kỹ ẽg tóg tỹ ũn pir nỹtĩ ha, fóg ag, Judeu ag, kanhgág ag, patrão krẽm ke ag, ag patrão mré hã. Ẽg tỹ Cristo ki ge kỹ ẽg tóg tỹ ũn pir nỹtĩ. Kỹ Cristo hã vỹ tỹ ẽg kar kri ke nĩ.

Hebreu 1:2

Ũri kurã tỹ ẽgno tóg kakó tĩ ha, kỹ tóg ũri ti kósin jẽnẽ, ti tỹ ẽg mỹ Topẽ vĩ tó jé. Ti mré tóg nén ũ kar hynhan ja nĩgtĩ. Kỹ tóg ti mỹ nén ũ kar tag vin ke mũ gé, Topẽ ti, ti tũ kar ẽn ti.

Hebreu 11:40

Topẽ vỹ ẽg to jykrén ja nĩ gé, hã kỹ tóg ver ag mỹ ven ja tũ nĩ. Ti tỹ ẽg mré ag mỹ ven sór vẽ, ẽg tỹ jagnẽ mré kanhkã tá junjun jé.

Hebreu 9:10

Kỹ ag tóg ag tỹ ti mỹ pũn há han jé, vẽjykre tỹ ge han tĩ gé, ha mẽ. Vẽjẽn to ag tóg jykrén tĩ, kỹ ag tóg vẽjẽn ũ to: “tag konh ke tũ ẽg nĩ, tag kron ke tũ ẽg nĩ,” he tĩ. Kỹ ag tóg goj tỹ vẽnh kype tỹ hẽn ri ke han tĩ gé. Tag ki vẽjykre kar vẽ, ẽprã. Kỹ Topẽ tỹ vẽjykre tãg han kỹ ẽn vỹ tóg tũ' he mũ sir.

1 Pedro 1:20

Topẽ vỹ ti kuprẽg, ti tỹ ẽg jagfy ter jé. Ti tỹ nén ũ kar han tũ ki tóg ti kuprẽg, vãsỹ. Hã ra tóg ũri ga kri mur ja nĩ, ãjag tỹ ti vĩ mẽ jé, kurã tỹ ẽgno to hã.

Nén Venh Ke 5:9

Cordeiro ẽn mỹ ag tóg jãn mũ. Jesus jé tag tó ag tóg mũ, ha mẽ. “Ã hã ne livro mãn kỹ ti tógfĩ kygvãg mũ ha'. Ã tén ja ag tóg nĩ, kỹ ã tóg ter kỹ ẽprã ke ag kygjãm, Topẽ mỹ, vẽnh vĩ kar tó tĩ ag kã mĩ, nação kar ag kã mĩ. Povo kar ag kã mĩ ã tóg ũ ag kygjãm ja nĩgtĩ.