1 Corinto 8:2 - O Novo Testamento na língua Kaingáng

^2-3 Ẽg tỹ nén ũ to: “ki kanhró sóg nĩ, ã jãvo,” hen kỹ tóg tỹ ẽg tỹ jagnẽ to é he ven nĩ.

1 Corinto 8:2 Iomraidhean Croise

Roma 11:25

Isỹ ãjag mỹ nén ũ kãmén sór vẽ, ãjag tỹ mẽ ja tũ ũ, ha mẽ, ãjag tỹ Judeu ag to é he tũ nĩ jé. Ha vé, Judeu ũ ag vỹ ver mẽ sór tũ nĩgtĩ. Ũ ag tóg mẽ sór mũ. Kejẽn vẽnh kar tóg hã ra mẽ kãn ke mũ, fóg ag kar, kanhgág ag kar ke gé, Judeu ag kar ke gé.

1 Corinto 13:12

Ũri ẽg tóg ve há han tũ nĩgtĩ ver, ẽg Senhor jykre ti. Kỹ tóg ẽg tỹ vẽnh ve jafã ki vẽnh ve há han tũ ri ke nĩ. Kurã ẽn kã ẽg tóg nén kar ve há han kãn ke mũ, hã ra. Ẽg hã vỹ tóg ti venh ke mũ. Ũri ẽg tóg sĩn kỹ ti ki kanhró nỹtĩ. Kurã ẽn kã ẽg tóg ki kanhrãn kãn ke mũ, ti tỹ ẽg ki kanhró kar ẽn ri ke.

1 Corinto 3:18

Kygnẽ tũg nĩ. Vẽso: “ki kanhró mág inh nĩ,” he tũg nĩ. Ãjag tỹ ẽprã ki kanhró mág nỹtĩn kỹ to: “nén ũ tũ vẽ,” hem nĩ, ãjag tỹ Topẽ jykre hã ki kanhrãn jé.

Galácia 6:3

Kejẽn ũ tóg vẽsóg ki vẽsỹ ũn mág han sór mũ. Hã ra tóg tỹ nén ũ tũ nĩ. Ti tỹ kygnẽ vẽ. Vẽnh hã mỹ tóg ón mũ sir.