1 Corinto 8:1 - O Novo Testamento na língua Kaingáng

¹ Kỹ sóg ãjag mỹ vẽjẽn tó sór mũ gé. Ag mẽg tãnh kỹ ag tóg vẽnh kãgrá tỹ topẽ mỹ pũn vén tĩ. Kar kỹ ag tóg açougue tá ti ke ẽn vẽne he tĩ. Kỹ ãjag kã mĩ ũ tóg: “inh mỹ tá mãn kỹ konh mỹ vỹ?” he tĩ. Hã ra ãjag kã mĩ ũ tóg: “ki kanhró mág ẽg nỹtĩ, to tar ẽg nỹtĩ. Jatun mỹ ẽg tóg konh ke mũ,” he tĩ. Ẽg tỹ nén ũ to: “ki kanhró mág inh nĩ,” hen kỹ tóg: “ti kãfór inh nĩ,” henh ha mẽ tĩ. Ẽg tỹ hã ra jagnẽ to há nỹtĩnh ke vẽ.

1 Corinto 8:1 Iomraidhean Croise

Han Kãme 15:10

Topẽ tỹ há vẽ. To: vẽnh mỹ ti nĩ, he tũg nĩ. Ag mỹ ãjag tóg vẽjykre jagy ẽn nĩm sór mũ, ti tỹ ẽg mỹ han jagy ja ra. Ẽg jógjóg ag mỹ tóg han jagy ja nĩ, kỹ tóg ag mỹ ag tỹ ki króm tũ nĩnh ha mẽ tĩ, ẽg mỹ ke gé. Hã ra ãjag tóg ag mỹ nĩm sór mũ.

Han Kãme 15:29

vẽnh kãgrá to fénhta ko tũg nĩ, nén ũ kyvénh ko tũg nĩ gé. Nén ũ tỹ vẽsóg ki ter mũ ẽn ko tũg nĩ gé. Ãjag prũ tũ fag mré nỹ tũg nĩ gé. Ãjag tỹ tag ki króm kỹ tóg há tĩ. Jatun mỹ nỹtĩm nĩ.“ Vẽnhrán hã vẽ.

Han Kãme 21:25

“Jó ẽg tóg fóg tỹ Jesus ki ge mũ ag mỹ vẽnh rá jẽnẽ ja nĩgtĩ. Ag mỹ ẽg tóg: Moisés tỹ ẽg mỹ nén nĩm ja ẽn han ke tũ ãjag nĩ. Ãjag tỹ nén han ken hã vẽ, ha mẽ: vẽnh kãgrá to fénhta ko tũg nĩ. Nén ũ kyvénh ko tũg nĩ gé. Nén ũ tỹ vẽsóg ki ter mũ ko tũg nĩ gé. Ãjag prũ tũ fag mré nỹ tũg nĩ gé, he ja ẽg tóg nĩgtĩ ag mỹ,” he ag tóg, kófa ag, Paulo mỹ.

Roma 11:25

Isỹ ãjag mỹ nén ũ kãmén sór vẽ, ãjag tỹ mẽ ja tũ ũ, ha mẽ, ãjag tỹ Judeu ag to é he tũ nĩ jé. Ha vé, Judeu ũ ag vỹ ver mẽ sór tũ nĩgtĩ. Ũ ag tóg mẽ sór mũ. Kejẽn vẽnh kar tóg hã ra mẽ kãn ke mũ, fóg ag kar, kanhgág ag kar ke gé, Judeu ag kar ke gé.

Roma 12:16

Jagnẽ mré vẽjykre pir hã han nĩ, hã vỹ: jagnẽ to há, he mũ. Vẽsỹ ũn mág han sór tũg nĩ. Tỹ ũn kãsir ag mré ke nỹtĩm nĩ. “Ag mré ke vỹ tỹ inh nĩ,” hem nĩ, ũn kãsir ag to. Hẽn ri ke mũn ãjag kã mĩ ũ tóg vẽnh kanhrãn mág to tar nĩ, ãjag kãfór. Ti jé: “ag kãfór inh nĩ, vẽnh kanhrãn mág ja tag to,” he tũg.

Roma 14:10

Kỹ ãjag tỹ hẽ ri ken kỹ jagnẽ to vĩ sór nẽ? Ãjag tỹ hẽ ri ken kỹ jagnẽ to é he nẽ? Topẽ hã vỹ ẽg jykre ve kãn ke mũ, ẽg kar, ti tỹ ẽg jé prẽr ken kỹ.

Roma 14:14

Tag ki kanhró inh nĩ, ha mẽ: vẽjẽn pijé ẽg kavénh tĩ'. Jesus tỹ tón hã vẽ. Nén ũ tũ vẽ, vẽjẽn ti. Ẽg tỹ ko jafã tãvĩ vẽ. Hã ra ũ tóg nén ũ nĩ to: “vẽnh kãgrá mỹ ag tóg pũn ja nĩ, vẽnh mẽg ẽn nĩ ti. Hã kỹ sóg ko kỹ Topẽ vĩ mranh tĩ,” he tĩ. Ũ tỹ tag tó mũ jykre kavénh ti tĩ, ti tỹ ge ra kon kỹ.

Roma 14:19

Kỹ ẽg jé jagnẽ krĩ kuprãg hã to jykrén. Ẽg jé jagnẽ tar han sór.

Roma 14:22

à tỹ nén ũ to: “kórég tũ ti nĩ,” hen kỹ Topẽ hã mỹ tóm nĩ. Hã ra ã régre rĩnve han tũg nĩ, ti tỹ ã mỹ há nĩ ra, ã régre tỹ ã tugnĩn Topẽ vĩ mranh tũ nĩ jé. à tỹ Topẽ tỹ ã mỹ nén tó mũ hã han kỹ tóg há nĩ, kỹ ã tóg jatu nĩ, ha vem nĩ.

Roma 14:3

Hã ra ãjag kã mĩ ũ ag tóg ge ra ko tĩ, vẽnh kãgrá tỹ ag mỹ tỹ nén ũ tũ nĩn kỹ. Ãjag tỹ ko kỹ ũ tỹ ko vãnh ẽn to é he tũg nĩ. Kỹ ãjag tỹ ko vãnh nĩn kỹ ũ tỹ ko mũ ẽn to: “ti kórég han ti tĩ,” he sór tũg nĩ gé. Vẽjẽn to jagnẽ mỹ vĩ tũg nĩ. Ã mré tóg Topẽ ki rã kỹ jẽ gé, ũ tỹ ko mũ ti, kỹ ti to vĩ tũg nĩ.

Roma 15:14

Inh kanhkã', vẽjykre há han kỹ ãjag tóg nỹtĩ. Isỹ ãjag mỹ tó tũg ki ãjag tóg ki kanhrãn ja nĩ. Vég isóg nĩ nĩ. Hã kỹ ãjag tóg jagnẽ jyvẽn ki kanhró nỹtĩ gé.

1 Corinto 1:5

Ti tugrĩn ãjag tóg ũn riko ag ri ke nỹtĩ, nén kar to mỹr, Topẽ vĩ to, vẽjykre há kar to. Ki kanhró ãjag tóg nỹtĩ.

1 Corinto 10:15

Ki kanhró ãjag tóg nỹtĩ. Hã kỹ ẽg tỹ Jesus jamĩ ko tĩ ẽn to jykrén nĩ, ha mẽ.

1 Corinto 10:28

Hẽn ri ke mũn ũ tóg sir ã mỹ: “vẽjẽn tag pũn ag, ón kỹ vẽnh kãgrá tỹ topẽ mỹ,” he mũ. Kỹ ko tũg nĩ sir, ũ tỹ ã mỹ tó mũ tugnĩn, ti tỹ ã to jykrén kónãn tũ nĩ jé.

1 Corinto 14:20

Inh kanhkã', to jykrén há han nĩ. Gĩr tỹ nén ũ to jykrén tũ ẽn ri ke nỹtĩ sór tũg nĩ. Vẽjykre pãno hã to gĩr tỹ ki kagtĩg nĩ ẽn ri ke nỹtĩm nĩ, ãjag tỹ ti kórég han tũ nĩ jé. Kỹ tóg inh mỹ ãjag tỹ ũn sanh há ag tỹ nén ũ há to jykrén há ẽn ri ke nỹtĩnh há tĩ.

1 Corinto 15:34

Krĩ há han ra, tag hã ne há nĩ'. Topẽ vĩ mranh tũg nĩ. Ãjag kã mĩ ũ vỹ Topẽ ki kanhró tũ nỹtĩ ver'. Tag to vẽnh mỹ en nĩ.

1 Corinto 4:10

Krĩ tũ nĩ ve sóg nĩ mỹr, Cristo tugrĩn. Inh jãvo ãjag tóg krĩ há nỹtĩ ve nĩ, Cristo jykre ki. Krój inh nĩ, jãvo ãjag tóg tar nỹtĩ ve nĩ. Ãjag to ag tóg vĩ há han tĩ, jãvo ag tóg iso é he tĩ.

1 Corinto 4:18

Jãvo ãjag kã mĩ ũ tóg vẽsỹ ũn mág han sór mũ, iso: “kãtĩg ke tũ pẽ ti nĩ,” hen kỹ.

1 Corinto 4:6

Inh kanhkã', Topẽ vĩ rá pãtén sór tũg nĩ. Ũ tỹ ãjag kanhrãn mũ to: “Topẽ vĩ tó tĩ ag kãfór vỹ tỹ ti nĩ,” he tũg nĩ. Ãjag tỹ to jykrén há han jé, hã jé sóg vẽnh hã to tag rán, ãjag mỹ, Apolo to ke gé, ẽg tỹ jagnẽ ri ke nỹtĩ tag ti.

1 Corinto 5:2

Hã ra ãjag tóg to fe kaj tũ nỹtĩgtĩ. Vẽsỹ ũn mág han sór ãjag tóg mũgtĩ, vẽjykre kórég tag tỹ ãjag kã mĩ ũ kã kã nĩ ra. Ãjag ne tóg vẽsỹrénh tũ nỹtĩgtĩ', ãjag tỹ ũ tỹ ti kórég tỹ ge han mũ ẽn kutẽm jé, ãjag kã mĩ.

1 Corinto 5:6

Ãjag tỹ vẽso: “há ẽg nỹtĩ,” he mũ ra ti pijé há nĩgtĩ'. Ha mẽ, fermento sĩ tỹ ẽmĩ jãgja kỹ tóg són ke kỹ mog tĩ. Tag to jykrén.

1 Corinto 8:2

Ẽg tỹ nén ũ to: “ki kanhró sóg nĩ, ã jãvo,” hen kỹ tóg tỹ ẽg tỹ jagnẽ to é he ven nĩ.

1 Corinto 8:4

Kỹ sóg ãjag mỹ vẽjẽn ẽn kãmén sór mũ. Nén ũ tũ vẽ, ón kỹ vẽnh kãgrá tỹ topẽ ti. Pir ti nĩ, Topẽ ti. Topẽ ũ vỹ tũ nĩ.

1 Corinto 8:7

Hã ra ẽg kã mĩ ũ ag tóg tag ki kagtĩg nỹtĩ ver. Tãg ti nĩ ver, ag tỹ ón kỹ vẽnh kãgrá tỹ topẽ tovãnh mũ ti. Hã kỹ ón kỹ vẽnh kãgrá tỹ topẽ mỹ vẽjẽn pũn ja ẽn tóg, ag tỹ ko kỹ nẽji, ag mỹ tỹ vẽnh kãgrá tỹ topẽ ẽn tũ ko ri ke nĩ sir. Kỹ tóg, ag tỹ tag to krój nỹtĩn kỹ, ag mỹ ag tỹ vẽjẽn to vẽnh kavénh ha mẽ tĩ.

Éfeso 4:16

Kỹ ẽg tóg tỹ ti há ri ke nỹtĩ. Ẽg kar tỹ tóg nén ũ pir han. Kỹ ẽg kar vỹ ti tỹ ẽg mỹ ti rãnhrãj nĩm ja ẽn to tar nỹtĩnh mũ. Kỹ ẽg tóg ũn sanh há tar ri ke nỹtĩ sir. Mog jé ẽg tóg ke mũ, ẽg tỹ jagnẽ to há nỹtĩn kỹ.

Colossos 2:18

Ũ tóg ãjag mỹ Topẽ tỹ jẽnẽ jafã ag tó sór mũ gé. “Topẽ tỹ jẽnẽ jafã vég sóg tĩ. Kỹ sóg ag hã mỹ jãn sór tĩ,” he ag tóg tĩ, ón kỹ. Hã ra ag tóg tag hã to tỹ ũn mág nỹtĩ sór mũ. Ãjag kãfór nỹtĩ sór ag tóg mũ.

Nén Venh Ke 2:14

Hã ra sóg nén ũ tó sór mũ gé, ãjag mỹ, ti tỹ inh mỹ há tũ nĩn kỹ. Ãjag kã mĩ ũ ag tóg Balaão jykre han sór mũ. Balaão vỹ Balaque mỹ ti tỹ Israel krẽ ag krĩn kónãn ke kãmén ja nĩ, Topẽ vĩ mranh ke to. Kỹ ag tóg ón kỹ vẽnh kãgrá to fénhta ko ja nĩgtĩ. Ẽn ko kỹ ag tóg ag prũ tũ fag mré nỹgnỹ' he ja nĩgtĩ gé. Tag han sór ag tóg mũ gé, kỹ tóg inh mỹ kórég nỹ.

Nén Venh Ke 2:20

Hã ra sóg nén ũ sĩ tó sór mũ gé, ãjag mỹ, ti tỹ inh mỹ há tũ nĩn kỹ. Jezabel fi vĩ kamẽg ja tũ ãjag tóg nĩgtĩ. Hã kỹ fi tóg ón kỹ vĩ tĩ nĩ. Inh mỹ rãnhrãj tĩ ag krĩn kónãn fi tóg tĩ, ag tỹ fi mré nỹ jé, ag tỹ vẽnh kãgrá mỹ nén ũ nĩ pũn mũ ẽn ko jé gé.