1 Corinto 5:3 - O Novo Testamento na língua Kaingáng

³ Ha mẽ, ẽg tỹ ti tỹ nén han ke to inh jykrén huri, sỹ ãjag mré nĩ tũ ra ver. Sỹ ãjag mré nĩ ri ke han sóg tĩ, sỹ ãjag mré ti to jykrén kỹ. Ũ tỹ vẽjykre pãno tỹ ge han mũ ẽn tỹ tag han nĩ, ha mẽ.

1 Corinto 5:3 Iomraidhean Croise

1 Corinto 5:12

Ẽg pijé ẽg mré ke tũ ag jykre tugnỹm ke mũ', Jesus ki ge tũ ag. Ãjag tỹ ẽg mré ke ag jykre tugnỹm ke vẽ, ag jykre to: “tag vỹ há nĩ, tag vỹ kórég nĩ,” henh ke vẽ.

2 Corinto 10:1

Ha vé, ãjag jyvẽn sór inh mũ, inh, hã vỹ: Paulo, he mũ. Sỹ ãjag mré nĩn kỹ sóg nẽji komẽr hã vĩ tĩ. Kỹ, isỹ kór há tá nĩn kỹ isóg nẽji vĩ jũ han tĩ, ãjag mỹ. Cristo ne komẽr hã vĩ tĩ'. Ũn há vẽ, Cristo ti. Ti jykre hã han sór inh nĩgtĩ.

2 Corinto 10:11

Ha vé, isỹ rán mũ ri ke han jé sóg ke mũ, isỹ ãjag mré nĩn kỹ, ha vem nĩ.

2 Corinto 13:2

Sỹ ãjag mré nĩ mãn ja nĩn kỹ sóg ãjag mỹ tag tó huri, kỹ sóg ũri ãjag mỹ rán mũ sir, ha mẽ. Vãsỹ sóg komẽr hã vĩ ja nĩ, ũ tỹ Topẽ vĩ mranh ja ẽn ag mỹ. Inh jun kỹ inh pijé, komẽr hã vĩ mãn mũ', ha vem nĩ. Vĩ tar han jé sóg ke mũ mỹr.

Colossos 2:5

Ãjag vég tũ sóg nĩ. Hã ra sóg ãjag ki ẽkrég tĩ, kỹ tóg sỹ ãjag ve ẽn ri ke nĩ. Inh mỹ tóg sér tĩ, ãjag tỹ Cristo ki ge tovãnh tũ nĩn kỹ, ãjag tỹ ti to tar tãvĩ nỹtĩn kỹ.

1 Tessalônica 2:17

Inh kanhkã', isỹ ãjag vég tũ nĩn kỹ tóg inh mỹ e tĩ. Hã kỹ sóg fe kaj nĩ. Tãg ti nĩ ver, sỹ ãjag ve ja ti. Hã ra inh pijé ãjag kã jatu' he mũ'. Ãjag ve sór tãvĩ inh nĩ, kỹ sóg ãjag to kãtĩg kren.