1 Corinto 4:2 - O Novo Testamento na língua Kaingáng

² Kỹ ẽg patrão tóg nén ũ pir ve sór nĩgtĩ, ẽg tỹ ti tũ ki rĩr mũn kỹ, hã vỹ: ẽg tỹ ki rĩr há han mũ, he mũ. Ge ti nĩ, Topẽ tỹ ẽg ki nén ve sór mũ ti. Ti tũ ki rĩr há han jé ẽg tóg ke mũ.

1 Corinto 4:2 Iomraidhean Croise

Mateus 25:21

Kỹ tóg ti mỹ: “jykre há ã nĩ,” he mũ. “Ã tũ ki rĩr há han ja ã nĩ mỹr, nén sĩ ki. Kỹ sóg ã mỹ nén ũ e vin sór mũ,” he tóg.

Mateus 25:23

Kỹ tóg ti mỹ: “jykre há ã nĩ,” he mũ gé. “Ã tũ ki rĩr há han ja ã nĩ mỹr, nén sĩ ki. Kỹ sóg ã mỹ nén ũ e vin sór mũ,” he tóg.

Lucas 12:42

Kỹ tóg: “kejẽn patrão tóg hẽn ra tĩg sór mũ. Kỹ tóg ti camarada ag kã ũ kuprẽg mũ, ti tỹ ti jo ag ki rĩr jé. Ũ tỹ ti rãnhrãj ki rĩr há han tĩ ẽn kuprẽg tóg mũ, ti tỹ ag mỹ vẽjẽn ven jé.

1 Corinto 4:1

Ãjag tỹ ẽg to jykrén kỹ tag to jykrén nĩ, ha mẽ. Cristo mỹ rãnhrãj tĩ vỹ tỹ ẽg nỹtĩ. Topẽ jykre tó ẽg tóg tĩ, ẽg tỹ vẽsóg ki nén to jykrén vãnh ẽn.

1 Corinto 4:17

Hã jé sóg Timóteo jẽnẽ, ãjag to. Inh kósin ri ke ti nĩ. Ti to inh há tãvĩ nĩ. Kỹ tóg ẽg Senhor jykre to tar nĩ. Ẽn hã vỹ ãjag mỹ tó mãn ke mũ, isỹ Jesus Cristo japry jagma tĩ ti, isỹ ti jamĩn jagma tĩ ti, isỹ igreja kar ki ke ag kanhrãn tĩ ti, ẽmã kar mĩ hã.

1 Corinto 4:3

Kỹ tóg ãjag tỹ isỹ nén han mũ to vĩ mũ ra inh mỹ tỹ nén ũ tũ nĩ, ẽprã ke ag tỹ inh jykre to vĩ mũ ra. Kỹ isóg inh jykre to: há ti nĩ, he tũ nĩgtĩ gé.

1 Corinto 7:25

Ũn mén ja tũ fag tó ja ãjag tóg nĩgtĩ inh mỹ, ãjag tỹ rán ki. Hã ra ẽg Senhor pijé fag to nén ũ tó ja nĩgtĩ'. Kỹ sóg to jykrén kỹ ãjag mỹ tag tó sór mũ, ha mẽ. Ẽg Senhor tóg inh jagãgtãn, kỹ tóg isar han, sỹ to jykrén há han jé.

2 Corinto 2:17

Ha vé, ũ ag tóg Topẽ vĩ kãmén to jãnkamy ve sór tĩ, ke tũ nĩ kỹ ag tóg vẽsỹ ũn mág han tĩ. Ag jãvo inh pijé ti kaja ve sór tĩ'. Inh pijé vẽsỹ ũn mág han mũ'. Cristo ki rã kỹ sóg Topẽ rĩnve ti kãmén tĩ. Jykre pir han sóg tĩ mỹr. Ũ tỹ inh jẽnẽg mũ vỹ tỹ Topẽ ti nĩ.

2 Corinto 4:2

Hỹ, ũ ag tóg nén tỹ ẽg mỹ'ãg han tĩ ẽn han tĩ, kuty tá, ũ tỹ ag vég tũ nĩn jé. Vẽjykre tỹ ge tovãnh kãn inh huri. Ón kỹ sóg: “Topẽ vỹ tag tó ja nĩ,” he tũ nĩgtĩ gé. Ki hã sóg tó tĩ. Ũ tỹ isugnỹm mũ ẽn vỹ ki kanhrãn kãn ke mũ, inh jykre ki.

Colossos 1:7

Ũ tỹ ãjag mỹ tó vén mũ vỹ tỹ Epafras nĩ. Jagnẽ to há tãvĩ ẽg nỹtĩ, Epafras mré. Inh mré tóg Cristo rãnhrãj han tĩgtĩ. Ãjag ki rĩr há han tóg tĩ, ãjag mỹ ti vĩ kãmén kỹ. To krónh ke tũ ti nĩgtĩ.

Colossos 4:17

Kỹ Arquipo mỹ: “ẽg Senhor tỹ ã mỹ nén ũ tó mũ ẽn han nĩ. To krónh ke tũg nĩ,” hem nĩ.

Colossos 4:7

Sỹ ãjag mỹ Tíquico jẽnẽ vẽ, ti tỹ ãjag mỹ isỹ nén ũ vég mũ kãmén kãn jé, isỹ nén ũ han mũ ti ke gé. Ẽg régre vẽ. Ẽg to há tãvĩ ti nĩ. Ẽg Senhor rãnhrãj han to ti krónh ke tũ nĩgtĩ.