1 Corinto 3:2 - O Novo Testamento na língua Kaingáng

² Hã kỹ sóg ãjag mỹ leite ri ke hã ven ja nĩ, sỹ ãjag mỹ Topẽ vĩ tó kỹ. Inh pijé ãjag mỹ vẽjẽn tar ri ke ven ja nĩgtĩ', ãjag tỹ ver to tar tũ ja nỹtĩn kỹ. Kỹ ãjag tóg ũri to tar tũ nỹtĩ gé. Ver ãjag tóg Topẽ kuprĩg tỹ jagrẽ tũ nỹtĩ ve nĩ.

1 Corinto 3:2 Iomraidhean Croise

João 16:12

“Sỹ ãjag mỹ nén tónh ke mũ vỹ ver e nỹtĩ, hã ra tóg ver ãjag mỹ mẽ jagy tĩ, hã kỹ sóg tónh ke tũ nĩ.

1 Pedro 2:2

Nẽnẽ vỹ leite kron (ka)mẽ nĩgtĩ. Topẽ vĩ vỹ ẽg mỹ gĩr sĩ pafa mũ ẽn ri ke nĩ. Kãnhmar vẽnh vĩ há ẽn mẽ mãn', mẽ mãn' hem nĩ. Kỹ ãjag tóg mog há han ke mũ, ãjag krenkren jé.