1 Corinto 3:1 - O Novo Testamento na língua Kaingáng

¹ Inh kanhkã', inh pijé ãjag mỹ Topẽ jykre tó kãn ja nĩ ver', sỹ ãjag mỹ tó sór mũ ra. Ũ tỹ Topẽ kuprĩg tỹ jagrẽ tũ ri ke vỹ tỹ ãjag nỹtĩ. Gĩr ri ke vỹ tỹ ãjag nỹtĩ, ãjag tỹ Cristo jykre to tar tũ nỹtĩn kỹ.

1 Corinto 3:1 Iomraidhean Croise

Mateus 16:23

Hã ra Jesus tóg vẽsỹjãm ẽvãnh kỹ ti mỹ vĩ tar han mũ sir, ti to jũ kỹ. “Kutĩg, Satanás,” he tóg, Pedro mỹ. “Isỹ Topẽ vĩ mranh han sór ã tóg mũ. Ã pijé Topẽ jykre tó mũ'. Ẽprã ke jykre vẽ, ã tỹ inh mỹ nén tó mũ tag ti,” he tóg.

Roma 7:14

Topẽ tỹ ẽg jyvẽn mũ ẽn vỹ tỹ ti tũ nĩ. Ti kuprĩg vỹ to ẽg kanhrãn tĩ. Jérĩn mỹ ẽg tóg ẽg tỹ nén to én mũ ẽn han sór tĩ, ẽg krój nỹtĩn kỹ. Ti vĩ mranh kỹ ẽg tóg tỹ ti vĩ mranh jafã nỹtĩ.

1 Corinto 14:20

Inh kanhkã', to jykrén há han nĩ. Gĩr tỹ nén ũ to jykrén tũ ẽn ri ke nỹtĩ sór tũg nĩ. Vẽjykre pãno hã to gĩr tỹ ki kagtĩg nĩ ẽn ri ke nỹtĩm nĩ, ãjag tỹ ti kórég han tũ nĩ jé. Kỹ tóg inh mỹ ãjag tỹ ũn sanh há ag tỹ nén ũ há to jykrén há ẽn ri ke nỹtĩnh há tĩ.

1 Corinto 14:37

Ãjag kã mĩ ũ hỹn: “Topẽ vỹ inh mré vẽmén tĩ, ti kuprĩg tỹ inh krĩn tag to sóg tar tãvĩ nĩ,” he tĩ. Kỹn hỹn ki kanhró nĩ, sỹ ãjag mỹ Topẽ jykre tó mũ tag, ãjag tỹ igreja krẽm vẽnh mãn ke to. Ẽg Senhor tỹ ẽg mỹ vẽjykre nĩm jan hã vẽ, sỹ ãjag mỹ rán mũ tag ti.

1 Corinto 2:6

Jãvo sóg ũ tỹ Jesus ki kanhró mág ag mỹ Topẽ vĩ tó tĩ gé, ũ tỹ to jykrén há ag mỹ. Hã ra ti pijé tỹ ẽprã ke vĩ nĩ'. Ga kri ke ag jykre tó tũ sóg nĩgtĩ. Tũ' he jé tóg ke mũ, ũri ũn mág ag vĩ ti.

Galácia 6:1

Inh kanhkã', kejẽn ãjag kã mĩ ũ tóg kygnẽg tĩ, vẽnh vatánh tá. Kỹ ti mỹ: “ã mỹ kygnẽ ja tũ?“ hem nĩ, ãjag tỹ Topẽ kuprĩg tỹ jagrẽ nỹtĩn kỹ. Komẽr hã ti mỹ tóm nĩ. Kỹ vẽso jykrén há han nĩ gé, ãjag tỹ ti kóm kygnẽg tũ nĩ jé.

Hebreu 5:13

Gĩr kãsir ri ke ãjag nỹtĩ, ãjag tỹ Jesus kãme ẽn ki kanhrãn kãn tũ nĩn kỹ ver. Leite hã kron ag tóg tĩ, ag tỹ ver kãsir nỹtĩn kỹ.

1 João 2:12

Inh krẽ, sỹ ãjag mỹ rán vẽ. Ãjag tỹ Topẽ vĩ mranh ja ẽn vỹ vẽnh pãte fón kỹ nĩ nĩ, Jesus Cristo tugrĩn.