1 Corinto 2:1 - O Novo Testamento na língua Kaingáng

¹ Inh kanhkã', ãjag ki sóg jun ja nĩ, sỹ ãjag mỹ Topẽ jykre tó jé. Inh pijé ãjag mỹ ón kỹ: “estudo mág inh nĩ, kỹ inh ki kanhró mág nĩ,” he ja nĩ.

1 Corinto 2:1 Iomraidhean Croise

Han Kãme 20:21

Judeu ag mỹ sóg tó ja nĩgtĩ, inh mré ke ag mỹ, fóg ag mỹ ke gé, ag tỹ ag jykre pãno tovãnh jé, Topẽ jykre han jé, ẽg Senhor tỹ Jesus Cristo ki ge jé,” he tóg.

Han Kãme 22:18

Ti hã vẽ, ẽg Senhor hã vẽ. Kỹ tóg inh mỹ: kur Jerusalém tá kutẽ. Ã vĩ mẽnh ke tũ ag nĩ, ã tỹ ag mỹ inh kãmén mũ ra, he mũ.

Roma 16:18

Ag pijé ẽg Senhor tỹ Cristo rãnhrãj han sór tĩ'. Ag nug hã ki rĩr ag tóg tĩ'. Ón kỹ ag vĩ vỹ mẽ há tĩ, kỹ ũ tỹ hẽn ri ke ag tóg kri fi sór mũ, ũ tỹ nén ũ vẽnh mỹ to jykrén tũ ag. Inh mỹ tóg ag tỹ ũ tỹ ge krĩn kónãn ha mẽ tĩ. Kỹ ag vĩ mẽ sór tũg nĩ.

Roma 16:25

Ha mẽ, ẽg jé Topẽ mỹ vĩ há han. Ẽg tar han ki kanhró tóg nĩ, ẽg tỹ ti ki rã kar krónh ke tũ nĩn jé. Sỹ ãjag mỹ Topẽ vĩ sér tó mũn hã vẽ, Jesus Cristo kãmén kỹ. Vãsỹ ẽg tóg mẽ ja tũ nĩ, ti vĩ sér tag ti. Ẽg tỹ vãhã mẽ vẽ, Topẽ tỹ ẽg mỹ to vẽjykre nĩm kỹ. Prỹg tỹ hẽn ri ke ki ag tóg mẽ ja tũ nĩ, ẽg jo ke ag.

1 Corinto 1:17

Cristo pijé inh mỹ: “ha ag kygpenh tĩg,” he ja nĩ'. Inh mỹ tóg: “ha ag mỹ inh vĩ kãmén tĩg,” he ja nĩ. Kỹ sóg tó tĩgtĩ. Hã ra sóg ón kỹ tỹ vẽme kanhró han vãnh nĩgtĩ. Ke tũ nĩ mũ ra Cristo tỹ krunh to sa ja ẽn vỹ tỹ nén ũ tũ nĩ ve nĩ sir.

1 Corinto 1:6

Cristo kãme ki kanhró ãjag tóg nỹtĩ mỹr, to tar ãjag tóg nỹtĩ.

1 Corinto 2:13

Hã tó sóg tĩ. Ẽprã ke vĩ pijé'. Topẽ kuprĩg vĩ vẽ. Hã kỹ sóg ti kuprĩg hã tỹ ti jykre kãmén tĩ.

1 Corinto 2:4

Isỹ ãjag mỹ Topẽ vĩ tó kỹ inh pijé vẽnh vĩ sĩnvĩ tỹ ãjag krĩn sór ja nĩgtĩ'. Topẽ kuprĩg tỹ inh jagrẽ nĩ hã tỹ sóg ãjag mỹ tó ja nĩgtĩ', ti jykre tar tỹ.

1 Corinto 2:7

Topẽ vĩ hã tó sóg tĩ mỹr'. Ẽn tỹ ẽg vẽsóg ki ki kanhrãn ke tũ nĩ. Hã ra Topẽ tóg vãsỹ to jykrén mũ. Ga tỹ kã nĩ to hã tóg to jykrén mũ, ẽg tỹ ti vĩ ki kanhrãn jé, ẽg tỹ ti jykre ki kanhró tugrĩn tỹ ũn mág nỹtĩ jé.

2 Corinto 10:10

Inh vẽnh rá ki inh nẽji ãjag mỹ vĩ tar han tĩ. Sỹ ãjag mré nĩn kỹ sóg nẽji krój nĩ ve nĩ.

2 Corinto 11:6

Vĩ sĩnvĩ han tũ inh nẽji nĩ, ag vĩ sĩnvĩ ri ke. Hã ra sóg nén tỹ hẽn ri ke ki kanhró nĩgtĩ. Tag ve ãjag tóg mỹr, ãjag tỹ inh vĩ mẽ kỹ.

2 Tessalônica 1:10

Ti kãtĩg kỹ tóg ag vóg kónãn ke mũ. Kỹ tóg vãhã ti tũ ag tỹ ũn mág han ke mũ sir. Kỹ vẽnh kar tóg ẽg tugrĩn ti jykre ve kãn ke mũ, ẽg tỹ ti ki ge kỹ nỹtĩn kỹ. Ãjag hã tóg inh vĩ kri fi. Hã kỹ ãjag tóg kurã ẽn venh ke mũ.

1 Timóteo 1:11

Ũ tỹ tag han mũ tũgrĩn tóg ẽg jyvẽn ja nĩ, ẽg tỹ han tũg jé. Ti hã vỹ ẽg mỹ vẽnh vĩ sér tó ja nĩgtĩ'. Ti hã vỹ inh mỹ: “ha vẽnh kar mỹ tónh tĩg,” he ja nĩ'. Topẽ hã ne ti pir mỹ há nĩ'. Jãvo ag tóg ti vĩ tag kato tẽ tĩ.

2 Timóteo 1:8

Hã kỹ ẽg Senhor to mỹ'ãg tũg nĩ. Ti kãmén nĩ. Kỹ inh kãmén nĩ gé, isỹ ti tugnĩn se kỹ jẽ tag ti. Kỹ ã tỹ ti tugrĩn vẽsỹrénh ke tag kamẽg tũg nĩ gé, inh mré. Topẽ vĩ to ẽg vẽsỹrénh tĩ. Hã ra Topẽ tóg to ẽg tar han tĩ.

1 João 4:14

Topẽ vỹ ti kósin jẽnẽ, ti tỹ ga kri mur jé, ti tỹ ẽg kren han jé. Tag ve sóg, hã kỹ sóg tó mũ.

Nén Venh Ke 1:2

João vỹ, Topẽ tỹ ti mỹ nén ven mũ ti ve kãn ja nĩ, Jesus Cristo tỹ ti mỹ nén ven mũ ẽn ti ke gé. Ti tỹ ve kỹ tóg rán ja nĩ. Hã vỹ nĩ.

Nén Venh Ke 1:9

Ãjag mré ke vỹ tỹ inh nĩ, inh, hã vỹ: João, he mũ. Jesus mré ke vỹ tỹ inh nĩ. Jagtar inh nĩ gé, ãjag jagtar ri ke. Hã ra sóg ãjag kóm to krónh ke tũ nĩgtĩ gé. Kỹ sóg ãjag mré Topẽ tỹ tỹ ẽg pã'i nĩ venh ke mũ gé. Goj vãso kã inh nĩ nĩ, ti jijin hã vỹ: Patmos, he mũ. Kã sóg se kỹ nĩ nĩ, isỹ Topẽ vĩ tó ja tugrĩn.

Nén Venh Ke 19:10

Kỹ sóg ti krẽm mũg ke mũ, sỹ ti mỹ: “Topẽ vỹ tỹ ã nĩ,” he jé. Hã ra tóg inh mỹ: “ke tũg ra,” he mũ. “Topẽ mỹ rãnhrãj tĩ vỹ tỹ inh nĩ, ã ri ke, ã kanhkã ag ri ke.Ũ tỹ Jesus tỹ ki hã tó mũ ki króm mũ ẽn ag kar ri ke sóg nĩ,” he tóg. “Topẽ hã mỹ: Topẽ vỹ tỹ ã nĩ, hem nĩ,” he tóg inh mỹ, Topẽ tỹ jẽnẽ jafã ẽn ti. Topẽ vĩ tó tĩ ag vỹ Jesus tỹ ki hã tó mũ ẽn hã kãmén tĩ.