1 Corinto 13:3 - O Novo Testamento na língua Kaingáng

³ Hẽn ri ke mũn ẽg tóg ẽg tũ vin kãn tĩ, ũn jagtar ag mỹ. Hẽn ri ke mũn ẽg tóg ũ tỹ Jesus kato tẽ mũ ag mỹ vẽnh fẽg mũ, ag tỹ ẽg pũn jé. Ẽg tỹ jérĩn mỹ vẽnh kar to há tũ nỹtĩn kỹ tóg ẽg mỹ nén ũ há han ke tũ nĩ.

1 Corinto 13:3 Iomraidhean Croise

Mateus 23:5

Ag tỹ nén ũ há han kỹ ag tóg tỹ ũn mág nỹtĩ sór mũ sir, vẽnh kar tỹ ag ve jé. Ag tỹ Topẽ mré vĩ jé ag tóg, ti vĩ rá tỹ ag nĩgé tógfĩg tĩ, ag kakã ke gé. Vẽsógfĩn ja tãpér tỹ ag tóg vẽsógfĩg tĩ. Topẽ jykre han jé ag tóg kur tóv mág tu tĩ gé.

Lucas 18:22

Kỹ tóg ti mỹ: “nén ũ pir vỹ tũ nĩ ver,” he mũ. “Ã tũ vãm kãn nĩ, ã tỹ ũn jagtar ag mỹ vin jé, jãnkamy ti. Kỹ ã tóg kanhkã tá tũ mág nĩnh mũ sir. Kar kãtĩg nĩ, ã tỹ inh mré tĩg jé,” he tóg.

Lucas 18:28

Kỹ Pedro vỹ: “ha vé, ẽg tỹ nén ũ kar ré kỹ ẽg tóg ã mré mũ mũ,” he mũ.

Lucas 19:8

Kỹ tóg ti ĩn krẽm nĩ nĩ. Kỹ Zaqueu tóg vẽso jykrén kỹ ti mỹ vẽnh kãmén mũ. “Ha vé, isũ kuju vin jé sóg ke mũ, ũn jagtar ag mỹ. Ũ ag lograr he ja sóg nĩgtĩ, ag tũ ki, hã ra sóg ag mỹ ti kãfór nĩm sór mũ ha. Sỹ jãnkamy pir ki ũ lograr he jan ki sóg ti mỹ ũ tỹ 4 (ke) vin sór mũ,” he tóg mũ.

João 12:43

Ẽprã ke ag tỹ ag to vĩ há han mũ tag vỹ ag mỹ sér tĩ, kỹ Topẽ tỹ ag mỹ vĩ há han mũ vỹ ag mỹ pãgsĩ nĩ.

João 13:37

Kỹ Simão tóg ti mỹ: “isỹ ã mré tĩg há tóg tĩ. Isỹ ã tugrĩn ter kỹ tóg inh mỹ tỹ nén ũ tũ nĩnh mũ,” he mũ.

João 15:13

Ũ tỹ ti mré ke ũ ag jagfy ter sór mũ ẽn vỹ ag to há ja nĩgtĩ. Ũ tỹ ẽg to há kãfór pẽ ẽn venh ke tũ ẽg tóg nĩ, ẽprã.

João 6:63

“Ũ tỹ ẽg rĩnrĩr han mũ vỹ tỹ Topẽ kuprĩg ti nĩ. Isỹ ãjag tỹ inh nĩ ko' henh ke tag to ken hã vẽ, hã vỹ: inh ki rã, he mũ. Inh vĩ tag ki króm tugrĩn ãjag rĩnrĩr nỹtĩnh ke mũ.

Han Kãme 21:13

Hã ra Paulo tóg: “ãjag ne tóg kygfỹ mũ', he mũ. Inh fe ka han ãjag tóg mũ. Ag tỹ iség mũ ra tóg inh mỹ tỹ nén ũ tũ nĩ, ag tỹ isén mũ ra ke gé, ag tỹ Jerusalém tá inh vóg kónãn mũ ra, ẽg Senhor tỹ Jesus tugnĩn,” he tóg.

Galácia 5:26

Kỹ ẽg tóg sir tỹ ũn mág nỹtĩ sór ke tũ nĩ. Jagnẽ jũ han mãn sór ke tũ ẽg nĩ. Jagnẽ tũ mãn sór ke tũ ẽg nĩ gé. Vẽjykre há hã han jé ẽg tóg ke mũ.

Filipos 2:3

Vẽsỹ ũn mág han sór tũg nĩ. Jagnẽ kãfór han sór tũg nĩ. “Tỹ inh ũn sĩ nĩ,” hem nĩ. Jagnẽ mỹ: “inh kãfór ti nĩ,” hem nĩ gé.

1 Timóteo 4:8

Kejẽn ẽg tóg vãkrég tĩ. Ẽg tỹ vãkre to tar nỹtĩn kỹ tóg há sĩ nĩ. Ẽg tỹ jãvo vẽjykre kuryj kar to tar nỹtĩ tag vỹ há tãvĩ nĩ sir. Tag to ẽg tóg mũ há han tĩ, tag ki. Kar ẽg tóg kanhkã tá mũ há han ke mũ gé.

Hebreu 13:9

Ũ tỹ ón kỹ ãjag mỹ Topẽ vĩ to nén ũ ũ tó sór mũ ẽn vĩ jẽmẽ tũg nĩ. Ãjag tỹ tỹ prãnh ke han sór jé ag tóg ke mũ. Topẽ vỹ ãjag tar han ki kanhró nĩ, ãjag jagãgtãn kỹ. Ũ tóg: “ã tỹ vẽjẽn tag kon kỹ ã tóg Topẽ jykre to tar nĩ,” he tĩ. Ag ón vẽ. Vẽjẽn pijé ẽg tỹ ti jykre to tar nĩ han ki kanhró nĩ'. Topẽ hã ne ẽg tar han tĩ'.