1 Corinto 1:2 - O Novo Testamento na língua Kaingáng

² Corinto tá ãjag tóg vẽnh mãn tĩ, Topẽ vĩ mẽ jé. Topẽ tũ vỹ tỹ ãjag nỹtĩ. Ãjag jé tóg prẽr, ãjag tỹ tỹ Jesus Cristo mré ke nỹtĩn jé. Vẽnh kar mỹ ke vẽ gé, vẽnh rá tag ti, ũ tỹ hẽ tá ẽg Senhor tỹ Jesus Cristo jiji tó tĩ ag mỹ, fag mỹ ke gé. Vẽnh kar Senhor vẽ, kỹ tóg tỹ ẽg Senhor nĩ gé.

1 Corinto 1:2 Iomraidhean Croise

Han Kãme 10:36

Povo tỹ Israel ag mỹ tóg ti vĩ ẽn jẽnẽ ja nĩ. Ẽg mỹ tóg tó, ẽg tỹ jatu nỹtĩ jé, ti tỹ Jesus Cristo tugrĩn ẽg to há nĩn kỹ. Jesus ẽn vỹ tỹ vẽnh kar Senhor nĩ.

Han Kãme 15:9

Hã kỹ Topẽ tóg ag to: vyr mỹ ke ag vẽ, he tũ nĩgtĩ. Ag tỹ ti ki ge kỹ nỹtĩn kỹ tóg ag fe tỹ jãnhkri' he mũ, fóg ag fe tỹ.

Han Kãme 18:1

Kỹ Paulo tóg Atenas ki kutẽ kỹ Corinto ra tĩ mũ.

Han Kãme 22:16

Kỹ ẽmẽ kã nĩ tũg nĩ. Jẽgnẽ ra, ã tỹ kype kỹ jẽ jé, Topẽ tỹ ã tỹ ti vĩ mranh tỹ tũ' he jé. Ti mré vĩ, ti jiji tó kỹ,” he tóg inh mỹ, Ananias ti,” he tóg, Paulo ti.

Han Kãme 26:18

“Ag kanẽ nugnón sór inh mũ. Ag tỹ vẽjykre pãno han kỹ tóg ag kã ki kuty nĩ sir, hã ra sóg ag kã ki jẽngrẽ han sór mũ. Japo krẽm ag nỹtĩ. Hã ra sóg ag kygvãn sór mũ. Ag tỹ inh vĩ mranh tỹ sóg vẽnh pãte fón sór mũ, ag tỹ ũ tỹ inh ki ge kỹ nỹtĩ ag mré kanhkã tá junjun jé, he tóg inh mỹ, Jesus ti,” he tóg, Paulo ti.

Han Kãme 9:13

Kỹ tóg ẽg Senhor ti mỹ: “vẽnh kar tóg ti kãmén tĩ hã ra, ã tỹ inh mỹ ũ tó mũ tag ti,” he mũ. “Jerusalém tá tóg ã tũ ag vóg kónãn.

Han Kãme 9:14

Kỹ tóg vẽnh rá ma kãtĩ mũ, Topẽ tũ to pã'i mág tỹ ti mỹ han kỹ. Kỹ tóg ũ tỹ ã mré vĩ mũ kar sigse sór mũ, ẽmã tag ki,” he tóg, Ananias ti.

Han Kãme 9:21

Ũ tỹ ti vĩ mẽg mũ kar ag mỹ tóg e tĩ. “Jerusalém tá tóg ag vóg kónãn tĩ, ũ tỹ Jesus tó mũ ag. Kỹ tóg tag ki jun mũ gé, ag sigse jé, ti tỹ Topẽ tũ to pã'i mág ag mỹ ag tatĩ tĩg jé,” he ag tóg, Saulo to.

Roma 1:7

Kỹ sóg ãjag mỹ vẽnh rá jẽnẽg mũ, Topẽ tỹ ãjag to há nĩn kỹ. Roma tá ãjag tóg nỹtĩ. Hã kỹ sóg ẽg jóg tỹ Topẽ mỹ: “ag tar han nĩ, ag mỹ vẽjykre kusa nĩm nĩ,” he tĩ. Ẽg Senhor tỹ Jesus Cristo mỹ sóg ãjag tó tĩ gé.

Roma 10:12

Vẽnh kar mỹ ke vẽ sir, vẽnh vĩ tag, Judeu ag mỹ, kar kỹ fóg ag mỹ, kanhgág ag mỹ ke gé, fag kar mỹ ke gé. Tỹ tóg ẽg kar Senhor nĩ mỹr. Kỹ tóg, ẽg kar tỹ ti mỹ nén ũ to vĩn kỹ, ẽg mỹ nĩm ke mũ gé sir.

Roma 8:28

Ha vé, Topẽ to ẽg há nỹtĩ. Hã kỹ ẽg tỹ nén vég mũ kar vỹ ẽg tar han ke mũ, ẽg tỹ ti jagy vég mũ mré hã. Topẽ hã vỹ ẽg ki rĩr mũ, ti tỹ ẽg kuprẽg ja nĩn kỹ.

1 Corinto 1:30

Topẽ mré ke vỹ tỹ ẽg nỹtĩ, ha mẽ, ẽg tỹ tỹ Jesus Cristo mré ke nỹtĩn kỹ. Topẽ hã vỹ ẽg krĩ há han mũ', ti hã vỹ ẽg mỹ vẽnh pãte fón mũ', Jesus tugrĩn. Ti hã ne ẽg krenkren han mũ'. Topẽ tỹ ti mỹ vẽjykre nĩm hã vẽ, ti tỹ ẽg tỹ tag han jé,

1 Corinto 10:32

Ũ tỹ ã tugrĩn Topẽ to jũ tũ nĩ kỹn há tĩ, Judeu ag, fóg ag, kanhgág ag, Topẽ tũ ag ke gé, ũ tỹ ẽg mré ke ag. Kỹ vẽjykre há hã han nĩ.

1 Corinto 12:27

Ha mẽ, Cristo há ri ke ẽg nỹtĩ, kỹ ẽg kar vỹ ti há ki nỹtĩ ri ke nỹtĩ gé sir.

1 Corinto 8:6

Hã ra tóg ẽg mỹ pir nĩ, ẽg jóg mág ti, ag jãvo. Nén kar han ja ti nĩgtĩ, vẽnh mỹ, kỹ ẽg tóg ti hã ve sór mũ gé sir. Pir ti nĩ gé, ẽg Senhor ti, hã vỹ: Jesus Cristo, he mũ. Nén ũ kar vỹ ti tugrĩn nỹtĩ. Kỹ ẽg ti tugnĩn krenkren ke mũ gé.

2 Corinto 1:1

Paulo tỹ rá vẽ, ẽg régre tỹ Timóteo mré. Jesus Cristo hã ne inh fẽg', isỹ tỹ ti apóstolo jẽ jé, Topẽ tỹ inh kuprẽg kỹ. Isỹ Topẽ tũ ag mỹ rán vẽ, ẽmã tỹ Corinto tá, ga tỹ Grécia tá, ag mỹ, fag mỹ ke gé.

2 Corinto 4:5

Inh pijé inh jykre kãmén tĩ'. Jesus Cristo hã kãmén sóg tĩ, ti tỹ tỹ ẽg Senhor nĩ ti. Jãvo sóg tỹ ãjag camarada ri ke nĩ, isỹ Jesus to há nĩn kỹ.

Galácia 1:2

Sỹ inh mré ke ag mré ga tỹ Galácia tá ke ag mỹ rán hã vẽ, fag mỹ ke gé, ũ tỹ Jesus to vẽnhmãn tĩ kar fag mỹ.

Éfeso 5:26

ẽg kar tỹ tỹ ti tũ nỹtĩ jé, fag ke gé. Goj tỹ ẽg kygpe kỹ nỹtĩ. Ti vĩ tỹ tóg ẽg jyvẽn tĩ, ẽg há nỹtĩ jé.

1 Tessalônica 1:1

Paulo tỹ rá vẽ. Isỹ ẽmã tỹ Tessalônica tá ke ag mỹ rán hã vẽ. Topẽ vĩ mẽ jé ãjag tóg tá vẽnh mãn tĩ. Topẽ tũ vỹ tỹ ãjag nỹtĩ, ẽg jóg mág ti. Ẽg Senhor tỹ Jesus Cristo tũ vỹ tỹ ãjag nỹtĩ gé. Sỹ ãjag mỹ vẽnh rá jẽnẽ vẽ, kỹ Silas mré Timóteo vỹ inh mré jẽnẽg mũ gé. Topẽ mỹ sóg to vĩ tĩ, ti tỹ ãjag tar han jé.

1 Tessalônica 4:7

Ẽg tỹ vẽnh kavénh kỹ ẽg tóg Topẽ jykre han tũ nĩgtĩ mỹr. Ti jykre vỹ kuryj nỹ. Ẽg tỹ tỹ ti tũ nỹtĩ hã jé tóg ẽg kuprẽg.

2 Tessalônica 1:1

Paulo tỹ rá vẽ. Isỹ ẽmã tỹ Tessalônica tá ke ag mỹ rán hã vẽ. Tá ãjag tóg Topẽ vĩ mẽ jé vẽnhmãn tĩ. Topẽ tũ vỹ tỹ ãjag nỹtĩ, ẽg jóg mág ti. Jesus Cristo tũ vỹ tỹ ãjag nỹtĩ gé, ẽg Senhor ti. Sỹ ãjag mỹ vẽnh rá jẽnẽ vẽ. Kỹ Silas vỹ jẽnẽg mũ gé inh mré, Timóteo ke gé.

1 Timóteo 2:8

Kỹ tá Jesus ki ge kỹ nỹtĩ ag mỹ tóm nĩ, ag tỹ igreja krẽm Topẽ mré vẽmén jé, jagnẽ kóm. Hã ra tóg há tũ nĩ, ũ tỹ ti jykre pãno tovãnh tũ ra ti mré vẽmén kỹ. Ag tỹ ag jũ tovãnh kãn ke vẽ. Tag tóm nĩ ag mỹ.

1 Timóteo 3:15

Hẽn ri ke mũn sóg kãtĩg vãnh han ke mũ. Hã ra sóg ã mỹ rán mũ. Topẽ vỹ rĩr jẽ. Ti tũ vỹ tỹ ẽg nỹtĩ, ũ tỹ ti ki ge kỹ nỹtĩ ag. Ẽg hã vỹ vẽnh vĩ há hã tó tĩ, Topẽ vĩ to.

2 Timóteo 1:9

Ti hã ne ẽg kren han'. Ti hã ne ẽg kuprẽg', ẽg tỹ tỹ ti tũ nỹtĩ jé. Ẽg tỹ vẽsóg ki to vãsãn pijé'. Ti hã ne to jykrén'. Kỹ tóg ẽg jagãgtãn kỹ ẽg kuprẽg, Jesus Cristo tugrĩn. Nén kar han ke to hã tóg tag to jykrén ja nĩgtĩ.

2 Timóteo 2:19

Ẽg tỹ ĩn han kỹ ẽg tóg ti nũna ẽn tar han tĩ. Ẽn ri ke ti nĩ, Topẽ jykre ti. Kỹ tóg tũ' henh ke tũ nĩ, ũ ag tỹ ón kỹ to vĩ mũ hã ra. Ẽg tỹ ti ki ge kỹ nỹtĩn kỹ tag vỹ ẽg to rán kỹ nĩ, ha mẽ: “ẽg Senhor vỹ ti tũ ag ki kanhró nĩ,” he tóg mũ. Kar kỹ tóg: “vẽjykre pãno tovãnh kãn ra, ãjag tỹ: inh Senhor vỹ tỹ ti nĩ, Jesus ti, he jé,” he mũ.

2 Timóteo 2:22

Kyrũ ag vỹ nén ũ kar to én (ka)mẽ nỹtĩ. Ẽn tovãnh kãn nĩ. Vẽjykre há hã mĩ tĩg sórm nĩ. Jesus ki rã há han nĩ. Vẽnh kar to há nĩm nĩ. Krĩ kuprã nĩm nĩ, ũ tỹ tỹ ẽg Senhor mré ke ag to, ũn jãnhkri ag to, vẽnh kar to ke gé.

Hebreu 10:10

Jesus tỹ Topẽ vĩ ki króm ja tugrĩn ẽg tóg ũri tỹ, Topẽ krẽ nỹtĩ ha. Jesus Cristo vỹ ẽg jagfy ter ja nĩ. Kỹ tóg ti ter pir ki ẽg név kajãm kãn. Kỹ Topẽ tóg, ẽg mỹ vẽnh pãte fón kãn mũ sir.

Hebreu 13:12

Hã kỹ Jesus tóg ẽmã jy ró ẽn mã tá ter ja nĩ gé, ti tỹ ẽg jagfy ter kỹ, ẽg jãnhkri han jé.

Hebreu 2:11

Ha vé, Jesus vỹ ẽg tar han tĩ, ẽg tỹ Topẽ vĩ mranh mãn sór tũ nĩ jé. Kỹ ũ tỹ ẽg tar han mũ vỹ ẽg mré jóg pir nĩ. Hã kỹ tóg ẽg to: “ ijãvy ag, inh ve fag,” he tĩ. Ẽg to tóg mỹ'ãg tũ nĩ.

Judas 1:1

Judas tỹ rá vẽ, Tiago jãvy ti. Jesus Cristo mỹ sóg rãnhrãj tĩgtĩ. Isỹ ẽg jóg tỹ Topẽ tỹ ũn kuprẽg ja ag mỹ rán hã vẽ, ti tỹ ũ to há ag mỹ. Ti tỹ ãjag kuprẽg kỹ tóg ãjag jy nĩgãn tĩ gé, Jesus Cristo tugrĩn.

Nén Venh Ke 19:16

Ti kur ki tag tóg rán kỹ nĩ, ha mẽ. “Pã'i kar ag kri pã'i,” he tóg, vẽnh rán ki. “Ũn mág kar ag kri ke,” he tóg mũ gé. Ti kre ki tóg rán kỹ nĩ gé.