1 Corinto 1:1 - O Novo Testamento na língua Kaingáng

¹ Paulo tỹ rá vẽ. Isỹ ẽmã tỹ Corinto tá ke ag mỹ rán hã vẽ. Kỹ ẽg régre tỹ Sóstenes vỹ inh mré rán mũ gé. Topẽ hã ne inh kuprẽg', kỹ tóg inh jé prẽr, Jesus Cristo tỹ inh fẽg jé, sỹ tỹ ti apóstolo jẽ jé sir. Hã kỹ sóg ãjag mỹ rán mũ.

1 Corinto 1:1 Iomraidhean Croise

Lucas 6:13

Tỹ vaj kỹ tóg ti mré mũ tĩ ag jé prẽr kãn mũ, kỹ tóg ag kã mĩ ũ tỹ 12 (ke) ag hã kuprẽg mũ. Ag to tóg: “sỹ ũn vin mũ ag,” he mũ, hã vỹ: apóstolo, he mũ.

João 15:16

Ãjag pijé inh kuprẽg'. Inh hã ne ãjag kuprẽg'. Kỹ sóg ãjag mỹ: kanẽ e han nĩ, he mũ ha, hã vỹ: vẽjykre há, he mũ. Vẽjykre há hã vỹ tũ' henh ke tũ nĩ. Ãjag tỹ ẽn han kỹ jatun mỹ Topẽ mỹ nén kar to vĩm nĩ, inh jiji tó kỹ. Kỹ tóg ãjag tỹ ti mỹ nén to vĩ mũ ẽn han ke mũ.

João 20:21

Kỹ tóg ag mỹ ke mãn mũ. “Mỹ sér nỹtĩm nĩ,” he tóg. “Inh panh tỹ inh jẽnẽ vẽ. Kỹ sóg ũri ãjag jẽgnẽg mũ gé, ti tỹ inh jẽnẽ ri ke,” he tóg.

Han Kãme 1:15

Kejẽn Jesus mré ke tỹ hẽn ri ke ag vỹ tá nỹtĩ nĩ, vẽnh mãn kỹ, ũ tỹ 100 kri 20 (ke) hỹn.

Han Kãme 1:2

Kỹ sóg ti tỹ kanhkã ra tãpry mũ rán huri ke gé. Ti tỹ kanhkã ra tãpry to hã tóg ti tỹ ũn kuprẽg mũ ag mré vẽmén ja nĩ ver. Topẽ kuprĩg tỹ ti mỹ nén tó mũ ẽn tó tóg mũ ag mỹ.

Han Kãme 18:17

Kỹ tá nỹtĩ ag tóg Sóstenes kãgmĩg mũ. Judeu ag vẽnh kanhrãn jafã to pã'i vẽ. Ti kãgmĩ kỹ ag tóg ti mrãnmrãn mũ, pã'i mág ẽn ĩn tá, hã ra Gálio tóg ki ẽmẽ sór tũ nĩ.

Han Kãme 22:21

Hã ra tóg inh mỹ: vó, ha tĩg. Kór há ra sóg ã jẽnẽnh mũ, fóg kar to, kanhgág kar to ke gé, he mũ,” he tóg, Paulo ti.

Roma 1:1

Paulo tỹ rá vẽ. Isỹ ẽmã tỹ Roma tá ke ag mỹ rán hã vẽ. Jesus Cristo mỹ rãnhrãj tĩ vỹ tỹ inh nĩ. Ti hã tóg inh fẽg, isỹ tỹ apóstolo nĩ jé. Kỹ tóg inh kuprẽg gé, isỹ vẽnh kar mỹ vẽnh vĩ sér kãmén jé, Topẽ tỹ ẽg mỹ vẽnh vĩ jẽnẽ ja ẽn ti.

Roma 1:10

Isỹ ti mré vẽmén kỹ sóg ãjag tó tĩ, sỹ kejẽn ãjag ve sór kỹ. Ti tỹ kejẽn ti mỹ há nĩn kỹ tóg inh mỹ: he, henh ke mũ.

Roma 1:5

Topẽ hã ne isar han', Jesus tugrĩn. Ti hã ne inh fẽg', isỹ tỹ apóstolo nĩn jé, isỹ fóg ag kar mỹ ti kãmén jé, kanhgág ag mỹ ke gé, ag tỹ ti ki ge jé, ti vĩ kri fi jé, ti jiji mẽ kỹ.

1 Corinto 15:9

Apóstolo ag krẽm ke kar vỹ tỹ inh nĩ. Sỹ tá krỹg ke tũ vẽ vẽ, sỹ tỹ apóstolo nĩnh ke ti, isỹ Topẽ ki ge kỹ nỹtĩ ag vóg kónãn ja nĩn kỹ, fag ke gé.

1 Corinto 3:9

Topẽ hã mré ẽg tóg rãnhrãj mũgtĩ. Topẽ japỹ ri ke ãjag nỹtĩ. Kỹ ãjag tóg ti tỹ ĩn han mũ ri ke nỹtĩ gé.

2 Corinto 1:1

Paulo tỹ rá vẽ, ẽg régre tỹ Timóteo mré. Jesus Cristo hã ne inh fẽg', isỹ tỹ ti apóstolo jẽ jé, Topẽ tỹ inh kuprẽg kỹ. Isỹ Topẽ tũ ag mỹ rán vẽ, ẽmã tỹ Corinto tá, ga tỹ Grécia tá, ag mỹ, fag mỹ ke gé.

2 Corinto 11:5

Ón kỹ apóstolo ag ne ãjag mỹ vẽnh vĩ tag tó sór mũ'. Inh pijé tỹ ag krẽm ke nĩ', ha mẽ.

2 Corinto 12:12

Ãjag mỹ sóg sỹ tỹ apóstolo jẽ ven huri. Isỹ nén ũ jagy vég mũ ra sóg to krónh ke tũ nĩgtĩ. Ẽg tỹ nén han vãnh hynhan ja inh nĩgtĩ, ãjag rĩnve, Topẽ jykre ti ke gé.

2 Corinto 8:5

Kỹ ag tóg isỹ ag ki vẽjykre há ve sór mũ ẽn kãfór han. Ẽg Senhor mỹ ag tóg vẽnh vin. Kỹ ag tóg vãhã ẽg mỹ nén ũ há tãvĩ han mũ gé.

Galácia 1:1

Paulo tỹ rá vẽ, inh. Tỹ sóg apóstolo nĩ. Ẽprã ke tỹ inh fẽg pijé'. Jesus Cristo hã vỹ inh fẽg, ẽg jóg tỹ Topẽ mré, ũ tỹ Jesus rĩn mãn mũ ẽn ti.

Éfeso 1:1

Paulo tỹ rá vẽ. Isỹ ẽmã tỹ Éfeso tá ke ag mỹ rán hã vẽ. Jesus Cristo vỹ inh fẽg', sỹ tỹ ti apóstolo jẽ jé, Topẽ tỹ inh kuprẽg kỹ. Topẽ tũ vỹ tỹ ãjag nỹtĩ, kỹ ãjag tóg ẽmã tỹ Éfeso tá Jesus to vẽnhmãn tĩ. Jesus Cristo tovãnh tũ ãjag tóg nĩ.

Éfeso 4:11

Ti hã ne ti rãnhrãj kar to ẽg tar han tĩ'. Ũ ag vin kỹ tóg ag tỹ apóstolo hynhan. Ũ mỹ tóg: “ũ tỹ inh vĩ mẽ ja tũ ag mỹ inh vĩ tónh tĩg nĩ,” he mũ. Ũ tỹ tóg igreja to kófa han. Ũ mỹ tóg: “ũ tỹ igreja krẽm vẽnh mãn tĩ ag mỹ inh vĩ kãmén nĩ,” he mũ gé.

Colossos 1:1

Paulo tỹ rá vẽ. Topẽ vỹ inh fẽg, sỹ tỹ Jesus Cristo apóstolo jẽ jé. Hã kỹ sóg ãjag mỹ carta tag rán mũ. Kỹ ẽg régre tỹ Timóteo vỹ inh mré rán mũ gé.

1 Timóteo 1:1

Paulo tỹ rá vẽ. Topẽ ne inh kuprẽg ja nĩ', ẽg kren han tĩ ti. Isỹ tỹ Jesus Cristo apóstolo jẽ jé tóg inh fẽg ja nĩ. Ti hã ve sór ẽg tóg mũ, Jesus Cristo ti.

1 Timóteo 2:7

Hã kỹ tóg inh mỹ: “ha vẽnh kar mỹ tónh tĩg,” he ja nĩ. Hã kỹ sóg tó mũ. Ki hã sóg tó mũ. Inh pijé ón mũ'. Fóg ag to tóg inh jẽnẽ, kanhgág ag to ke gé, sỹ ag mỹ vẽnh vĩ há tó jé, ag tỹ Topẽ ki ge jé gé.

2 Timóteo 1:1

Paulo tỹ rá vẽ. Topẽ ne inh fẽg', isỹ tỹ Jesus Cristo apóstolo jẽ jé. Inh mỹ tóg tó, isỹ vẽnh kar mỹ ẽg tỹ Jesus Cristo tugrĩn rĩnrĩr nỹtĩnh ke tag tó jé. Topẽ tỹ ẽg mỹ nén han sór mũn hã vẽ.